ಬೆಂಗಳೂರು : ನಟ ಇರ್ಫಾನ್ ಖಾನ್ (Actor Irrfan Khan) ಹಿಂದಿ ಸಿನಿಮಾಗಳಲ್ಲಿ ನಟಿಸಿ ಜನಮನ ಗೆದ್ದಿದ್ದಾರೆ. ಜನವರಿ 7 ಅವರ ಜನ್ಮದಿನ. ಅನುಷ್ಕಾ ಶರ್ಮಾ ಅವರು ಇರ್ಫಾನ್ ಖಾನ್‌ರವರ ಹಳೆಯ ಮಾತನ್ನು ನೆನಪಿಸಿಕೊಂಡು ಪೋಸ್ಟ್ ಶೇರ್‌ ಮಾಡಿದ್ದಾರೆ.
2020ರಲ್ಲಿ ಬಾಲಿವುಡ್ ನಟ ಇರ್ಫಾನ್ ಖಾನ್ ಅವರ ಅಕಾಲಿಕ ಮರಣದಿಂದ ಇಡೀ ಬಾಲಿವುಡ್ ಕಂಬನಿ ಮಿಡಿದಿತ್ತು. ನಟನಾ ಕೌಶಲ್ಯಕ್ಕೆ ಹೆಸರು ವಾಸಿಯಾಗಿದ್ದದ ಇರ್ಫಾನ್ ಖಾನ್ ಪ್ರೇಕ್ಷಕರಿಂದ ಮಾತ್ರವಲ್ಲದೇ ಇಡೀ ಬಾಲಿವುಡ್ ಚಿತ್ರರಂಗದಿಂದ ಗೌರವವನ್ನು ಸಂಪಾದಿಸಿದ್ದರು. ಅವರನ್ನು ನೆನೆದು ಅನುಷ್ಕಾ ಶರ್ಮಾ ಅವರ ಹಳೆಯ ಮಾತನ್ನು ನೆನಪಿಸಿಕೊಂಡಿದ್ದಾರೆ. ʻʻಖ್ಯಾತಿ ಬಯಸುವುದು ಒಂದು ಕಾಯಿಲೆ. ಒಂದು ದಿನ ನಾನು ಈ ಕಾಯಿಲೆಯಿಂದ ಮುಕ್ತನಾಗಲು ಬಯಸುತ್ತೇನೆ. ಅಲ್ಲಿ ಖ್ಯಾತಿ ಮುಖ್ಯವಲ್ಲ. ಅಲ್ಲಿ ಕೇವಲ ಜೀವನವನ್ನು ಅನುಭವಿಸುವುದು ಮತ್ತು ಸರಿಯಾಗಿರುವುದು ಮುಖ್ಯ” ಎಂಬ ಅವರ ಮಾತಿನ ಪೋಸ್ಟ್ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ | Suniel Shetty | ʻಬಾಲಿವುಡ್ ಬಾಯ್ಕಾಟ್‌ ಟ್ರೆಂಡ್‌ʼ ತೆಗೆದು ಹಾಕುವಂತೆ ಸಹಾಯ ಕೋರಿದ ಸುನೀಲ್‌ ಶೆಟ್ಟಿ
2018ರಲ್ಲಿ ಇರ್ಫಾನ್ ಖಾನ್ ಅವರಿಗೆ ಕ್ಯಾನ್ಸರ್ ಇರುವ ವಿಷಯ ತಿಳಿಯಿತು. ಆ ಸುದ್ದಿ ಹೊರಬಿದ್ದಾಗ ಅಭಿಮಾನಿಗಳಿಗೆ ಆಘಾತ ಆಯಿತು. ಬಳಿಕ ಅವರು ಚಿಕಿತ್ಸೆಗಾಗಿ ಇಂಗ್ಲೆಂಡ್ಗೆ ತೆರಳಿದರು. 2019ರ ಫೆಬ್ರವರಿಯಲ್ಲಿ ಭಾರತಕ್ಕೆ ಮರಳಿದರು. ಇನ್ನೇನು ಗುಣಮುಖರಾಗುತ್ತಾರೆ ಎಂದೇ ಅಭಿಮಾನಿಗಳು ಭಾವಿಸಿದ್ದರು. ಆದರೆ ಆಗಿದ್ದೇ ಬೇರೆ. ಅಂತಿಮವಾಗಿ ಇರ್ಫಾನ್ ಖಾನ್ ಅವರನ್ನು ಕಳೆದುಕೊಳ್ಳಬೇಕಾಯಿತು.
ಇದನ್ನೂ ಓದಿ | ಹೊಸ ವರ್ಷ ಆಚರಣೆಗಾಗಿ ಮುಂಬಯಿ ಬಿಟ್ಟು ಹೋಗಿದ್ದ ಬಾಲಿವುಡ್ ನಟ-ನಟಿಯರು ವಾಪಸ್; ಇಲ್ಲಿವೆ ಏರ್ಪೋರ್ಟ್ ವಿಡಿಯೊಗಳು