ಬೆಂಗಳೂರು : ಸಾಹಸಸಿಂಹ ಡಾ. ವಿಷ್ಣುವರ್ಧನ್ ಅವರ ಗೃಹಪ್ರವೇಶವು ಜಯನಗರದ ಅವರ ಹಳೆಯ ಮನೆ ಜಾಗದಲ್ಲೇ ಭಾನುವಾರ (ನವೆಂಬರ್‌ 27) ನೆರವೇರಿತ್ತು. ಗೃಹ ಪ್ರವೇಶ ಸಮಾರಂಭದಲ್ಲಿ ಅನೇಕ ಗಣ್ಯ ವ್ಯಕ್ತಿಗಳು ಸೇರಿದಂತೆ ಸಿನಿ ತಾರೆಯರು ಭಾಗಿಯಾಗಿದ್ದರು. ಈಗ ಹಿರಿಯ ನಟಿ ಭಾರತಿ ಕುಟುಂಬಕ್ಕೆ ಯಶ್ (Actor Yash ), ರಾಧಿಕಾ ಪಂಡಿತ್ ದಂಪತಿ, ಸುದೀಪ್ ಭೇಟಿ ನೀಡಿದ್ದಾರೆ. ಫೋಟೊವನ್ನು ಡಾ. ವಿಷ್ಣುವರ್ಧನ್ ಅವರ ಅಳಿಯ ಅನಿರುದ್ಧ ಇನ್‌ಸ್ಟಾದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.
ಈ ಮನೆಗೆ ‘ವಲ್ಮೀಕ’ ಎಂಬ ಹೆಸರು ಇಡಲಾಗಿದೆ. 1976ರಲ್ಲಿ ಡಾ. ವಿಷ್ಣುವರ್ಧನ್ ಅವರು ಜಯನಗರದಲ್ಲಿ ಜಾಗ ತೆಗೆದುಕೊಂಡು ಮನೆ ನಿರ್ಮಾಣ ಮಾಡಿದ್ದರು. ನಾಗರಹಾವು ಚಿತ್ರ ಸಕ್ಸೆಸ್‌ ನಂತರ ʻವಲ್ಮೀಕʼ ಎಂದು ಮನೆಗೆ ಹೆಸರಿಡಲಾಗಿತ್ತು. ʻವಲ್ಮೀಕʼ ಎಂದರೆ ಹುತ್ತ ಎನ್ನುವ ಅರ್ಥ ಇದೆ. ಹಳೆ ಮನೆಗೆ ವಿಷ್ಣುವರ್ಧನ್ ತಾಯಿ ʻಕಾಮಾಕ್ಷಮ್ಮʼ ಎಂದು ಹೆಸರಿಡಲಾಗಿತ್ತು.
ಇದನ್ನೂ ಓದಿ | Actor Vishnuvardhana | ಡಾ. ವಿಷ್ಣುವರ್ಧನ್ ನಿವಾಸದ ಗೃಹಪ್ರವೇಶ: ಕನಸಿನ ಮನೆಗೆ ಚೆಂದದ ಹೆಸರು, ವಿಡಿಯೊ ಇಲ್ಲಿದೆ!
ಈ ಮನೆಗೂ ʻವಲ್ಮೀಕʼ ಮತ್ತು ʻಕಾಮಾಕ್ಷಮ್ಮʼ ಎಂದು ಹೆಸರಿಡಲಾಗಿದೆ.ʻಕಂಚಿನಿಂದ ಮಾಡಿದ ಸಿಂಹದ ಮುಖವನ್ನು ಗೇಟ್‌ಗೆ ಅಳವಡಿಸಲಾಗಿದೆ. ಮನೆ ನಿರ್ಮಾಣ ಮಾಡಲು ಶುರುಮಾಡಿ ಅದಾಗಲೇ ಮೂರು ವರ್ಷ ಆಗಿತ್ತು. ಇನ್ನೂ ವಿಶೇಷ ಅಂದರೆ ಮನೆಯ ಮುಂದೆ ಕೃಷ್ಣನ ಮೂರ್ತಿ ಇದೆ. ಇದನ್ನು ಸ್ವತಃ ವಿಷ್ಣುವರ್ಧನ್ ಅವರೇ ಅಲ್ಲಿ ಸ್ಥಾಪನೆ ಮಾಡಿದ್ದರು.
ಇದನ್ನೂ ಓದಿ | Actor Yash | ಯಶ್ ರಾಜಾಹುಲಿಯ ಗರ್ಜನೆಯ ಪೋಸ್ಟ್ ವೈರಲ್!