ದುಬೈ: 2028ರಲ್ಲಿ ಭಾರತವು ಸಿಒಪಿ33 ಶೃಂಗಸಭೆಯನ್ನು (COP33 Summit) ಆಯೋಜಿಸುವ ಪ್ರಸ್ತಾಪವನ್ನು ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಅವರು ಅಂತಾರಾಷ್ಟ್ರೀಯ ಸಮುದಾಯದ ಮುಂದಿಟ್ಟಿದ್ದಾರೆ. ಭಾರತವು ಹವಾಮಾನ ಬದಲಾವಣೆ ಪ್ರಕ್ರಿಯೆಗಾಗಿ ವಿಶ್ವಸಂಸ್ಥೆಯ ಕಾರ್ಯನೀತಿಗೆ ಬದ್ಧವಾಗಿದೆ. ಅದಕ್ಕಾಗಿಯೇ, 2028ರಲ್ಲಿ ಭಾರತದಲ್ಲಿ ಸಿಒಪಿ33 ಶೃಂಗಸಭೆಯನ್ನು ಆಯೋಜಿಸಲು ನಾನು ಪ್ರಸ್ತಾಪಿಸುತ್ತೇನೆ ಎಂದು ದುಬೈನಲ್ಲಿ (Dubai) ನಡೆದ ವಿಶ್ವಸಂಸ್ಥೆಯ ಹವಾಮಾನ ಬದಲಾವಣೆ ಸಮ್ಮೇಳನದಲ್ಲಿ (COP28) ಪಾಲ್ಗೊಂಡು ಹೇಳಿದರು. ಈ ವೇಳೆ ಅವರು ವಿಶ್ವ ಹವಾಮಾನ ಕ್ರಿಯೆಯ ಶೃಂಗಸಭೆಯಲ್ಲಿ ತಮ್ಮ ಭಾಷಣ ಮಾಡಿದರು.

2030ರವರೆಗೆ ಹೊರಸೂಸುವಿಕೆಯನ್ನು 45% ರಷ್ಟು ಕಡಿಮಗೊಳಿಸುವುದು ಭಾರತದ ಗುರಿಯಾಗಿದೆ. ನಾವು ಪಳೆಯುಳಿಕೆಯಲ್ಲದ ಇಂಧನದ ಪಾಲನ್ನು 50% ಗೆ ಹೆಚ್ಚಿಸಲು ನಿರ್ಧರಿಸಿದ್ದೇವೆ. ನಾವು 2070 ರ ವೇಳೆಗೆ ನಿವ್ವಳ ಶೂನ್ಯದ ಗುರಿಯತ್ತ ಮುಂದುವರಿಯುತ್ತೇವೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಹೇಳಿದರು.

Sharing my remarks at Opening Ceremony of High-level segment at @COP28_UAE Summit. https://t.co/gvrlHFWmlv

— Narendra Modi (@narendramodi) December 1, 2023

ದುಬೈನಲ್ಲಿ ನಡೆದ ವಿಶ್ವಸಂಸ್ಥೆಯ ಹವಾಮಾನ ಸಮ್ಮೇಳನದಲ್ಲಿ ರಾಜ್ಯಗಳ ಮುಖ್ಯಸ್ಥರು ಮತ್ತು ಸರ್ಕಾರಗಳ ಉನ್ನತ ಮಟ್ಟದ ವಿಭಾಗವನ್ನು ಉದ್ದೇಶಿಸಿ ಮಾತನಾಡಿದ ಅವರು, ಅಭಿವೃದ್ಧಿ ಮತ್ತು ಪರಿಸರ ಸಂರಕ್ಷಣೆಯ ನಡುವಿನ ಗಮನಾರ್ಹ ಸಮತೋಲನವನ್ನು ಭಾರತವು ಜಗತ್ತಿಗೆ ಉತ್ತಮ ಉದಾಹರಣೆಯನ್ನು ನೀಡಿದೆ ಎಂದು ಹೇಳಿದರು. ಸಿಒಪಿ28 ಅಧ್ಯಕ್ಷ ಸುಲ್ತಾನ್ ಅಲ್ ಜಾಬರ್ ಮತ್ತು ವಿಶ್ವ ಸಂಸ್ಥೆಯ ಹವಾಮಾನ ಬದಲಾವಣೆಯ ಅಧ್ಯಕ್ಷ ಸೈಮನ್ ಸ್ಟೀಲ್ ಅವರೊಂದಿಗೆ ಆರಂಭಿಕ ಭಾಷಣಕಾರರಾಗಿ ಮೋದಿ ಮಾತ್ರ ಏಕೈಕ ನಾಯಕರಾಗಿದ್ದರು.

ತಗ್ಗಿಸುವುದು ಮತ್ತು ಹೊಂದಾಣಿಕೆಯ ನಡುವೆ ಸಮತೋಲನವನ್ನು ಕಾಯ್ದುಕೊಳ್ಳಲು ಪ್ರಧಾನಿ ಕರೆ ನೀಡಿದರು ಮತ್ತು ಪ್ರಪಂಚದಾದ್ಯಂತ ಶಕ್ತಿ ಪರಿವರ್ತನೆಯು ಕೇವಲ ಮತ್ತು ಸಮಗ್ರವಾಗಿರಬೇಕು ಎಂದು ಪ್ರಧಾನಿ ಹೇಳಿದರು. ಭೂಮಿ ತಾಯಿಯು, ತನ್ನ ಭವಿಷ್ಯದ ರಕ್ಷಣೆಗಾಗಿ ನಮ್ಮತ್ತ ನೋಡುತ್ತಿದ್ದಾಳೆ. ನಾವು ಈ ವಿಷಯದಲ್ಲಿ ಯಶಸ್ವಿಯಾಗಬೇಕು ಮತ್ತು ಹೆಚ್ಚು ನಿರ್ಣಾಯಕವಾಗಿ ವರ್ತಿಸಬೇಕು ಎಂದು ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರು ಹೇಳಿದರು.

ಹವಾಮಾನ ಬದಲಾವಣೆಯಿಂದ ಜಾಗತಿಕ ಜಿಡಿಪಿ ನಷ್ಟ ಎಂದು ಅಧ್ಯಯನ ವರದಿ

ಹವಾಮಾನ ಬದಲಾವಣೆಯು (Climate Change) ಜನರ ಬದುಕಿನ ಮೇಲೆ ಸಾಕಷ್ಟು ಪ್ರಭಾವ ಬೀರುತ್ತಿದೆ. ಈಗ ಹೊಸದಾಗಿ ಬಿಡುಗಡೆಯಾಗಿರುವ ವರದಿಯ ಪ್ರಕಾರ(Study Report), ಹವಾಮಾನ ಬದಲಾವಣೆಯಿಂದಾಗಿ ವಿಶ್ವದ ಆರ್ಥಿಕತೆ ಕೂಡ ತಗ್ಗುತ್ತಿದೆ(Global GDP). ಸಿಒಪಿ28 (COP28) ಸಮಾವೇಶವು ಮುಂದಿರುವಂತೆ ಬಿಡುಗಡೆಯಾಗಿರುವ ಈ ವರದಿಯು ಸಾಕಷ್ಟು ಆತಂಕಕ್ಕೂ ಕಾರಣವಾಗಿದೆ. ಡೆಲವೇರ್ ವಿಶ್ವವಿದ್ಯಾನಿಲಯದ ವರದಿಯು ಮಾನವ ಪ್ರೇರಿತ ಹವಾಮಾನ ಬದಲಾವಣೆಯ ಪರಿಣಾಮಗಳು ಕಳೆದ ವರ್ಷ ಜಾಗತಿಕ ಆರ್ಥಿಕ ಉತ್ಪಾದನೆಯಿಂದ ಶೇಕಡಾ 6.3 ರಷ್ಟು ಕಡಿಮೆಯಾಗಿದೆ ಎಂದು ಅಂದಾಜಿಸಿದೆ. ದುಬೈನಲ್ಲಿ (Dubai) ಗುರುವಾರದಿಂದ ಸಿಒಪಿ28 ಸಭೆ ನಡೆಯುತ್ತಿದೆ.

ಈ ವರದಿಯ ಅಂಕಿ ಅಂಶಗಳು ಹವಾಮಾನ ಬದಲಾವಣೆಯ ನೇರ ಪರಿಣಾಮಗಳನ್ನು ಪ್ರತಿಬಿಂಬಿಸುತ್ತವೆ. ಉದಾಹರಣೆಗೆ ಕೃಷಿ ಮತ್ತು ಉತ್ಪಾದನೆಗೆ ಅಡೆತಡೆಗಳು ಮತ್ತು ಹೆಚುತ್ತಿರುವ ತಾಪಮಾನದಿಂದಾಗಿ ಉತ್ಪಾದಕತೆ ಮೇಲೆ ದುಷ್ಪರಿಣಾಮ, ಹಾಗೆಯೇ ವಿವಿಧ ದೇಶಗಳ ಜಾಗತಿಕ ವ್ಯಾಪಾರ ಮತ್ತು ಹೂಡಿಕೆಗಳ ಮೇಲೂ ಪರಿಣಾಮ ಬೀರುತ್ತಿವೆ.

ಹವಾಮಾನ ಬದಲಾವಣೆಯಿಂದಾಗಿ ಪ್ರಪಂಚವು ಲಕ್ಷಾಂತರ ಕೋಟಿ ನಷ್ಟವನ್ನು ಅನುಭವಿಸುತ್ತಿದೆ. ಇದರ ಹೆಚ್ಚಿನ ಹೊರೆ ಬಡ ದೇಶಗಳ ಮೇಲೆ ಬಿದ್ದಿದೆ ಎಂದು ಡೆಲವೇರ್ ವಿಶ್ವವಿದ್ಯಾಲಯದ ಪ್ರಮುಖ ಲೇಖಕ ಜೇಮ್ಸ್ ರೈಸಿಂಗ್ ಹೇಳಿದ್ದಾರೆ. ಈ ಮಾಹಿತಿಯು ಇಂದು ಅನೇಕ ದೇಶಗಳು ಈಗಾಗಲೇ ಎದುರಿಸುತ್ತಿರುವ ಸವಾಲುಗಳನ್ನು ಮತ್ತು ಅವುಗಳನ್ನು ಪರಿಹರಿಸಲು ತುರ್ತಾಗಿ ಅಗತ್ಯವಿರುವ ಬೆಂಬಲವನ್ನು ಸ್ಪಷ್ಟಪಡಿಸುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ಅವರು ತಿಳಿಸಿದರು.

ಸರಾಸರಿ ವ್ಯಕ್ತಿಯಿಂದ ಉಂಟಾಗುವ ಪರಿಣಾಮಗಳನ್ನು ಗಣನೆಗೆ ತೆಗೆದುಕೊಳ್ಳದೆ ಲೆಕ್ಕ ಹಾಕಿದಾಗ 2022ರಲ್ಲಿ ಜಾಗತಿಕ ಜಿಡಿಪಿಯ ನಷ್ಟವು ಜಿಡಿಪಿಯ 1.8 ಪ್ರತಿಶತ ಅಥವಾ ಸುಮಾರು 1.5 ಟ್ರಿಲಿಯನ್ ಡಾಲರ್ ಆಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಆ ಎರಡು ಸಂಖ್ಯೆಗಳ ನಡುವಿನ ವ್ಯತ್ಯಾಸವು ಪರಿಣಾಮಗಳ ಅಸಮಾನ ವಿತರಣೆಯನ್ನು ಪ್ರತಿಬಿಂಬಿಸುತ್ತದೆ, ಇದು ಕಡಿಮೆ-ಆದಾಯದ ದೇಶಗಳು ಮತ್ತು ಉಷ್ಣವಲಯದ ಪ್ರದೇಶಗಳಲ್ಲಿ ಸಾಮಾನ್ಯವಾಗಿ ಹೆಚ್ಚು ಎಂದು ತಿಳಿಸಲಾಗಿದೆ.

ಈ ಸುದ್ದಿಯನ್ನೂ ಓದಿ: COP28: ಹವಾಮಾನ ಬದಲಾವಣೆಯಿಂದ ಜಾಗತಿಕ ಜಿಡಿಪಿ ನಷ್ಟ, ಏನು ಕಾರಣ?

ನವದೆಹಲಿ: ಹವಾಮಾನ ಬದಲಾವಣೆಯು (Climate Change) ಜನರ ಬದುಕಿನ ಮೇಲೆ ಸಾಕಷ್ಟು ಪ್ರಭಾವ ಬೀರುತ್ತಿದೆ. ಈಗ ಹೊಸದಾಗಿ ಬಿಡುಗಡೆಯಾಗಿರುವ ವರದಿಯ ಪ್ರಕಾರ(Study Report), ಹವಾಮಾನ ಬದಲಾವಣೆಯಿಂದಾಗಿ ವಿಶ್ವದ ಆರ್ಥಿಕತೆ ಕೂಡ ತಗ್ಗುತ್ತಿದೆ(Global GDP). ಸಿಒಪಿ28 (COP28) ಸಮಾವೇಶವು ಮುಂದಿರುವಂತೆ ಬಿಡುಗಡೆಯಾಗಿರುವ ಈ ವರದಿಯು ಸಾಕಷ್ಟು ಆತಂಕಕ್ಕೂ ಕಾರಣವಾಗಿದೆ. ಡೆಲವೇರ್ ವಿಶ್ವವಿದ್ಯಾನಿಲಯದ ವರದಿಯು ಮಾನವ ಪ್ರೇರಿತ ಹವಾಮಾನ ಬದಲಾವಣೆಯ ಪರಿಣಾಮಗಳು ಕಳೆದ ವರ್ಷ ಜಾಗತಿಕ ಆರ್ಥಿಕ ಉತ್ಪಾದನೆಯಿಂದ ಶೇಕಡಾ 6.3 ರಷ್ಟು ಕಡಿಮೆಯಾಗಿದೆ ಎಂದು ಅಂದಾಜಿಸಿದೆ. ದುಬೈನಲ್ಲಿ (Dubai) ಗುರುವಾರದಿಂದ ಸಿಒಪಿ28 ಸಭೆ ನಡೆಯಲಿದೆ.

ಈ ವರದಿಯ ಅಂಕಿ ಅಂಶಗಳು ಹವಾಮಾನ ಬದಲಾವಣೆಯ ನೇರ ಪರಿಣಾಮಗಳನ್ನು ಪ್ರತಿಬಿಂಬಿಸುತ್ತವೆ. ಉದಾಹರಣೆಗೆ ಕೃಷಿ ಮತ್ತು ಉತ್ಪಾದನೆಗೆ ಅಡೆತಡೆಗಳು ಮತ್ತು ಹೆಚುತ್ತಿರುವ ತಾಪಮಾನದಿಂದಾಗಿ ಉತ್ಪಾದಕತೆ ಮೇಲೆ ದುಷ್ಪರಿಣಾಮ, ಹಾಗೆಯೇ ವಿವಿಧ ದೇಶಗಳ ಜಾಗತಿಕ ವ್ಯಾಪಾರ ಮತ್ತು ಹೂಡಿಕೆಗಳ ಮೇಲೂ ಪರಿಣಾಮ ಬೀರುತ್ತಿವೆ.

ಹವಾಮಾನ ಬದಲಾವಣೆಯಿಂದಾಗಿ ಪ್ರಪಂಚವು ಲಕ್ಷಾಂತರ ಕೋಟಿ ನಷ್ಟವನ್ನು ಅನುಭವಿಸುತ್ತಿದೆ. ಇದರ ಹೆಚ್ಚಿನ ಹೊರೆ ಬಡ ದೇಶಗಳ ಮೇಲೆ ಬಿದ್ದಿದೆ ಎಂದು ಡೆಲವೇರ್ ವಿಶ್ವವಿದ್ಯಾಲಯದ ಪ್ರಮುಖ ಲೇಖಕ ಜೇಮ್ಸ್ ರೈಸಿಂಗ್ ಹೇಳಿದ್ದಾರೆ. ಈ ಮಾಹಿತಿಯು ಇಂದು ಅನೇಕ ದೇಶಗಳು ಈಗಾಗಲೇ ಎದುರಿಸುತ್ತಿರುವ ಸವಾಲುಗಳನ್ನು ಮತ್ತು ಅವುಗಳನ್ನು ಪರಿಹರಿಸಲು ತುರ್ತಾಗಿ ಅಗತ್ಯವಿರುವ ಬೆಂಬಲವನ್ನು ಸ್ಪಷ್ಟಪಡಿಸುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ಅವರು ತಿಳಿಸಿದರು.

ಸರಾಸರಿ ವ್ಯಕ್ತಿಯಿಂದ ಉಂಟಾಗುವ ಪರಿಣಾಮಗಳನ್ನು ಗಣನೆಗೆ ತೆಗೆದುಕೊಳ್ಳದೆ ಲೆಕ್ಕ ಹಾಕಿದಾಗ 2022ರಲ್ಲಿ ಜಾಗತಿಕ ಜಿಡಿಪಿಯ ನಷ್ಟವು ಜಿಡಿಪಿಯ 1.8 ಪ್ರತಿಶತ ಅಥವಾ ಸುಮಾರು 1.5 ಟ್ರಿಲಿಯನ್ ಡಾಲರ್ ಆಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಆ ಎರಡು ಸಂಖ್ಯೆಗಳ ನಡುವಿನ ವ್ಯತ್ಯಾಸವು ಪರಿಣಾಮಗಳ ಅಸಮಾನ ವಿತರಣೆಯನ್ನು ಪ್ರತಿಬಿಂಬಿಸುತ್ತದೆ, ಇದು ಕಡಿಮೆ-ಆದಾಯದ ದೇಶಗಳು ಮತ್ತು ಉಷ್ಣವಲಯದ ಪ್ರದೇಶಗಳಲ್ಲಿ ಸಾಮಾನ್ಯವಾಗಿ ಹೆಚ್ಚು ಎಂದು ತಿಳಿಸಲಾಗಿದೆ.

ಕಡಿಮೆ ಅಭಿವೃದ್ಧಿ ಹೊಂದಿದ ದೇಶಗಳು, ಹೆಚ್ಚಿನ ಜನಸಂಖ್ಯೆ ಇರುವ ದೇಶಗಳು ಶೇ.8.3ರಷ್ಟು ಜಿಡಿಪಿ ನಷ್ಟವನ್ನು ಅನುಭವಿಸಿವೆ. ವಿಶೇಷವಾಗಿ ಆಗ್ನೇಯ ಏಷ್ಯಾ ಮತ್ತು ದಕ್ಷಿಣ ಆಫ್ರಿಕಾ ರಾಷ್ಟ್ರಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ. ಕ್ರಮವಾಗಿ ಈ ಪ್ರದೇಶಗಳ ರಾಷ್ಟ್ರಗಳು ಅವುಗಳ ಜಿಡಿಪಿಯ ಶೇ.14. ಮತ್ತು ಶೇ.11.2ರಷ್ಟು ನಷ್ಟ ಅನುಭವಿಸಿವೆ. ಆದರೆ, ಮತ್ತೊಂದೆಡೆ ಕೆಲವು ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳು ಹೆಚ್ಚಿನ ಲಾಭವನ್ನು ಮಾಡಿಕೊಂಡಿವೆ. ಕಳೆದ ವರ್ಷದ ಜಿಡಿಪಿಯಲ್ಲಿ ಯುರೋಪಿಯನ್ ರಾಷ್ಟ್ರಗಳು ಶೇ.5ರಷ್ಟು ಲಾಭಪಡೆದುಕೊಂಡಿವೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಕಳೆದ ವರ್ಷ ಈಜಿಪ್ಟ್‌ನಲ್ಲಿ ನಡೆದ ಜಿಒಪಿ27 ಮಾತುಕತೆಯಲ್ಲಿ, ಹವಾಮಾನ ವಿಪತ್ತುಗಳು ಮತ್ತು ವಿಪರೀತ ಹವಾಮಾನದಿಂದ ಆಗು ನಷ್ಟವನ್ನು ನಿಭಾಯಿಸಲು ದುರ್ಬಲ ದೇಶಗಳಿಗೆ ಸಹಾಯ ಮಾಡಲು ಮೀಸಲಾದ ನಿಧಿಯನ್ನು ಸ್ಥಾಪಿಸಲು ರಾಷ್ಟ್ರಗಳು ಒಪ್ಪಿಕೊಂಡಿದ್ದವು. ಹಾಗಾಗಿ, ಈಗ ನಡೆಯಲಿರುವ ಸಿಒಪಿ28 ಮೀಟಿಂಗ್‌ನಲ್ಲಿ ಯಾರು ಎಷ್ಟು ನಿಧಿಯನ್ನು ನೀಡಲಿದ್ದಾರೆ ಎಂಬ ಚರ್ಚೆಯಾಗಲಿದೆ. ಗುರವಾರದಿಂದ ದುಬೈನಲ್ಲಿ ಸಿಒಪಿ28 ಶುರುವಾಗಲಿದೆ.

ಈ ಸುದ್ದಿಯನ್ನೂ ಓದಿ: Warmest February: 122 ವರ್ಷದಲ್ಲೇ ದಾಖಲೆಯಲ್ಲಿ ‘ಬಿಸಿ’ಯಾದ ಫೆಬ್ರವರಿ! ಹವಾಮಾನ ಬದಲಾವಣೆ ಎಫೆಕ್ಟ್?

ಮೈಸೂರು: ನವೆಂಬರ್‌ 25ರಂದು ನಂಜನಗೂಡು ತಾಲೂಕಿನ ಬಳ್ಳೂರು ಹುಂಡಿ ಗ್ರಾಮದಲ್ಲಿ ದನಗಳನ್ನು ಮೇಯಿಸಲು ಹೋಗಿದ್ದ ರೈತ ಮಹಿಳೆ ರತ್ನಮ್ಮ (55) ಸೇರಿದಂತೆ ಒಂದೇ ತಿಂಗಳಲ್ಲಿ ಇಬ್ಬರು ದನಗಾಹಿಗಳನ್ನು ಬಲಿ ಪಡೆದ ನರಹಂತಕ ಹುಲಿಯನ್ನು (Killer Tiger) ಕೊನೆಗೂ ಸೆರೆ ಹಿಡಿಯಲಾಗಿದೆ (Tiger Captured). ಕಳೆದ ಮೂರು ದಿನಗಳಿಂದ ಅರಣ್ಯ ಇಲಾಖೆ ನಡೆಸುತ್ತಿದ್ದ ಕಾರ್ಯಾಚರಣೆ (Operation Tiger) ಕೊನೆಗೂ ಸೋಮವಾರ ರಾತ್ರಿ 1.30ರ ಸುಮಾರಿಗೆ ಯಶಸ್ವಿಯಾಗಿದ್ದು, ಹುಲಿಯನ್ನು ಜೀವಂತವಾಗಿ ಸೆರೆ ಹಿಡಿಯಲಾಗಿದೆ.

ನಂಜನಗೂಡು ತಾಲೂಕಿನ ನಾಗಣಾಪುರದಲ್ಲಿ ಹುಲಿ ಸೆರೆಯಾಗಿದೆ. ಗ್ರಾಮ ಹೊರವಲಯದಲ್ಲಿ ಹಸುವಿನ ಮಾಂಸವನ್ನು ಇಡಲಾಗಿತ್ತು. ಮತ್ತು ಅದರ ಬರುವಿಕೆಗಾಗಿ ಕಳೆದ ಕೆಲವು ದಿನಗಳಿಂದ ಕಾವಲು ಕಾಯಲಾಗುತ್ತಿತ್ತು. ಸೋಮವಾರ ರಾತ್ರಿ ಆಗಮಿಸಿದ ಹುಲಿ ಮಾಂಸಕ್ಕೆ ಬಾಯಿ ಹಾಕುತ್ತಿದ್ದಂತೆಯೇ ದೂರದಿಂದಲೇ ಅದಕ್ಕೆ ಅರಿವಳಿಕೆ ಔಷಧವನ್ನು ಶೂಟ್‌ ಮಾಡಲಾಯಿತು. ಹೊಡೆತ ತಿಂದ ಹುಲಿ ಸುಮಾರು ಒಂದು ಕಿಮೀ ದೂರದವರೆಗೆ ಸಾಗಿ ಕುಸಿದು ಬಿದ್ದಿದೆ. ಬಳಿಕ ಅದನ್ನು ಬೋನಿಗೆ ಹಾಕಿ ಸಾಗಿಸಲಾಗಿದೆ.

ಮೇ 25ರಂದು ಮಧ್ಯಾಹ್ನ ರತ್ನಮ್ಮ ಅವರು ದನ ಮೇಯಿಸಲು ಕಾಡಂಚಿಗೆ ತೆರಳಿದ್ದರು. ಈ ವೇಳೆ ಬಳ್ಳೂರು ಗ್ರಾಮದ ಹುಂಡಿಯಲ್ಲಿ ಹುಲಿ ಅವರ ಮೇಲೆ ಎರಗಿ ಕೊಂದು ಹಾಕಿತ್ತು. ಮಾತ್ರವಲ್ಲ, ಅವರ ದೇಹದ ಎಡಭಾಗವನ್ನು ತಿಂದು ಹಾಕಿತ್ತು. ಅದಕ್ಕಿಂತ ಮೊದಲು ಇಲ್ಲಿ ಹುಲಿ ಎರಡು ಬಾರಿ ದಾಳಿ ಮಾಡಿತ್ತು. ಒಮ್ಮೆ ಇನ್ನೊಬ್ಬ ದನಗಾಹಿಯನ್ನು ಕೊಂದು ಹಾಕಿತ್ತು.

ಈ ಘಟನೆ ಸ್ಥಳೀಯರ ತೀವ್ರ ಆಕ್ರೋಶಕ್ಕೆ ಕಾರಣವಾಗಿತ್ತು. ಜನರು ಅರಣ್ಯಾಧಿಕಾರಿಗಳ ವಿರುದ್ಧ ಪ್ರತಿಭಟನೆಯನ್ನೂ ನಡೆಸಿದ್ದರು. ಇದಾದ ಬಳಿಕ ಅರಣ್ಯ ಅಧಿಕಾರಿಗಳು ಇದನ್ನು ಗಂಭೀರವಾಗಿ ಪರಿಗಣಿಸಿ ಹುಲಿ ಬೇಟೆಗೆ ಶುರು ಮಾಡಿದ್ದರು. ಹಿರಿಯ ಅಧಿಕಾರಿಗಳು ಸೇರಿದಂತೆ ಸುಮಾರು 200 ಸಿಬ್ಬಂದಿಗಳನ್ನು ಸೇರಿಸಿಕೊಂಡು ಕಾರ್ಯಾಚರಣೆ ಆರಂಭವಾಗಿತ್ತು.

ಹುಲಿಯ ಜಾಡನ್ನು ಪತ್ತೆ ಹಚ್ಚುವ ಕೆಲಸ, ಅದರ ಚಲನವಲನಗಳ ಮೇಲೆ ಕಣ್ಣಿಡುವ ಕೆಲಸ ನಡೆಯಿತು. ಡ್ರೋನ್‌ಗಳನ್ನು ಬಳಸಿ ಆ ಪ್ರದೇಶದ ಎಲ್ಲ ಕಡೆ ಜಾಲಾಡಲಾಯಿತು. ಬಂಡೀಪುರ ರಾಷ್ಟ್ರೀಯ ಉದ್ಯಾನವನ ಹೆಡಿಯಾಳ ಅರಣ್ಯ ವಲಯದಲ್ಲಿ ಭಾರಿ ಹುಡುಕಾಟವೇ ನಡೆಯಿತು. ಇದಕ್ಕೆ ಪಾರ್ಥ, ರೋಹಿತ್‌ ಮತ್ತು ಹಿರಣ್ಯ ಎಂಬ ಆನೆಗಳ ಬಳಕೆಯೂ ನಡೆಯಿತು. ಗ್ರಾಮದ ಹಲವು ಕಡೆಗಳಲ್ಲಿ ಬೋನುಗಳನ್ನು ಇರಿಸಲಾಗಿತ್ತು. ಅಪರ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಧಿಕಾರಿ ಕುಮಾರ್ ಪುಷ್ಕರ್ ಅವರೇ ಕಾರ್ಯಾಚರಣೆಯ ಉಸ್ತುವಾರಿ ವಹಿಸಿದ್ದರು.

ಕೊನೆಗೂ ಹುಲಿಯ ಜಾಡು ಸಿಕ್ಕಿತು!

ನವೆಂಬರ್‌ 25ರಿಂದಲೇ ಅರಣ್ಯ ಇಲಾಖೆ ಅಧಿಕಾರಿಗಳು ಈ ಹುಲಿಯನ್ನು ಹೇಗಾದರೂ ಹಿಡಿಯಲೇಬೇಕು ಎಂಬ ಶಪಥ ತೊಟ್ಟು ಕಾರ್ಯಾಚರಣೆ ಆರಂಭಿಸಿದ್ದರು. ಹುಲಿಯ ಜಾಡುಗಳನ್ನು ಹಿಡಿದಾಗ ಅದು ಒಂದು ನಿರ್ದಿಷ್ಟ ಪ್ರದೇಶಕ್ಕೆ ಬರುತ್ತದೆ ಎನ್ನುವುದರ ಸುಳಿವು ಸಿಕ್ಕಿತು.

ಅರಣ್ಯಾಧಿಕಾರಿಗಳು ಆ ಭಾಗದ ಕೆಲವು ಕಡೆ ಬೋನುಗಳನ್ನು ಇಟ್ಟರು. ಆದರೆ, ಅವುಗಳು ಬೋನುಗಳು ಎಂದು ಗೊತ್ತಾಗದಂತೆ ಅವುಗಳಿಗೆ ಬಳಿಗಳನ್ನು ಸುತ್ತಿದರು. ಇತ್ತ ಒಂದು ನಿರ್ದಿಷ್ಟ ಜಾಗದಲ್ಲಿ ಹಸುವಿನ ಮಾಂಸವನ್ನು ಹಾಕಲಾಗಿತ್ತು.

ಹುಲಿ ಈ ಮಾಂಸವನ್ನು ವಾಸನೆ ಆಧರಿಸಿ ಇಲ್ಲಿಗೆ ಬಂದರೆ ಅದರ ಮೇಲೆ ಅರಿವಳಿಕೆ ಶೂಟ್‌ ಮಾಡಲು ಅನುಕೂಲವಾಗುವಂತೆ ಬೋವಿನಲ್ಲಿ ವ್ಯವಸ್ಥೆ ಸಜ್ಜುಗೊಳಿಸಿ ಇಡಲಾಗಿತ್ತು. ಆದರೆ, ಹುಲಿಗೆ ಯಾವ ಸಂಶಯವೂ ಬಾರದಂತೆ ಈ ವಾಹನವನ್ನು ಕೂಡಾ ಬಳ್ಳಿಗಳಿಂದ ಮುಚ್ಚಲಾಗಿತ್ತು. ಅಲ್ಲಿ ಮನುಷ್ಯರ ಚಲನವಲನದ ಯಾವ ಸುಳಿವೂ ಸಿಗದಂತೆ ಮುನ್ನೆಚ್ಚರಿಕೆ ವಹಿಸಿ ಕಾಯಲಾಗುತ್ತಿತ್ತು. ಡ್ರೋನ್‌ ಸೇರಿದಂತೆ ಬೇರೆ ಕ್ಯಾಮೆರಾಗಳು ಕೂಡಾ ಮರೆಯಲ್ಲಿ ಸಜ್ಜಾಗಿದ್ದವು.

ಮಧ್ಯರಾತ್ರಿ 1.05ಕ್ಕೆ ಆಗಮಿಸಿದ ಹುಲಿ

ನಂಜನಗೂಡು ತಾಲೂಕಿನ ನಾಗಣಾಪುರದಲ್ಲಿ ಹುಲಿ ಕಾರ್ಯಾಚರಣೆ ನಡೆದಿತ್ತು. ರಾತ್ರಿ 1.05ರ ಹೊತ್ತಿಗೆ ಹುಲಿ ಆ ಭಾಗಕ್ಕೆ ಬಂದಿತ್ತು. ಅದು ಮಾಂಸದ ಬಳಿಗೆ ಹೋಗುತ್ತಿದ್ದಂತೆಯೇ ಸ್ವಲ್ಪವೇ ದೂರದಲ್ಲಿ ಮರೆಯಲ್ಲಿ ಬೋನಿನಲ್ಲಿ ಕುಳಿತಿದ್ದ ಬಂಡೀಪುರ ವೈದ್ಯಾಧಿಕಾರಿ ಡಾ.ವಾಸಿಂ ಅವರು ಅಲ್ಲಿಂದಲೇ ಅರಿವಳಿಕೆ ಮದ್ದು ಶೂಟ್ ಮಾಡಿದಾಗ ಮಧ್ಯ ರಾತ್ರಿ 1.15 ಆಗಿತ್ತು.

ವೈದ್ಯಾಧಿಕಾರಿಗಳ ಅರಿವಳಿಕೆ ಶೂಟ್‌ನಿಂದ ವಿಚಲಿತವಾದ ಹುಲಿ ಅಲ್ಲಿಂದ ಕಾಲ್ಕಿತ್ತಿದೆ. ಆದರೆ, ಅದಕ್ಕೆ ಹೆಚ್ಚು ದೂರ ಹೋಗುವುದು ಸಾಧ್ಯವಾಗಿಲ್ಲ. ಹಾಗಂತ ಅದು ಹೋದ ಭಾಗಕ್ಕೆ ಒಮ್ಮೆಗೇ ನುಗ್ಗುವುದು ಕೂಡಾ ಸಾಧುವಾಗಿರಲಿಲ್ಲ. ಹಾಗಾಗಿ ಎಲ್ಲ ಪರಿಸ್ಥಿತಿಗಳನ್ನು ವಿಶ್ಲೇಷಿಸಿ ಕೊನೆಗೆ ಹುಲಿ ಹೋದ ಜಾಡನ್ನು ಅನುಸರಿಸಿದಾಗ ಸುಮಾರು ಒಂದು ಕಿ.ಮೀ. ದೂರದಲ್ಲಿ ಹುಲಿ ಬಿದ್ದಿರುವುದು ಕಂಡಿತು.‌

ಇದನ್ನೂ ಓದಿ: Tiger Attack: ಮಹಿಳೆಯ ಅರ್ಧ ದೇಹವನ್ನೇ ತಿಂದ ನರಭಕ್ಷಕ; ಮೈಸೂರಲ್ಲಿ ಹುಲಿ ದಾಳಿಗೆ ಮತ್ತೆ ಬಲಿ

ಬಳಿಕ ಅದನ್ನು ಬಲೆ ಹಾಕಿ ದಿಗ್ಬಂಧಿಸಲಾಯಿತು. ಪ್ರಜ್ಞೆ ತಪ್ಪಿದ್ದ ಹುಲಿಯನ್ನು ಬಳಿಕ ಸುಮಾರು 3 ಗಂಟೆಯ ಹೊತ್ತಿಗೆ ಗ್ರಾಮಸ್ಥರಿಗೆ ತೋರಿಸಲಾಯಿತು. ಹುಲಿಯನ್ನು ರಾತ್ರಿಯೇ ಮೈಸೂರಿನ ಕೂರ್ಗಳ್ಳಿ ಪುನರ್ವಸತಿ ಕೇಂದ್ರಕ್ಕೆ ಶಿಫ್ಟ್‌ ಮಾಡಲಾಯಿತು. ಹುಲಿಯ ಆರೋಗ್ಯ ತಪಾಸಣೆಯ ಬಳಿಕ ಅರಣ್ಯ‌ ಇಲಾಖೆ ಮುಂದಿನ ಕ್ರಮ ಕೈಗೊಳ್ಳಲಿದೆ.

ಹೊಸದಿಲ್ಲಿ: ಸುಪ್ರೀಂ ಕೋರ್ಟ್‌ (Supreme court) ಆದೇಶದ ಹೊರತಾಗಿಯೂ ಹೊಸದಿಲ್ಲಿ ಸೇರಿದಂತೆ ರಾಜಧಾನಿ ಪ್ರದೇಶದಲ್ಲಿ (NCR) ದೀಪಾವಳಿ ಹಬ್ಬದ (Deepavali 2023) ಪ್ರಯುಕ್ತ ಭಾರಿ ಪ್ರಮಾಣದಲ್ಲಿ ಪಟಾಕಿಗಳನ್ನು ಸಿಡಿಸಲಾಗಿದ್ದು, ಮೊದಲೇ ತೀವ್ರ ಹಂತಕ್ಕೆ ಹೋಗಿರುವ ವಾಯುಮಾಲಿನ್ಯ (Air pollution) ಇನ್ನಷ್ಟು ಹೆಚ್ಚಾಗಿದೆ.

ರಾಷ್ಟ್ರ ರಾಜಧಾನಿ ಪ್ರದೇಶದ ಎಲ್ಲ ಕಡೆಗಳಲ್ಲಿ ದೀಪಾವಳಿ ಆಚರಣೆಯ ಸಂದರ್ಭದಲ್ಲಿ ನಿಷೇಧವನ್ನು ಉಲ್ಲಂಘಿಸಿ ಪಟಾಕಿ ಸಿಡಿಸಲಾಗಿದೆ. ದೆಹಲಿಯ ಜನರು ಇದೀಗ ವಾತಾವರಣವನ್ನು ಆವರಿಸಿದ ದಟ್ಟವಾದ ಹೊಗೆಮಂಜಿನಿಂದ (Delhi Air pollution)  ಆವೃತಗೊಂಡಿದ್ದಾರೆ. ಸ್ವಿಡ್ಜರ್‌ಲ್ಯಾಂಡಿನ IQAir ಸಂಸ್ಥೆಯ ವಿಶ್ವದ ಅತ್ಯಂತ ವಾಯು ಕಲುಷಿತ ನಗರಗಳ ಟಾಪ್ 10 ಪಟ್ಟಿಯಲ್ಲಿ ದಿಲ್ಲಿ ಮೊದಲ ಸ್ಥಾನದಲ್ಲಿದೆ. ದೆಹಲಿಯು ವಾಯು ಗುಣಮಟ್ಟ ಸೂಚ್ಯಂಕ (AQI) 420 ಮೀರಿದ್ದು, ʼಅಪಾಯಕಾರಿʼ ಹಂತವನ್ನೂ ದಾಟಿ ಹೋಗಿದೆ.

ದಿಲ್ಲಿಯ ಜತೆಗೆ ದೇಶದ ಇನ್ನಿತರ ಎರಡು ಮೆಟ್ರೋ ನಗರಗಳಲ್ಲಿಯೂ- ಕೋಲ್ಕತ್ತಾ ಮತ್ತು ಮುಂಬಯಿ- ವಾಯು ಪರಿಸ್ಥಿತಿ ಇಷ್ಟೇ ತೀವ್ರವಾಗಿ ಹದಗೆಟ್ಟಿದೆ. ಚಳಿಗಾಲದ ಮಂಜು ಹಾಗೂ ದೀಪಾವಳಿ ಆಚರಣೆಯ ಪಟಾಕಿ ಸ್ಫೋಟಗಳಿಂದಾಗಿ ಹದಗೆಟ್ಟಿರುವ ಸನ್ನಿವೇಶವಿದಾಗಿದೆ. ವಾಯುಮಾಲಿನ್ಯ ಪಟ್ಟಿಯಲ್ಲಿ ಕೋಲ್ಕತ್ತಾ ಮತ್ತು ಮುಂಬಯಿ ಕ್ರಮವಾಗಿ ನಾಲ್ಕು ಮತ್ತು ಎಂಟನೇ ಸ್ಥಾನಗಳಲ್ಲಿ ಇವೆ.

ಪಶ್ಚಿಮ ಬಂಗಾಳದ ಮಾಲಿನ್ಯ ನಿಯಂತ್ರಣ ಮಂಡಳಿ (WBPCB) ಪ್ರಕಾರ, ಕೋಲ್ಕತ್ತಾದ ಹೆಚ್ಚಿನ ಭಾಗಗಳಲ್ಲಿ AQI 250 ಅಂಕವನ್ನು ಮೀರಿದೆ. ಮುಂಬಯಿಯಲ್ಲಿ, ಏರ್ ಕ್ವಾಲಿಟಿ ಮತ್ತು ಹವಾಮಾನ ಮುನ್ಸೂಚನೆ ಮತ್ತು ಸಂಶೋಧನೆ (SAFAR- India) ಪ್ರಕಾರ, AQI 234ರ ʼಕಳಪೆʼ ವರ್ಗಕ್ಕೆ ಇಳಿದಿದೆ.

0ಯಿಂದ 100ರವರೆಗಿನ AQI ಅನ್ನು ಉತ್ತಮವೆಂದು ಪರಿಗಣಿಸಲಾಗುತ್ತದೆ. 100ರಿಂದ 200ರವರೆಗೆ ಮಧ್ಯಮ. 200ರಿಂದ 300ರವರೆಗೆ ಕಳಪೆ ಮತ್ತು 300ರಿಂದ 400ರವರೆಗೆ ಅತ್ಯಂತ ಕಳಪೆ. 400ರಿಂದ 500 ಅಥವಾ ಅದಕ್ಕಿಂತ ಹೆಚ್ಚಿನದನ್ನು ತೀವ್ರ ಕಳಪೆ ಎಂದು ಪರಿಗಣಿಸಲಾಗುತ್ತದೆ.

ಬೇರಿಯಂ ಮತ್ತು ಇತರ ನಿಷೇಧಿತ ರಾಸಾಯನಿಕಗಳಿಂದ ತಯಾರಿಸಿದ ಪಟಾಕಿಗಳನ್ನು ನಿಷೇಧಿಸಿ ಸುಪ್ರೀಂ ಕೋರ್ಟ್ ನವೆಂಬರ್ 7ರಂದು ಆದೇಶ ನೀಡಿತ್ತು. ಈ ನಿಷೇಧವನ್ನು ಎಲ್ಲ ರಾಜ್ಯಗಳಿಗೂ ಕಡ್ಡಾಯಗೊಳಿಸಲಾಗಿದೆ. ತೀವ್ರ ವಾಯುಮಾಲಿನ್ಯದಿಂದ ತತ್ತರಿಸುತ್ತಿರುವ ದೆಹಲಿ-ಎನ್‌ಸಿಆರ್ ಪ್ರದೇಶಕ್ಕೆ ಮಾತ್ರ ಸೀಮಿತವಾಗಿಲ್ಲ.

“ನಿಮ್ಮಲ್ಲಿರುವದನ್ನು ಹಂಚಿಕೊಂಡರೆ ಮಾತ್ರ ಸಂಭ್ರಮಾಚರಣೆ ಮಾಡಬಹುದು. ಪರಿಸರವನ್ನು ಕಲುಷಿತಗೊಳಿಸುವುದರಿಂದ ಅಲ್ಲ. ನೀವು ಹಾಗೆ ಮಾಡಿದರೆ ಸ್ವಾರ್ಥಿಗಳಾಗಿರುತ್ತೀರಿ. ಈ ದಿನಗಳಲ್ಲಿ ಮಕ್ಕಳಲ್ಲ, ಹಿರಿಯರೇ ಹೆಚ್ಚು ಪಟಾಕಿಗಳನ್ನು ಸುಡುತ್ತಿದ್ದಾರೆ” ಎಂದು ಪೀಠ ಹೇಳಿತ್ತು. ಎಸ್‌ಸಿ ಆದೇಶದ ನಡುವೆಯೂ ಪಟಾಕಿ ಸಿಡಿಸಲಾಗಿದೆ. ರಾತ್ರಿಯಾಗುತ್ತಿದ್ದಂತೆ ಅದರ ತೀವ್ರತೆ ಹೆಚ್ಚಾಯಿತು.

ಪಟಾಕಿಗಳ ಮೇಲೆ ನಿಷೇಧವನ್ನು ಒಂದಲ್ಲ ಒಂದು ರೀತಿಯಲ್ಲಿ ಹೇರಲಾಗುತ್ತಿದೆ. ಆದರೆ ಇವು ಜಾರಿಯಾಗುತ್ತಿಲ್ಲ. ʼʼಇದು ಅತ್ಯಂತ ಗಂಭೀರವಾದ ವಿಚಾರ. ಸುಪ್ರೀಂ ಕೋರ್ಟ್ ಎಲ್ಲಾ ರಾಜ್ಯಗಳನ್ನು ಕರೆದು ಈ ಆದೇಶವನ್ನು ಏಕೆ ಜಾರಿಗೊಳಿಸಲಿಲ್ಲ ಎಂದು ಕೇಳಬೇಕು” ಎಂದು ಕಾಂಗ್ರೆಸ್ ಸಂಸದ ಮನೀಶ್ ತಿವಾರಿ ಅವರು ಹೇಳಿದ್ದಾರೆ.

ಪಟಾಕಿ ಸುಡುವುದರ ಹೊರತಾಗಿ ಕೃಷಿ ತ್ಯಾಜ್ಯದ ಬೆಂಕಿ, ವಾಹನಗಳಿಂದ ಹೊಗೆ ಹೊರಸೂಸುವಿಕೆ ಮತ್ತು ಕೈಗಾರಿಕಾ ಹೊರಸೂಸುವಿಕೆಗಳು ರಾಷ್ಟ್ರ ರಾಜಧಾನಿ ಮತ್ತು ಇತರ ಸ್ಥಳಗಳಲ್ಲಿ ವಾಯು ಮಾಲಿನ್ಯದ ಇತರ ಪ್ರಮುಖ ಕಾರಣಗಳಾಗಿವೆ.

ಇದನ್ನೂ ಓದಿ: Delhi Air Pollution: ತಕ್ಷಣ ತ್ಯಾಜ್ಯ ಸುಡುವಿಕೆ ನಿಲ್ಲಿಸಿ: ಪಂಜಾಬ್‌ ಸೇರಿ 5 ರಾಜ್ಯಗಳಿಗೆ ಸುಪ್ರೀಂ ಕೋರ್ಟ್‌ ತಾಕೀತು