ಬೆಂಗಳೂರು: ನಟ ಅನಂತ್‌ನಾಗ್‌ ಹಾಗೂ ದೂದ್‌ ಪೇಡ ದಿಗಂತ್ (Actor Diganth) ಕಾಂಬಿನೇಶನ್‌ನ ʻತಿಮ್ಮಯ್ಯ ಆ್ಯಂಡ್‌ ತಿಮ್ಮಯ್ಯ ಚಿತ್ರದ ಟ್ರೈಲರ್‌ ಲಾಂಚ್‌ ಇವೆಂಟ್‌ ನವೆಂಬರ್‌ 23ರಂದು ನಡೆದಿದೆ. ಈ ವೇಳೆ ನಟ ದಿಗಂತ್ ಅವರು ಕುಂಟುತ್ತಲೇ ವೇದಿಕೆ ಮೇಲೆ ಬರುತ್ತಿರುವ ಫೋಟೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಕೆಲವು ತಿಂಗಳ ಹಿಂದೆ ದಿಗಂತ್ ಅವರು ಕುತ್ತಿಗೆಗೆ ಪೆಟ್ಟು ಮಾಡಿಕೊಂಡಿದ್ದರು. ಬಳಿಕ ಅವರು ಚೇತರಿಸಿಕೊಂಡಿದ್ದರು. ಈಗ ಅವರು ಕಾಲಿಗೆ ಪೆಟ್ಟು ಮಾಡಿಕೊಂಡಿದ್ದಾರೆ.
ಈ ಹಿಂದೆ ಅಷ್ಟೇ ಚಿತ್ರತಂಡ ಟೀಸರ್‌ ಬಿಡುಗಡೆಗೊಳಿಸಿತ್ತು. ನಟ ಅನಂತ್‌ ನಾಗ್‌ ಅವರು ಈ ಚಿತ್ರದಲ್ಲಿ ಅಜ್ಜನ ಪಾತ್ರ ನಿರ್ವಹಿಸಿದ್ದು, ಮೊಮ್ಮಗನ ಜತೆಗಿನ ಭಾವನಾತ್ಮಕ ಸಂಬಂಧಗಳ ಕಥೆಯನ್ನು ಇಲ್ಲಿ ಅಭಿನಯಿಸಿರುವಂತಿತ್ತು. ಇದೀಗ ಟ್ರೈಲರ್‌ ಇವೆಂಟ್‌ಗೆ ಭಾಗಿಯಾಗಿರುವ ದಿಗಂತ್ ಕಾಲಿಗೆ ಪೆಟ್ಟು ಮಾಡಿಕೊಂಡಿದ್ದರೂ, ತಮ್ಮ ಸಿನಿಮಾದ ಕಾರ್ಯಕ್ರಮಕ್ಕೆ ಬಂದು ಅವರು ಜ್ಯೋತಿ ಬೆಳಗಿದ್ದಾರೆ. ಮತ್ತೊಬ್ಬರ ಸಹಾಯ ಪಡೆದು ವೇದಿಕೆ ಏರಿದ್ದಾರೆ. ಅವರಿಗೆ ಪತ್ನಿ ಐಂದ್ರಿತಾ ರೇ ಸಾಥ್ ನೀಡಿದ್ದಾರೆ. ಚಿತ್ರ ಇದೇ ಡಿಸೆಂಬರ್‌ 2ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.
ಇದನ್ನೂ ಓದಿ | Anant Nag | ಅನಂತ್‌ನಾಗ್‌-ದಿಗಂತ್ ಕಾಂಬಿನೇಶನ್‌ ಚಿತ್ರ ʻತಿಮ್ಮಯ್ಯ ಆ್ಯಂಡ್‌ ತಿಮ್ಮಯ್ಯʼ ಟೀಸರ್‌ ಔಟ್‌!
ಈ ಚಿತ್ರದಲ್ಲಿ ನಟಿ ಶುಭ್ರಾ ಅಯ್ಯಪ್ಪ ಕೂಡ ಅಭಿನಯಿಸಿದ್ದಾರೆ.ʻತಿಮ್ಮಯ್ಯ ಆ್ಯಂಡ್‌ ತಿಮ್ಮಯ್ಯʼ ಸಿನಿಮಾದಲ್ಲಿ ಐಂದ್ರಿತಾ ರೇ ಅಭಿನಯಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಚಿತ್ರಕ್ಕೆ ಸಂಜಯ್‌ ಶರ್ಮಾ ಅವರ ನಿರ್ದೇಶನ, ಅನೂಪ್‌ ಸಿಳೀನ್‌ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಪ್ರಮೋದ್‌ ಮರವಂತೆ ಚಿತ್ರಕ್ಕೆ ಲಿರಿಕ್ಸ್‌ ಬರೆದಿದ್ದಾರೆ. ಬಾಲಕೃಷ್ಣಾ ತೋಟ ಅವರ ಛಾಯಾಗ್ರಹಣ ಇದ್ದರೆ, ರಾಕೇಶ್‌ ಶರ್ಮಾ ಬಂಡವಾಳ ಹಾಕಿದ್ದಾರೆ.
ಇದನ್ನೂ ಓದಿ | Bachelor Party | ‘ಬ್ಯಾಚುಲರ್‌ ಪಾರ್ಟಿ’ಗೆ ಸಜ್ಜಾದರು ರಿಷಬ್‌, ದಿಗಂತ್ & ಅಚ್ಯುತ್‌ ಕುಮಾರ್..!