ಬೆಂಗಳೂರು : ಟಾಲಿವುಡ್‌ ನಟ ಶರ್ವಾನಂದ್ (Actor Sharwanand) ಹಸೆಮಣೆ ಏರಲು ರೆಡಿಯಾಗಿದ್ದಾರೆ. ತೆಲುಗು ದೇಶಂ ಪಕ್ಷ(ಟಿಡಿಪಿ)ದ ರಾಜಕಾರಣಿ ಬೊಜ್ಜಲ ಗೋಪಾಲ ಕೃಷ್ಣಾ ರೆಡ್ಡಿ ಅವರ ಮೊಮ್ಮಗಳು ಪದ್ಮಾ ಅವರ ಕೈ ಹಿಡಿಯಲಿದ್ದಾರೆ ನಟ ಶರ್ವಾನಂದ್. ನಿಶ್ಚಿತಾರ್ಥವನ್ನು ಜನವರಿ 26 ಕ್ಕೆ ನಿಗದಿಪಡಿಸಲಾಗಿದೆ ಮತ್ತು ಈ ವರ್ಷದಲ್ಲಿಯೇ ಮದುವೆ ನಡೆಯಲಿದೆ ಎಂದು ವರದಿ ಆಗಿದೆ.
ಎರಡು ಕುಟುಂಬದವರ ಸಮ್ಮುಖದಲ್ಲಿ ಇದೇ ಜನವರಿ 26ರಂದು ಹೈದರಾಬಾದ್‌ನ ಪಾರ್ಕ್ ಹಯಾತ್‌ನಲ್ಲಿ ಶರ್ವಾನಂದ್ ಮತ್ತು ಪದ್ಮಾ ಎಂಗೇಜ್‌ಮೆಂಟ್ ನಡೆಯಲಿದೆ ಎಂದು ವರದಿ ಆಗಿದೆ. ಶರ್ವಾನಂದ್ ಅವರದ್ದು, ಅರೇಂಜ್ ಮ್ಯಾರೇಜ್ ಆಗಿದೆ. ಪದ್ಮಾ ಅವರು ಸಾಫ್ಟ್‌ವೇರ್ ಎಂಜಿನಿಯರ್ ಆಗಿದ್ದಾರೆ. ಬೊಜ್ಜಲ ಗೋಪಾಲ ಕೃಷ್ಣಾ ರೆಡ್ಡಿ ಅವರು ಟಿಡಿಪಿ ಸರ್ಕಾರದಲ್ಲಿ ಸಚಿವರಾಗಿ ಸೇವೆ ಸಲ್ಲಿಸಿದ್ದರು ಮತ್ತು ಶ್ರೀಕಾಳಹಸ್ತಿ ವಿಧಾನಸಭಾ ಕ್ಷೇತ್ರದಿಂದ ಐದು ಬಾರಿ ಶಾಸಕರಾಗಿದ್ದರು.
ಇದನ್ನೂ ಓದಿ | Actor Chiranjeevi | ಟಾಲಿವುಡ್‌ ಸ್ಟಾರ್‌ ಚಿರಂಜೀವಿ ಕಿರಿಯ ಮಗಳಿಗೆ ಮೂರನೇ ಮದುವೆ?
‘ಓಕೆ ಓಕಾ ಜೀವಿತಂ’ ಸಿನಿಮಾದಿಂದ ಹೆಸರು ಗಳಿಸಿದ್ದರೂ ಬಾಕ್ಸ್ ಆಫೀಸ್‌ನಲ್ಲಿ ಅಷ್ಟಾಗಿ ಕಲೆಕ್ಷನ್‌ ಮಾಡಿಲ್ಲ. ವಿಶಿಷ್ಟ ಕಥಾವಸ್ತು ಮತ್ತು ಆಸಕ್ತಿದಾಯಕ ಚಿತ್ರಕಥೆಗಾಗಿ ಸಿನಿರಸಿಕರಿಂದ ಮೆಚ್ಚುಗೆ ಪಡೆದಿದೆ. ಶರ್ವಾನಂದ್ ಅವರ ಭಾವನಾತ್ಮಕ ಅಭಿನಯಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದಿದೆ.
ಇದನ್ನೂ ಓದಿ | Neetha Ashok | ಎಂಗೇಜ್‌ ಆದ ʻವಿಕ್ರಾಂತ್‌ ರೋಣʼ ಖ್ಯಾತಿಯ ನಟಿ ನೀತಾ ಅಶೋಕ್‌