ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್ (Actor Saif Ali Khan) ಅವರ ಮಗ ತೈಮೂರ್ ಪ್ರೀ ಬರ್ತ್‌ಡೇ ಫೋಟೊಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿವೆ. ಪಾಪರಾಜಿಗಳ ನೆಚ್ಚಿನ ಸ್ಟಾರ್ ಕಿಡ್ ಅಂದರೆ ತೈಮೂರ್ ಆಗಿದ್ದಾನೆ. ತೈಮೂರ್ ಡಿಸೆಂಬರ್ 20, 2022ರಂದು 6 ನೇ ವರ್ಷಕ್ಕೆ ಕಾಲಿಡಲಿದ್ದಾನೆ. ಜನ್ಮದಿನದ ಪೂರ್ವ ಸಮಾರಂಭವನ್ನು ಕರೀನಾ ಕಪೂರ್ ದಂಪತಿ ಅದ್ಧೂರಿಯಾಗಿ ಆಯೋಜಿಸಿದ್ದಾರೆ.
ಹೇಗಿತ್ತು ಜನುಮದಿನದ ಸಂಭ್ರಮ?
ತೈಮೂರ್‌ನ ಜನ್ಮದಿನ ಪೂರ್ವ ಸಂಭ್ರಮವು ನಗು ಮತ್ತು ಸಂತೋಷದಿಂದ ತುಂಬಿತ್ತು. ತೈಮೂರ್ ತಂದೆ – ತಾಯಿ ಹಾಗೂ ಸಹೋದರ ಜೆಹ್ ಅಲಿ ಖಾನ್ ಅವರೊಂದಿಗೆ ಆತ ಹುಟ್ಟುಹಬ್ಬದ ಕೇಕ್ ಕತ್ತರಿಸಿದ್ದಾನೆ. ಪಾರ್ಟಿಯ ಥೀಮ್ ಸ್ಟಾರ್ ವಾರ್ ಆಗಿದ್ದರಿಂದ ಎಲ್ಲರೂ ಅದಕ್ಕೆ ತಕ್ಕಂತೆ ಡ್ರೆಸ್ ಮಾಡಿಕೊಂಡಿದ್ದರು. ಕರೀನಾ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಲವಾರು ಫೋಟೊಗಳನ್ನು ಹಂಚಿಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ.
ಕರೀನಾ ಕಪೂರ್ ಕೊನೆಯದಾಗಿ ಅದ್ವೈತ್ ಚಂದನ್ ಅವರ ಚಿತ್ರ ಲಾಲ್ ಸಿಂಗ್ ಛಡ್ಡಾದಲ್ಲಿ ಕಾಣಿಸಿಕೊಂಡಿದ್ದರು. 2009ರ ಚಲನಚಿತ್ರ 3 ಈಡಿಯಟ್ಸ್ ನಂತರ ಆಮೀರ್ ಖಾನ್ ಅವರೊಂದಿಗೆ ನಟಿ ಪರದೆಯನ್ನು ಹಂಚಿಕೊಂಡರು. ಮುಂದೆ, ಅವರು ಹನ್ಸಲ್ ಮೆಹ್ತಾ ಅವರ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದ ಶೂಟಿಂಗ್‌ ಲಂಡನ್‌ನಲ್ಲಿ ನಡೆಯಲಿದೆ.