ಬೆಂಗಳೂರು: ನಟ ಸಲ್ಮಾನ್ ಖಾನ್ (Salman Khan) ಸಹೋದರಿ ಅರ್ಪಿತಾ ಖಾನ್ (Arpita Khan) ಅವರನ್ನು ನಟ ಆಯುಷ್ ಶರ್ಮಾ (Aayush Sharma) ಮದುವೆಯಾಗಿರುವುದು ಗೊತ್ತೇ ಇದೆ. ನಟ ಆಯುಷ್ ಶರ್ಮಾ ಅವರಿಗೆ ಆಗ ಕೇವಲ 24 ವರ್ಷ ವಯಸ್ಸು. ಆ ಸಮಯದಲ್ಲಿ ಆಯುಷ್ ಶರ್ಮಾ ಅವರಿಗೆ ಯಾವುದೇ ಆದಾಯ ಇರಲಿಲ್ಲ. ಆಯುಷ್ ಶರ್ಮಾ ಅವರ ತಂದೆ ತಾಯಿ ಶ್ರೀಮಂತ ರಾಜಕೀಯ ಕುಟುಂಬದ ಹಿನ್ನೆಲೆ ಹೊಂದಿದ್ದವರು. ಹೀಗಾಗಿ ಆಯುಷ್ ಶರ್ಮಾ ಅವರು ತಾವು ಒಂದು ಹಂತಕ್ಕೆ ಹೋಗುವವರೆಗೆ ಅರ್ಪಿತಾ ಖಾನ್ ಅವರ ಒಟ್ಟೂ ಖರ್ಚುಗಳನ್ನು ತಂದೆ ತಾಯಿಯೇ ನೋಡಿಕೊಳ್ಳಬೇಕು ಎಂದು ಹೇಳಿದ್ದರಂತೆ. ಈ ಬಗ್ಗೆ ಆಯುಷ್ ಶರ್ಮಾ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ಯೂಟ್ಯೂಬ್ ಚಾನೆಲ್ ಸಂದರ್ಶನವೊಂದರಲ್ಲಿ ಆಯುಷ್ ಶರ್ಮಾ ಮಾತನಾಡಿ ʻʻನನ್ನ ತಂದೆ ತಾಯಿಗೆ ಅರ್ಪಿತಾಳನ್ನು ಮದುವೆಯಾಗುತ್ತಿದ್ದೇನೆ ಎಂದಾಗ ಅವರು ಶಾಕ್‌ ಆದರು. ಯಾಕಂದರೆ ಅರ್ಪಿತಾ ಸ್ಟೇಟಸ್‌ ಏನು? ನಮ್ಮದೇನು? ಎಂಬ ಭಯ ಅವರಲ್ಲಿ ಆವರಿಸಿತ್ತು. ಮಾತ್ರವಲ್ಲ ಅರ್ಪಿತಾಳ ಖರ್ಚನ್ನು ನಾವು ಹೇಗೆ ನಿಭಾಯಿಸೋದು ಎಂಬ ಆತಂಕ ಅವರಲ್ಲಿ ಆವರಿಸಿತ್ತುʼʼ ಎಂದರು.
ಇದನ್ನೂ ಓದಿ: Salman Khan: ಸಲ್ಮಾನ್ ಖಾನ್ ಮನೆ ಮುಂದೆ ಲಾಠಿಚಾರ್ಜ್; ಮನೆ ಹೊರಗೆ ಜನಸಾಗರ!
ಮಾತು ಮುಂದುವರಿಸಿ ʻನನ್ನ ತಂದೆ ಭಯದಿಂದ ಈ ರೀತಿ ನನ್ನ ಬಳಿ ಕೇಳಿದರು. ನೀನು ಏನೂ ಕೆಲಸ ಮಾಡುತ್ತಿಲ್ಲ. ಹಣ ಕೂಡ ಗಳಿಸುತ್ತಿಲ್ಲ. ಅದರ ಮೇಲೆ ಶ್ರೀಮಂತೆ ಹುಡುಗಿಯನ್ನು ಮದುವೆಯಾಗುತ್ತಿದ್ದೀಯಾ. ಅವಳ ಖರ್ಚುಗಳನ್ನು ಹೇಗೆ ನಿಭಾಯಿಸುತ್ತೀಯಾ?ಎಂದು ಪ್ರಶ್ನೆ ಇಟ್ಟರು. ಆಗ ನಾನು ನೀವು ಹಣ ನೀಡುತ್ತೀರಾ?ಎಂದು ಮರು ಪ್ರಶ್ನೆ ಇಟ್ಟೆ. ನನ್ನ ತಂದೆ ಮದುವೆಯಾಗುತ್ತಿರುವುದು ನೀವು! ಪ್ರೀತಿಸುತ್ತಿರುವುದು ನೀವು! ನಾನು ನಿಮ್ಮೆಲ್ಲ ಖರ್ಚುಗಳಿಗೆ ಬಿಲ್‌ ಕಟ್ಟಬೇಕೆ ಎಂದು ಕೇಳಿದ್ದರುʼʼ ಎಂದರು.
ʻʻಇದಾದ ಮೇಲೆ ನನ್ನ ತಂದೆ ಸಾಕಷ್ಟು ನಿರಾಳವಾಗಿದ್ದರೂ, ನನ್ನ ತಾಯಿ ಮಾತ್ರ ಚಿಂತಿತರಾಗಿದ್ದರು. ನಾನು ಆಮೇಲೆ ಅಮ್ಮನ ಬಳಿ ಕೇಳಿದ್ದು ಒಂದೇ. ನಾವು ರಾಜಕೀಯ ಕುಟುಂಬದಿಂದ ಬಂದವರು. ಅರ್ಪಿತಾ ಸಿನಿಮಾ ಕುಟುಂಬದಿಂದ ಬಂದಿದ್ದರಿಂದ ಎರಡೂ ಕುಟುಂಬಗಳು ಹೊಂದಾಣಿಕೆಯಾಗುತ್ತವೆಯೇ ಎಂದು. ಹೀಗೆ ನನ್ನ ಕುಟುಂಬವನ್ನು ಮನವೊಲಿಸಿ, ಸಲ್ಮಾನ್ ಅವರನ್ನು ನನ್ನ ಕುಟುಂಬಕ್ಕೆ ಪರಿಚಯಿಸಿ, ಅಂತೂ ಮದುವೆ ಮಾಡಿಕೊಂಡೆವು. ಇನ್ನೊಂದು ವಿಚಾರ ಹೇಳಲೇಬೇಕು. ಸಲ್ಮಾನ್ ಅವರನ್ನು ಪರಿಚಯಿಸಿದ ನಂತರ ನನ್ನ ತಾಯಿ ಸಲ್ಮಾನ್ ಅವರನ್ನು ನೋಡಿ ತುಂಬಾ ಚೆನ್ನಾಗಿ ಕಾಣುತ್ತಿದ್ದಾರೆ ಎಂದು ಹೇಳಿದ್ದರು. ಇಂದಿಗೂ ಆ ಕ್ಷಣ ಮರೆಯಲು ಸಾಧ್ಯವಿಲ್ಲʼʼ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: Salman Khan: ʻಈದ್‌ʼಗೆ ಗುಡ್‌ ನ್ಯೂಸ್‌ ಕೊಟ್ಟ ಸಲ್ಮಾನ್ ಖಾನ್!
ಆಯುಷ್ ಕಾಂಗ್ರೆಸ್‌ನ ಹಿರಿಯ ರಾಜಕಾರಣಿ ಪಂಡಿತ್ ಸುಖ್ ರಾಮ್ ಅವರ ಮೊಮ್ಮಗ. ಅರ್ಪಿತಾ ಮತ್ತು ಆಯುಷ್ 2014ರಲ್ಲಿ ವಿವಾಹವಾದರು. ಈಗ ದಂಪತಿಗೆ ಎರಡು ಮಕ್ಕಳು. ಮಗಳು ಆಯತ್ ಮತ್ತು ಮಗ ಅಹಿಲ್ ಶರ್ಮಾರ ಫೋಟೊಗಳನ್ನು ಆಗಾಗ ಆಯುಷ್ ಸೋಷಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿಕೊಳ್ಳುತ್ತಿರುತ್ತಾರೆ. ಸಿನಿಮಾ ವಿಚಾರಕ್ಕೆ ಬಂದರೆ ಆಯುಷ್ ಮುಂದೆ ʻರುಸ್ಲಾನ್ʼ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.