Site icon Vistara News

Released New Movies: ಬಂದ್‌ ಬಿಸಿ ನಡುವೆ ರಿಲೀಸ್‌ ಆಗಿವೆ ಸಾಲು ಸಾಲು ಸಿನಿಮಾಗಳು!

Yashaswi Devadiga
eleased New Movies

ಬೆಂಗಳೂರು: ಕಾವೇರಿ ವಿವಾದ ತಾರರಕ್ಕೇಕರಿದೆ (Released New Movies). ವಾಟಾಳ್‌ ನಾಗರಾಜ್‌ ನೇತೃತ್ವದಲ್ಲಿ ಸೆಪ್ಟೆಂಬರ್‌ 29ಕ್ಕೆ ಕರ್ನಾಟಕ ಬಂದ್‌ಗೆ ಕರೆ ನೀಡಲಾಗಿದೆ. ಕನ್ನಡ ಚಿತ್ರರಂಗ ಕೂಡ ಬೆಂಬಲ ಸೂಚಿಸಿದೆ. ಸೆ. 29ರ ಬೆಳಗ್ಗೆ ಚಿತ್ರಮಂದಿರಗಳು ಮುಚ್ಚಲಿದ್ದು, ಸಂಜಯೆ ಹೊತ್ತಿಗೆ ಓಪನ್‌ ಆಗಲಿದೆ. ಈ ಸಂದರ್ಭದಲ್ಲಿ ತೆರೆ ಕಾಣುತ್ತಿರುವ ಕನ್ನಡ ಹಾಗೂ ಇತರ ಭಾಷೆಗಳ ಸಿನಿಮಾಗಳ ಸಂಪೂರ್ಣ ಪಟ್ಟಿ ಇಲ್ಲಿದೆ.

ಬಾನ ದಾರಿಯಲಿ

ಗೋಲ್ಡ್‌ನ್‌ ಸ್ಟಾರ್‌ ಗಣೇಶ್‌ (Golden Star Ganesh) ಮುಖ್ಯಭೂಮಿಕೆಯ ʻಬಾನದಾರಿಯಲಿʼ ಸಿನಿಮಾ ಸೆಪ್ಟೆಂಬರ್‌ 28ರಂದು ರಾಜ್ಯಾದ್ಯಂತ ಅದ್ಧೂರಿಯಾಗಿ ತೆರೆ ಕಂಡಿದೆ. ಪ್ರೀತಂ ಗುಬ್ಬಿ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿಬಂದಿದೆ.ನಟಿ ರುಕ್ಮಿಣಿ ವಸಂತ್‌ (rukmini vasanth) ಹಾಗೂ ರೀಷ್ಮಾ ನಾಣಯ್ಯ (reshma nanaiah) ನಟಿಯರಾಗಿ ಮಿಂಚಿದ್ದಾರೆ. ಪ್ರೀತಾ ಜಯರಾಮನ್ ಅವರ ಕಥೆ ಮತ್ತು ಪ್ರೀತಂ ಗುಬ್ಬಿ ಅವರ ಚಿತ್ರಕಥೆ ಸಿನಿಮಾಕ್ಕಿದೆ. ವಿ ಹರಿಕೃಷ್ಣ ಸಂಗೀತ ನೀಡಿದರೆ, ಅಭಿಲಾಶ್ ಕಳತ್ತಿ ಛಾಯಾಗ್ರಹಣ ಮಾಡಿದ್ದಾರೆ.

ತೋತಾಪುರಿ 2

ತೋತಾಪುರಿ -2 ಸಿನಿಮಾದಲ್ಲಿ ಡಾಲಿ ಧನಂಜಯ್‌ ಹಾಗೂ ಅದಿತಿ ಪ್ರಭುದೇವ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಡಾಲಿ ಧನಂಜಯ್ ಈ ಚಿತ್ರದಲ್ಲಿ ಜಗ್ಗೇಶ್ ಅವರ ಜತೆ ಪೂರ್ಣಪ್ರಮಾಣದ ನಾಯಕನಾಗಿ ಅಭಿನಯಿಸಿದ್ದಾರೆ. ಧನಂಜಯ್ ಹಾಗೂ ಜಗ್ಗೇಶ್ ಅವರ ಕ್ಯಾರೆಕ್ಟರ್ ಲುಕ್ ಗುರುಪೂರ್ಣಿಮೆಯ ದಿನ ಬಿಡುಗಡೆಯಾಗಿತ್ತು. ಉಳಿದಂತೆ ಚಿತ್ರದಲ್ಲಿ ದತ್ತಣ್ಣ, ಸುಮನಾ ರಂಗನಾಥ್, ವೀಣಾ ಸುಂದರ್, ಹೇಮಾದತ್ ಹೀಗೆ ಮೊದಲ ಭಾಗದಲ್ಲಿದ್ದ ಬಹುತೇಕ ಪಾತ್ರಗಳು ಮುಂದುವರಿದಿವೆ. ನಿರಂಜನ ಬಾಬು ಛಾಯಾಗ್ರಹಣ, ಅರುಣ್ ಆಂಡ್ರ್ಯೂ ಸಂಗೀತ ಸಂಯೋಜನೆ ಚಿತ್ರಕ್ಕಿದೆ.’ತೋತಾಪುರಿ 2′ ಸೆ.28ರಂದು ತೆರೆ ಕಂಡಿದೆ.

ಇದನ್ನೂ ಓದಿ: Golden Star Ganesh: ಸೆಪ್ಟೆಂಬರ್‌ 28ರಂದು ಗೋಲ್ಡ್‌ನ್‌ ಸ್ಟಾರ್‌ ಗಣೇಶ್‌‌ ಅಭಿನಯದ ʻಬಾನದಾರಿಯಲಿʼ ಅದ್ಧೂರಿ ತೆರೆಗೆ!

ಕ್ರಾಂತಿವೀರ

ಯುವ ಪ್ರತಿಭೆಗಳ ಸಿನಿಮಾ ‘ಕ್ರಾಂತಿ ವೀರ’ ಕೂಡ ರಿಲೀಸ್‌ ಆಗಿದೆ. ಅಜಿತ್ ಜಯರಾಜ್ ನಟನೆಯ ಈ ಸಿನಿಮಾ ತೆಲುಗು ಹಾಗೂ ತಮಿಳು ಭಾಷೆಯಲ್ಲೂ ರಿಲೀಸ್ ಆಗುತ್ತಿದೆ. ಚಿತ್ರವನ್ನು ಅದಾತ್‌ ನಿರ್ದೇಶನ ಮಾಡಿದ್ದಾರೆ. ಸಿನಿಮಾ ಕನ್ನಡ ಮಾತ್ರವಲ್ಲದೆ ತೆಲುಗು, ತಮಿಳಿನಲ್ಲಿ ಕೂಡಾ ರಿಲೀಸ್‌ ಆಗಿದೆ.

ಸ್ಕಂದ

ಬೋಯಪಾಟಿ ಶ್ರೀನು ನಿರ್ದೇಶನದ ಸ್ಕಂದ ಸಿನಿಮಾ ರಿಲೀಸ್‌ ಆಗಿದೆ. ರಾಮ್‌ ಪೋತಿನೇನಿ, ಶ್ರೀಲೀಲಾ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ. ಇಷ್ಟು ದಿನಗಳ ಕಾಲ ಲವರ್ ಬಾಯ್ ಆಗಿ ಮಿಂಚಿದ್ದ ರಾಮ್ ಪೋತಿನೇನಿ ಮೊದಲ ಬಾರಿಗೆ ಸ್ಕಂದ ಸಿನಿಮಾದಲ್ಲಿ ಮಾಸ್ ಅವತಾರದಲ್ಲಿ ನಟಿಸಿದ್ದಾರೆ. ಸಂತೋಷ್ ಡಿಟೇಕ್ ಕ್ಯಾಮೆರಾ ವರ್ಕ್, ತಮನ್ ಎಸ್‌ಎಸ್ ಮ್ಯೂಸಿಕ್ ಕಿಕ್ ಈ ಚಿತ್ರಕ್ಕಿದೆ.ಸೆಪ್ಟೆಂಬರ್ 28ರಂದು ತೆಲುಗು, ಕನ್ನಡ, ಹಿಂದಿ, ಮಲಯಾಳಂ ಹಾಗೂ ತಮಿಳು ಭಾಷೆಗಳಲ್ಲಿ ಸ್ಕಂದ ಸಿನಿಮಾ ತೆರೆ ಕಂಡಿದೆ.‌

ಪೇದ ಕಾಪು

ಶ್ರೀಕಾಂತ್ ಅಡ್ಡಾಳ ನಿರ್ದೇಶನದ ಈ ಸಿನಿಮಾ ಸೆ. 28ರಂದು ರಿಲೀಸ್‌ ಆಗಿದೆ. ಚಿತ್ರದಲ್ಲಿ ವಿರಾಟ್‌ ಕರ್ಣ, ಪ್ರಗತಿ ಶ್ರೀವಾತ್ಸವ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಚಂದ್ರಮುಖಿ 2

ತ ನಿರ್ದೇಶಕ ಹಾಗೂ ನಟ ರಾಘವ ಲಾರೆನ್ಸ್ ಮತ್ತು ಬಾಲಿವುಡ್ ನಟಿ ಕಂಗನಾ ರಣಾವತ್ (kangana ranaut) ನಟನೆಯ ಬಹುನಿರೀಕ್ಷಿತ ಸಿನಿಮಾ ‘ಚಂದ್ರಮುಖಿ 2’ (Chandramukhi 2) ಸೆ.28ರಂದು ತೆರೆ ಕಂಡಿದೆ. ಹಿರಿಯ ನಿರ್ದೇಶಕ ಪಿ ವಾಸು ನಿರ್ದೇಶನದಲ್ಲಿ ಮೂಡಿ ಬಂದಿರುವ ಚಂದ್ರಮುಖಿ-2 ಸಿನಿಮಾದಲ್ಲಿ ರಾಘವ್ ಲಾರೆನ್ಸ್ ವೆಟ್ಟೈಯನ್ ರಾಜನಾಗಿ ಕಾಣಿಸಿಕೊಂಡಿದ್ದಾರೆ. ಚಂದ್ರಮುಖಿಯಾಗಿ ಕಂಗನಾ ನಟಿಸಿದ್ದಾರೆ. 2005ರಲ್ಲಿ ಬಿಡುಗಡೆಯಾಗಿದ್ದ ಕ್ಲಾಸಿಕ್ ಸಿನಿಮಾ ಚಂದ್ರಮುಖಿ ಬಾಕ್ಸಾಫೀಸ್‌ನಲ್ಲಿ ಹೊಸ ದಾಖಲೆ ಸೃಷ್ಟಿಸಿತ್ತು. ಸೂಪರ್ ಸ್ಟಾರ್ ರಜನಿಕಾಂತ್ ನಾಯಕನಾಗಿ ನಟಿಸಿದ್ದ ಈ ಚಿತ್ರ ಹಿಟ್ ಲೀಸ್ಟ್ ಸೇರಿತ್ತು.

ಇದನ್ನೂ ಓದಿ: Chandramukhi 2: ರಾಘವ್ ಲಾರೆನ್ಸ್-ಕಂಗನಾ ನಟನೆಯ ‘ಚಂದ್ರಮುಖಿ-2’ ರಿಲೀಸ್‌ ಪೋಸ್ಟ್‌ಪೋನ್‌!

ಇರೈವನ್‌

ಜಯಂ ರವಿ ಹಾಗೂ ನಯನತಾರಾ ನಟನೆಯ ಇರೈವನ್‌ ಇಂದು ರಿಲೀಸ್‌ ಆಗಿದೆ. ಚಿತ್ರವನ್ನು ಐ ಅಹ್ಮದ್‌ ನಿರ್ದೇಶನ ಮಾಡಿದ್ದಾರೆ.ನರೇನ್ ಹಾಗೂ ವಿಜಯಲಕ್ಷ್ಮಿ ಸಿನಿಮಾದಲ್ಲಿ ಪ್ರಮುಖ ಭಾಗ. ಸಿನಿಮಾವನ್ನು ಪಾಂಡಿಚೇರಿಯಲ್ಲಿಯೇ ಶೂಟಿಂಗ್ ಮಾಡಲಾಗಿದ್ದು ಕಳೆದ ವರ್ಷ ನವೆಂಬರ್​ನಲ್ಲಿ ಶೂಟಿಂಗ್ ಮುಗಿದಿತ್ತು. ಸಿನಿಮಾವನ್ನು ಸುಧನ್ ಸುಂದರಮ್ ನಿರ್ಮಿಸಿದ್ದಾರೆ. ಐ ಅಹ್ಮದ್‌ ಜತೆ ಜಯಂ ರವಿ ಅವರ ಎರಡನೇ ಸಿನಿಮಾ ಆಗಿದೆ ಇರೈವನ್. 

ದಿ ವ್ಯಾಕ್ಸಿನ್ ವಾರ್‌

ವಿವೇಕ್ ಅಗ್ನಿಹೋತ್ರಿ ( Vivek Ranjan Agnihotri ) ನಿರ್ದೇಶನದ ಮುಂಬರುವ ಚಿತ್ರ ʻದಿ ವ್ಯಾಕ್ಸಿನ್ ವಾರ್‌ʼ (The Vaccine War) ಸೆ.28ರಂದು ಬಿಡುಗಡೆಗೊಂಡಿದೆ. ʼದಿ ವ್ಯಾಕ್ಸಿನ್ ವಾರ್‌ʼ ಪಾತ್ರವರ್ಗದಲ್ಲಿ ಅನುಪಮ್ ಖೇರ್, ವಿವೇಕ್ ಅವರ ಪತ್ನಿ ಪಲ್ಲವಿ ಜೋಶಿ, ನಾನಾ ಪಾಟೇಕರ್, ಸಪ್ತಮಿ ಗೌಡ (Sapthami Gowda) ಮತ್ತು ರೈಮಾ ಸೇನ್ ಇದ್ದಾರೆ. ಕನ್ನಡದ ನಟಿ ಸಪ್ತಮಿ ಗೌಡ ಸಹ ‘ದಿ ವ್ಯಾಕ್ಸಿನ್ ವಾರ್’ ಸಿನಿಮಾದಲ್ಲಿದ್ದಾರೆ.

Exit mobile version