1963: ಮೊದಲ ಬಾರಿರಾಕೆಟ್ ಉಡಾವಣೆಭಾರತದ ಉಪಗ್ರಹ ಇತಿಹಾಸದಲ್ಲಿ ಇದು ಮಹತ್ವದ ಸಾಧನೆ. ಡಾ. ವಿಕ್ರಮ್ ಸಾರಾಭಾಯಿ ಮತ್ತು ಡಾ. ಎ ಪಿ ಜೆ ಅಬ್ದುಲ್ ಕಲಾಂ ಈ ಸಾಧನೆಯ ಹಿಂದಿನ ಶಕ್ತಿ.
1965: ಯುದ್ಧದಲ್ಲಿ ಪಾಕ್ ವಿರುದ್ಧ ಗೆಲುವುಕಾಶ್ಮೀರ ಕಬಳಿಸಲು ಬಂದ ಪಾಕಿಸ್ತಾನಿ ಸೈನಿಕರನ್ನು ಮಣ್ಣು ಮುಕ್ಕಿಸಿದ ಭಾರತದ ವೀರ ಯೋಧರು.
1969: ಇಂಡಿಯನ್ ಸ್ಪೇಸ್ರಿಸರ್ಚ್ ಆರ್ಗನೈಷನ್(ಇಸ್ರೊ) ಸ್ಥಾಪನೆಡಾ. ವಿಕ್ರಮ್ ಸಾರಾಭಾಯ್ ಸಾರಥ್ಯದಲ್ಲಿ ಇಸ್ರೊ ಅಸ್ತಿತ್ವಕ್ಕೆ ಬಂತು. ಇದು ಭಾರತದ ಉಪಗ್ರಹ ಸಾಧನೆಗೆ ವೇದಿಕೆಯಾಯಿತು.
1971: ಪಾಕಿಸ್ತಾನ ವಿರುದ್ಧ ದಿಗ್ವಿಜಯ ಪಾಕಿಸ್ತಾನದ ವಿರುದ್ಧ ಸಮರ ಸಾರಿದ ಭಾರತೀಯ ಸೇನೆ ಬಾಂಗ್ಲಾ ದೇಶದ ಸೃಷ್ಟಿಗೆ ಕಾರಣವಾಯಿತು. ಸಾವಿರಾರು ಪಾಕ್ ಸೈನಿಕರು ಇಂಡಿಯನ್ ಆರ್ಮಿ ಎದುರು ಮಂಡಿಯೂರಿದರು.
1982: ಕಲರ್ ಟಿವಿಮಾರುಕಟ್ಟೆಗೆ ದೂರದರ್ಶನದ ರಾಷ್ಟ್ರೀಯ ಕಾರ್ಯಕ್ರಮ ಪ್ರಸಾರ ಆರಂಭವಾಯಿತು. ಇದೇ ವರ್ಷದ ಸ್ವಾತಂತ್ರ್ಯೋತ್ಸವ ಪರೇಡ್ ನ ಲೈವ್ ಕಲರ್ ನಲ್ಲಿ ಪ್ರಸಾರವಾಯಿತು.
1983: ಭಾರತಕ್ಕೆ ವಿಶ್ವಕಪ್ ಕಿರೀಟ ಇಂಗ್ಲೆಂಡ್ ನಲ್ಲಿ ನಡೆದ ವಿಶ್ವಕಪ್ ಪಂದ್ಯಾವಳಿಯ ಫೈನಲ್ ನಲ್ಲಿ ಕಪಿಲ್ ದೇವ್ ನೇತೃತ್ವದ ತಂಡ ಬಲಿಷ್ಠ ವೆಸ್ಟ್ ಇಂಡೀಸ್ ಅನ್ನು ಸೋಲಿಸಿ ವಿಶ್ವ ಚಾಂಪಿಯನ್ ಆಯಿತು.
1989: ಅಗ್ನಿ ಕ್ಷಿಪಣಿ ಸಕ್ಸೆಸ್ ಒಡಿಶಾದ ಚಂಡಿಪುರದಲ್ಲಿ ಅಗ್ನಿ 1 ಕ್ಷಿಪಣಿಯನ್ನು ಯಶಸ್ವಿಯಾಗಿ ಪರೀಕ್ಷಿಸಲಾಯಿತು. ಪರಮಾಣು ಸಿಡಿತಲೆಯನ್ನು ಹೊತ್ತು ಸಾಗುವುದು ಈ ಕ್ಷಿಪಣಿಯ ವಿಶೇಷವಾಗಿತ್ತು.
1995: ದಿಲ್ಲಿ ಮೆಟ್ರೊ ರೈಲ್ ಕಾರ್ಪೊರೇಷನ್ ಲಿ. ಅಸ್ತಿತ್ವಕ್ಕೆ ಆಗ ಪ್ರಧಾನಿಯಾಗಿದ್ದ ಕನ್ನಡಿಗ ಎಚ್ ಡಿ ದೇವೇಗೌಡ ಮತ್ತು ದಿಲ್ಲಿ ಮುಖ್ಯಮಂತ್ರಿಯ ಸಮ್ಮುಖದಲ್ಲಿ ಇದು ಅಸ್ತಿತ್ವಕ್ಕೆ ಬಂತು. ಬೆಂಗಳೂರಿನ ನಮ್ಮ ಮೆಟ್ರೊಗೆ ಇದು ಮಾದರಿಯಾಯಿತು.
1998: ಪೊಖ್ರಾನ್ 2 ಅಣ್ವಸ್ತ್ರ ಪರೀಕ್ಷೆ ಪೊಖ್ರಾನ್ 1 ಪರೀಕ್ಷೆ ನಡೆದ 24 ವರ್ಷಗಳ ಬಳಿಕ ಈ ಪರೀಕ್ಷೆ ಯಶಸ್ವಿಯಾಗಿ ನಡೆಯಿತು. ಭಾರತ ಬಲಿಷ್ಠ ಪರಮಾಣು ದೇಶ ಎಂಬ ಸಂದೇಶವನ್ನು ಇದು ಸಾರಿತು. ಆಗ ಪ್ರಧಾನಿಯಾಗಿದ್ದವರು ಅಟಲ್ ಬಿಹಾರಿ ವಾಜಪೇಯಿ.
1999: ಕಾರ್ಗಿಲ್ ವಿಜಯಕಳ್ಳ ವೇಷದಿಂದ ಭಾರತದೊಳಕ್ಕೆ ನುಸುಳಿ ಬಂದಿದ್ದ ಪಾಕ್ ಸೈನಿಕರನ್ನು ಪ್ರತಿಕೂಲ ಸನ್ನಿವೇಶದಲ್ಲೂ ಬಗ್ಗು ಬಡಿದರು ನಮ್ಮ ವೀರ ಯೋಧರು. ಪಾಕ್ ಮತ್ತೊಮ್ಮೆ ಮುಖಭಂಗ ಅನುಭವಿಸಿತು.
2008: ಚಂದ್ರಯಾನ 1 ಉಡಾವಣೆಇಸ್ರೊ ಸಾರಥ್ಯದಲ್ಲಿ ಚಂದ್ರಯಾನ 1 ಉಡಾವಣೆ ಮಾಡಲಾಯಿತು. ಭಾರತದ ಬಾಹ್ಯಾಕಾಶ ಕ್ಷೇತ್ರಕ್ಕೆ ಇದರಿಂದ ಮಹತ್ವದ ಉತ್ತೇಜನ ಸಿಕ್ಕಂತಾಯಿತು. ಬಾಹ್ಯಾಕಾಶ ಸಂಶೋಧನೆಯಲ್ಲಿ ಸ್ವದೇಶಿ ತಂತ್ರಜ್ಞಾನಕ್ಕೆ ಮೊದಲ ಯಶ ಸಿಕ್ಕಿತು.