ಬೆಂಗಳೂರು: ಕಾವೇರಿ ಹೋರಾಟದ ಸಂದರ್ಭದಲ್ಲಿ ನಟ ದರ್ಶನ್ (Actor Darshan) ಹಾಗೂ ತಮ್ಮ ನಡುವೆ ಎದ್ದು ತೋರಿದ ಮನಸ್ತಾಪದ ವಿಚಾರದಲ್ಲಿ ಧ್ರುವ ಸರ್ಜಾ (Dhruva Sarja) ತಮ್ಮ ಬರ್ತ್ಡೇ ಸಂಭ್ರಮದ ಸಂದರ್ಭದಲ್ಲಿ ಮಾತನಾಡಿದ್ದಾರೆ. ದರ್ಶನ್ ಬಳಿ ಕೇಳಬೇಕಾದ ಪ್ರಶ್ನೆಗಳು ನನ್ನ ಬಳಿ ಇದ್ದು, ಅದನ್ನು ಅವರ ಬಳಿಯೇ ಕೇಳಬೇಕಿದೆ ಎಂದಿದ್ದಾರೆ.
ನಿನ್ನೆ ರಾತ್ರಿ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿಮಾನಿಗಳ ಹರ್ಷೋದ್ಗಾರದ ನಡುವೆ ಬರ್ತ್ಡೇ (dhruva sarja birthday) ಆಚರಿಸಿಕೊಂಡರು. ಅವರ ಮನೆಯ ಮುಂದೆ ಸೇರಿದ ಅಭಿಮಾನಿಗಳು ನೆಚ್ಚಿನ ನಟನಿಗೆ ಶುಭಾಶಯ ಕೋರಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಧ್ರುವ ಸರ್ಜಾ, ದರ್ಶನ್ ಹಾಗೂ ತಮ್ಮ ನಡುವೊನ ಮನಸ್ತಾಪದ ಪ್ರಸ್ತಾಪ ಮಾಡಿದರು. ʼದರ್ಶನ್ ಅವರು ಹಿರಿಯ ನಟ, ಸೀನಿಯರ್ ಕೂಡ. ದರ್ಶನ್ ಅವರ ಉಪಸ್ಥಿತಿ ಮತ್ತು ಅನುಪಸ್ಥಿತಿಗೆ ಅದೇ ಮರ್ಯಾದೆ ಇರುತ್ತೆ. ಅದರೆ ಅವರ ಬಗ್ಗೆ ಕೇಳಲು ಕೆಲವು ಪ್ರಶ್ನೆಗಳಿವೆ. ಅವುಗಳನ್ನು ಅವರ ಬಳಿಯೇ ಕೇಳಬೇಕುʼ ಎಂದರು.
ʼನನಗೂ ಸ್ವಾಭಿಮಾನ ಇದೆ, ನಾನು ಅವರೊಟ್ಟಿಗೆ ಈ ವಿಚಾರವಾಗಿ ಮಾತನಾಡುತ್ತೇನೆ. ಕೆಲವರು ಫೇಕ್ ಅಕೌಂಟ್ ಕ್ರಿಯೇಟ್ ಮಾಡಿ ಇಲ್ಲದ ಅಪಪ್ರಚಾರ ಮಾಡುತ್ತಿದ್ದಾರೆ. ಅವರ ಬಗ್ಗೆ ಹೇಳುವುದು ಇಷ್ಟೇ, ನನ್ನಲ್ಲಿರುವ ಕೆಲವು ಗೊಂದಲ ಪ್ರಶ್ನೆಗಳಿಗೆ ಉತ್ತರ ಸಿಗಬೇಕು. ನಾಟಕೀಯವಾಗಿ ಮನಸಲ್ಲೊಂದು ಹೊರಗೊಂದು ಥರ ಇರುವುದು ನನಗೆ ಬರುವುದಿಲ್ಲʼ ಎಂದಿದ್ದಾರೆ.
ರಾಜಮಾರ್ತಾಂಡ ರಿಲೀಸ್
ಇಂದು ಚಿರು ಸರ್ಜಾ ನಟಿಸಿರುವ ಕೊನೆ ಸಿನಿಮಾ ‘ರಾಜಮಾರ್ತಾಂಡ’ ಗ್ರ್ಯಾಂಡ್ ರಿಲೀಸ್ ನಡೆಯಲಿದೆ. ಈ ಹಿನ್ನೆಲೆಯಲ್ಲಿ ಮಾತನಾಡಿದ ಧ್ರುವ, ʼಈ ಬರ್ತ್‌ಡೇಗೆ ಅಣ್ಣನ ಸಿನಿಮಾ ಬರುತ್ತಿರುವುದೇ ದೊಡ್ಡ ವಿಚಾರ. ಮೂರು ವರ್ಷಗಳ ನಂತರ ಅಣ್ಣನ ಸಿನಿಮಾ ಬರುತ್ತಿದೆ. ಅಣ್ಣನನ್ನು ತೆರೆ ಮೇಲೆ ನೋಡುವುದೇ ಒಂದು ಸಂಭ್ರಮ. ಜೊತೆಗೆ ಮಗಳು ಹುಟ್ಟಿದ ಮೇಲೆ ಇಷ್ಟು ದೊಡ್ಡ ಸಂಭ್ರಮ. ಗಣೇಶನ ಹಬ್ಬದ ದಿನ ಮಗ ಹುಟ್ಟಿದ, ಅದು ಕೂಡ ಖುಷಿʼ ಎಂದಿದ್ದಾರೆ.
ಆಕ್ಷನ್ ಪ್ರಿನ್ಸ್ ಹುಟ್ಟುಹಬ್ಬಕ್ಕೆ ಭರ್ಜರಿ ಪ್ಲಾನ್
ಮೂರು ವರ್ಷದ ಬಳಿಕ ಧ್ರುವ ಸರ್ಜಾ ಜನ್ಮದಿನ (dhruva sarja birthday celebration) ಆಚರಿಸಿಕೊಳ್ಳುತ್ತಿದ್ದು, ಮಧ್ಯರಾತ್ರಿಯಿಂದಲೇ “ಅದ್ದೂರಿ” ಹುಟ್ಟುಹಬ್ಬಕ್ಕೆ ಚಾಲನೆ ದೊರೆತಿದೆ. ಅಖಿಲ ಕರ್ನಾಟಕ ಧ್ರುವ ಸರ್ಜಾ ಫ್ಯಾನ್ಸ್ ವತಿಯಿಂದ ಸಮಾಜಮುಖಿ ಕಾರ್ಯಗಳನ್ನು ಹಮ್ಮಿಕೊಳ್ಳಲಾಗಿದೆ. ಅಭಿಮಾನಿಗಳು ಆಕ್ಷನ್ ಪ್ರಿನ್ಸ್ ಜನ್ಮದಿನಾಚರಣೆಗೆ ಭರ್ಜರಿ ಸಿದ್ಧತೆಗಳನ್ನು ಧ್ರುವ ಸರ್ಜಾ ಮನೆ ಬಳಿ ಮಾಡಿಕೊಂಡಿದ್ದಾರೆ. ಇಂದು ಬೆಳಗ್ಗೆ 8 ಗಂಟೆಯಿಂದ ಬಹದ್ದೂರ್ ಹುಡುಗನ ಬರ್ತ್ಡೇ ಸೆಲೆಬ್ರೇಶನ್ ಶುರುವಾಗಲಿದೆ.
ಚಿರು ಸರ್ಜಾ ನಟಿಸಿರುವ ಕೊನೆ ಸಿನಿಮಾ ʻರಾಜಮಾರ್ತಾಂಡ’ ಇಂದು ಗ್ರ್ಯಾಂಡ್ ರಿಲೀಸ್ ಆಗಲಿದ್ದು, ಅನುಪಮಾ ಚಿತ್ರಮಂದಿರದಲ್ಲಿ ಧ್ರುವ ಸರ್ಜಾ ಮೊದಲ ಶೋ ನೋಡಲಿದ್ದಾರೆ. ಫ್ಯಾನ್ಸ್‌ಗೂ ರಾಜಮಾರ್ತಾಂಡ ಸಿನಿಮಾ ನೋಡಲು ಕರೆ ಕೊಟ್ಟಿದ್ದಾರೆ. ಸಿನಿಮಾ ವೀಕ್ಷಿಸಿದ ನಂತರ 2 ಗಂಟೆಯಿಂದ ಮತ್ತೆ ನಿವಾಸದ ಬಳಿ ಫ್ಯಾನ್ಸ್ ಭೇಟಿ ಮಾಡಲಿದ್ದಾರೆ.
ಇದನ್ನೂ ಓದಿ: Dhruva Sarja: ಧ್ರುವ ಸರ್ಜಾ ಹುಟ್ಟುಹಬ್ಬದ ಸಿಡಿಪಿಗಳು ವೈರಲ್, ಫ್ಯಾನ್ಸ್ ಫುಲ್‌ ಖುಷ್‌!