ಅಹಮದಾಬಾದ್: ಗುಜರಾತ್ ಟೈಟಾನ್ಸ್(Gujarat Titans) ವಿರುದ್ಧ ಗುರುವಾರ ನಡೆದ ಐಪಿಎಲ್(IPL 2024) ಪಂದ್ಯದಲ್ಲಿ 3 ವಿಕೆಟ್ಗಳ ರೋಚಕ ಗೆಲುವು ಸಾಧಿಸಿದ ಪಂಜಾಬ್ ಕಿಂಗ್ಸ್(Punjab Kings) ಐಪಿಎಲ್ ಇತಿಹಾಸದಲ್ಲಿ ನೂತನ ದಾಖಲೆಯೊಂದನ್ನು ತನ್ನ ಹೆಸರಿಗೆ ಬರೆದಿದೆ. 200 ಪ್ಲಸ್ ಮೊತ್ತವನ್ನು ಅತ್ಯಧಿಕ ಬಾರಿ ಚೇಸಿಂಗ್ ನಡೆಸಿ ಗೆಲುವು ಸಾಧಿಸಿದ ಮೊದಲ ತಂಡ ಎಂಬ ಸಾಧನೆ ಮಾಡಿದೆ. ಈ ಮೂಲಕ ಮುಂಬೈ ಇಂಡಿಯನ್ಸ್(Mumbai Indians) ತಂಡದ ದಾಖಲೆಯನ್ನು ಹಿಂದಿಕ್ಕಿದೆ.
ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಮ್ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಗುಜರಾತ್ ತಂಡ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ಗೆ 199 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ಪಂಜಾಬ್ ಆರಂಭಿಕ ಆಘಾತದ ಕಂಡರೂ ಆ ಬಳಿಕ ಚೇತರಿಕೆ ಕಂಡು 19.5 ಓವರ್ಗಳಲ್ಲಿ 200 ರನ್ ಬಾರಿಸಿ ಗೆಲುವು ಸಾಧಿಸಿತು. ಇದರೊಂದಿಗೆ ಕಳೆದ ಎರಡು ಪಂದ್ಯಗಳಲ್ಲಿ ಸತತವಾಗಿ ಸೋಲು ಕಂಡಿದ್ದ ಪಂಜಾಬ್ ತಂಡಕ್ಕೆ ಗೆಲುವಿನ ಚೈತನ್ಯ ದೊರಕಿತು.
PUNJAB KINGS NOW HAVE MOST 200 OR MORE TOTALS CHASED DOWN IN IPL HISTORY. 🤯💥pic.twitter.com/Jz56stB8kB
— Mufaddal Vohra (@mufaddal_vohra) April 4, 2024
ಐಪಿಎಲ್ನ ಇದುವರೆಗಿನ ಇತಿಹಾಸದಲ್ಲಿ 200 ಪ್ಲಸ್ ಮೊತ್ತವನ್ನು ಅತಿ ಹೆಚ್ಚು ಬಾರಿ ಚೇಸಿಂಗ್ ನಡೆಸಿದ ದಾಖಲೆ ಜಂಟಿಯಾಗಿ ಮುಂಬೈ ಮತ್ತು ಪಂಜಾಬ್ ಪರ ಇತ್ತು. ಮುಂಬೈ 5 ಬಾರಿ ಈ ಸಾಧನೆ ಮಾಡಿತ್ತು. ಆದರೆ ಇದೀಗ ಈ ದಾಖಲೆಯನ್ನು ಪಂಜಾಬ್ ತಂಡ ತನ್ನ ಹೆಸರಿಗೆ ಬರೆದಿದೆ. ಪಂಜಾಬ್ 6 ಬಾರಿ ಈ ಸಾಧನೆ ಮಾಡಿದೆ. ಮುಂಬೈ 2ನೇ ಸ್ಥಾನಕ್ಕೆ ತೃಪ್ತಿಪಟ್ಟಿದೆ. ಕೋಲ್ಕತ್ತಾ ಮತ್ತು ಚೆನ್ನೈ ಜಂಟಿಯಾಗಿ ಮೂರನೇ ಸ್ಥಾನ ಹಂಚಿಕೊಂಡಿದೆ.
ಐಪಿಎಲ್ನಲ್ಲಿ ಅತಿ ಹೆಚ್ಚು ಬಾರಿ 200 ಪ್ಲಸ್ ರನ್ ಚೇಸಿಂಗ್ ನಡೆಸಿದ ತಂಡಗಳು
ಪಂಜಾಬ್ ಕಿಂಗ್ಸ್-6 ಬಾರಿ
ಮುಂಬೈ ಇಂಡಿಯನ್ಸ್-5 ಬಾರಿ
ಕೆಕೆಆರ್- 3 ಬಾರಿ
ಸಿಎಸ್ಕೆ- 3 ಬಾರಿ
ಶಶಾಂಕ್ ಸಿಂಗ್ ಬಾರಿಸಿದ ಅಬ್ಬರದ ಅರ್ಧ ಶತಕ (29 ಎಸೆತ, 6 ಫೋರ್, 4 ಸಿಕ್ಸರ್) ಪಂಜಾಬ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿತು. ಗುಜರಾತ್ ತಂಡದ ನಾಯಕ ಶುಭ್ಮನ್ ಗಿಲ್ (89) ಅವರ ಅರ್ಧ ಶತಕ ವ್ಯರ್ಥಗೊಂಡಿತು. ಅದೇ ರೀತಿ ಸ್ಥಳೀಯ ಗುಜರಾತ್ ತಂಡದ ಅಭಿಮಾನಿಗಳು ನಿರಾಸೆಗೊಂಡರು. ಗೆಲುವಿನಿಂದಿಗೆ ಪಂಜಾಬ್ ಅಂಕಪಟ್ಟಿಯಲ್ಲಿ 5ನೇ ಸ್ಥಾನಕ್ಕೇರಿದೆ. ಈ ಪಂದ್ಯಕ್ಕೂ ಮುನ್ನ ಶಿಖರ್ ಧವನ್ ಪಡೆ 7ನೇ ಸ್ಥಾನಿಯಾಗಿತ್ತು. ಇದೀಗ ಗೆಲುವಿನೊಂದಿಗೆ 2 ಸ್ಥಾನಗಳ ಪ್ರಗತಿ ಸಾಧಿಸಿದೆ. ಸೋಲು ಕಂಡ ಗುಜರಾತ್ ಒಂದು ಸ್ಥಾನ ಕುಸಿತ ಕಂಡು 6ನೇ ಸ್ಥಾನ ಪಡೆದಿದೆ.
ಇದನ್ನೂ ಒದಿ IPL 2024: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಸಂಸ್ಕರಿಸಿದ ನೀರು ಬಳಕೆ; ವರದಿ ಕೇಳಿದ ಎನ್‌ಜಿಟಿ
ನೂತನ ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ಕೋಲ್ಕೊತಾ ನೈಟ್‌ ರೈಡರ್ಸ್ | 3 | 3 | 0 | 6 (+2.518) |
| ರಾಜಸ್ಥಾನ್ ರಾಯಲ್ಸ್ | 3 | 3 | 0 | 6 (+1.249) |
| ಚೆನ್ನೈ ಸೂಪರ್ ಕಿಂಗ್ಸ್ | 3 | 2 | 1 | 4 (+0.976) |
| ಲಕ್ನೋ ಸೂಪರ್ ಜೈಂಟ್ಸ್ | 3 | 2 | 1 | 4(+0.483) |
| ಪಂಜಾಬ್ ಕಿಂಗ್ಸ್ | 4 | 2 | 2 | 4 (-0.220) |
| ಗುಜರಾತ್ ಟೈಟಾನ್ಸ್ | 4 | 2 | 2 | 4 (-0.580) |
| ಹೈದರಾಬಾದ್ | 3 | 1 | 2 | 2 (+0.204) |
| ಆರ್ಸಿಬಿ | 4 | 1 | 3 | 2 (-0.876) |
| ಡೆಲ್ಲಿ ಕ್ಯಾಪಿಟಲ್ಸ್ | 4 | 1 | 3 | 2 (-1.347) |
| ಮುಂಬೈ ಇಂಡಿಯನ್ಸ್ | 3 | 0 | 3 | 0 (-1.423) |