ಬೆಂಗಳೂರು: ಗೋವಾದಲ್ಲಿ ನಡೆಯುತ್ತಿರುವ 53ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಮೆಗಾಸ್ಟಾರ್‌ ಚಿರಂಜೀವಿ (Actor Chiranjeevi) ಅವರಿಗೆ ʻಇಂಡಿಯನ್‌ ಫಿಲ್ಮ್ ಪರ್ಸ್‌ನಾಲಿಟಿ ಆಫ್‌ ದಿ ಇಯರ್‌-2022ʼ (IFFI 2022) ಪ್ರಶಸ್ತಿ ಘೋಷಿಸಲಾಗಿದೆ. ಭಾರತೀಯ ಚಿತ್ರರಂಗ 100 ವರ್ಷ ಪೂರೈಸಿದ ಸಂಭ್ರಮದಲ್ಲಿ 2013ರಿಂದ ಈ ಪ್ರಶಸ್ತಿ ನೀಡಲಾಗುತ್ತಿದೆ. ಇದೀಗ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ತೆಲುಗಿನಲ್ಲಿ ಟ್ವೀಟ್‌ ಮಾಡುವುದರ ಮೂಲಕ ಚಿರಂಜೀವಿ ಅವರಿಗೆ ಶುಭ ಹಾರೈಸಿದ್ದಾರೆ.
ಪ್ರಧಾನಿ ಮೋದಿ ಅವರು ಟ್ವೀಟ್‌ ಮೂಲಕ ʻʻಚಿರಂಜೀವಿ ಅವರು ಒಬ್ಬ ಶ್ರೇಷ್ಠ ನಟ. ಅವರ ಅದ್ಭುತ ವ್ಯಕ್ತಿತ್ವ ಮತ್ತು ವೈವಿಧ್ಯಮಯ ನಟನಾ ಕೌಶಲದಿಂದ, ಅವರು ಹಲವಾರು ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಅವರ ಅಭಿನಯದಿಂದ ಪ್ರೇಕ್ಷಕರ ಮೆಚ್ಚುಗೆ ಮತ್ತು ಗೌರವವನ್ನು ಗಳಿಸಿದ್ದಾರೆʼ ಎಂದು ತೆಲುಗಿನಲ್ಲಿ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ | Tollywood New Film | ದಸರಾ ಹಬ್ಬದ ದಿನದಂದೇ ರಿಲೀಸ್‌ ಆಗ್ತಿವೆ ನಾಗಾರ್ಜುನ್‌-ಚಿರಂಜೀವಿ ಸಿನಿಮಾ!
ನಟ ಚಿರಂಜೀವಿ ಅವರು ಟ್ವೀಟ್‌ ಮಾಡಿದ್ದು ʻʻಈ ಗೌರವಕ್ಕೆ ಬಹಳ ಸಂತಸದಿಂದ ಬಹಳ ವಿನಮ್ರವಾಗಿ ಕೇಂದ್ರ ಸರ್ಕಾರಕ್ಕೆ ಕೃತಜ್ಞತೆ ತಿಳಿಸುತ್ತಿದ್ದೇನೆ. ಅದೇ ರೀತಿ ಕೇಂದ್ರ ಮಾಹಿತಿ ಪ್ರಸಾರ ಶಾಖೆ ಸಚಿವರಾದ ಅನುರಾಗ್ ಠಾಕೂರ್ ಹಾಗೂ ಗೋವಾ ಫಿಲ್ಮ್ ಫೆಸ್ಟಿವಲ್ ತಂಡಕ್ಕೆ ಧನ್ಯವಾದ. ನಾನು ಈಗ ಈ ಮಟ್ಟದಲ್ಲಿ ಇರಲು ನನ್ನ ಅಭಿಮಾನಿಗಳು ಕಾರಣ. ಅವರಿಗೆ ನಾನು ಚಿರಋಣಿಯಾಗಿ ಇರುತ್ತೇನೆ” ಎಂದು ಬರೆದುಕೊಂಡಿದ್ದಾರೆ.
ಇತ್ತೀಚಿಗಷ್ಟೇ ಚಿರಂಜೀವಿ ಅಭಿನಯದ ʻಗಾಡ್‌ಫಾದರ್‌ʼಸಿನಿಮಾ ಬಿಡುಗಡೆ ಕಂಡಿತ್ತು. ಸಿನಿಮಾ ಬಗ್ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿತ್ತು. ಸದ್ಯ ‘ವಾಲ್ತೇರು ವೀರಯ್ಯ’ ಎನ್ನುವ ಚಿತ್ರದ ಚಿತ್ರೀಕರಣದಲ್ಲಿ ನಟ ತೊಡಗಿಸಿಕೊಂಡಿದ್ದಾರೆ.
ಇದನ್ನೂ ಓದಿ | Chiranjeevi | ಮೆಗಾ ಸ್ಟಾರ್‌ ಹುಟ್ಟುಹಬ್ಬಕ್ಕೆ ಗಾಡ್‌ ಫಾದರ್‌ ಟೀಸರ್‌ ಔಟ್‌: ಫಿದಾ ಆದ ಫ್ಯಾನ್ಸ್!