ಬೆಂಗಳೂರು: ಯಶ್ (Actor Yash) ಹಾಗೂ ರಾಧಿಕಾ ಪಂಡಿತ್ ದಂಪತಿ ಒಂದಲ್ಲ ಒಂದು ವಿಚಾರಕ್ಕೆ ಸುದ್ದಿಯಾಗುತ್ತಲೇ ಇರುತ್ತಾರೆ. ಕೆಜಿಎಫ್‌- ಸಿನಿಮಾ ಬಳಿಕ ಯಶ್ ಅದೃಷ್ಟವೇ ಬದಲಾಗಿದೆ. ಈಗ ಯಶ್ ಮನೆಗೆ ಹೊಸ ಐಷಾರಾಮಿ ಕಾರು ಬಂದಿದೆ. ರೇಂಜ್ ರೋವರ್ (Range Rover) ಕಾರನ್ನು ‘ರಾಕಿಂಗ್ ಸ್ಟಾರ್’ ಯಶ್ ಖರೀದಿಸಿದ್ದಾರೆ. ಕಪ್ಪು ಬಣ್ಣದ ಕಾರಿನಲ್ಲಿ ಅವರು ಪತ್ನಿ ರಾಧಿಕಾ ಪಂಡಿತ್ ಜತೆ ಸುತ್ತಾಡಿದ್ದಾರೆ. ಇದೀಗ ಯಶ್ ಅವರ ಹೊಸ ಕಾರಿನ ಬೆಲೆಯ ಬಗ್ಗೆ ಅವರ ಫ್ಯಾನ್ಸ್‌ ಗೂಗಲ್‌ನಲ್ಲಿ ಸರ್ಚ್‌ ಮಾಡಲು ಶುರು ಮಾಡಿದ್ದಾರೆ.
ಯಶ್ ಅವರ ಮಕ್ಕಳಾದ ಯಥರ್ವ್ ಮತ್ತು ಐರಾ ಕೂಡ ಪೋಸ್ ನೀಡಿದ್ದಾರೆ. ಹೊಸ ಕಾರಿನಲ್ಲಿ ಸುತ್ತಾಡಿದ ವಿಡಿಯೊ ಸೋಷಿಶಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಹೊಸ ಕಾರು ಖರೀದಿಸಿರುವ ಯಶ್ಗೆ ಎಲ್ಲರೂ ಅಭಿನಂದನೆ ಈ ಹೊಸ ರೇಂಜ್ ರೋವರ್ ಕಾರಿನ ಬೆಲೆ ಬರೋಬ್ಬರಿ 4 ಕೋಟಿ ರೂ. ಅನೇಕ ಐಷಾರಾಮಿ ಸೌಲಭ್ಯಗಳು ಈ ಕಾರಿನಲ್ಲಿವೆ.
ಯಶ್ ಕನ್ನಡ ಚಿತ್ರರಂಗವನ್ನು ಪ್ಯಾನ್‌ ಇಂಡಿಯಾ ಮಟ್ಟಕ್ಕೆ ತೆಗೆದುಕೊಂಡು ಹೋಗಿರುವ ಯಶಸ್ವಿ ನಟ. ಕೆಜಿಎಫ್‌ 2 ಸಿನಿಮಾ ಆದನಂತರ ಅವರು ಮತ್ಯಾವ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎನ್ನುವುದು ಇದುವರೆಗೂ ತಿಳಿದುಬಂದಿಲ್ಲ. ಅವರ ಮುಂದಿನ ಸಿನಿಮಾಕ್ಕಾಗಿ ಅಭಿಮಾನಿಗಳು ತುದಿಗಾಲಿನಲ್ಲಿ ಕಾಯುತ್ತಿರುವುದಂತೂ ಸತ್ಯ. ಈ ಕುತೂಹಲದ ನಡುವೆಯೇ ಯಶ್ ಅವರು ಬಾಲಿವುಡ್‌ನ ರಣಬೀರ್‌ ಮತ್ತು ಆಲಿಯಾ ಭಟ್‌ ರಾಮ-ಸೀತೆಯಾಗಿ ನಟಿಸಲಿರುವ ರಾಮಾಯಣ ಸಿನಿಮಾದಲ್ಲಿ ರಾವಣನ ಪಾತ್ರದಲ್ಲಿ (Yash as Ravan) ನಟಿಸಲಿದ್ದಾರೆ ಎನ್ನುವ ಸುದ್ದಿಗಳು ಹರಿದಾಡಿವೆ.
ಇದನ್ನೂ ಓದಿ: Yash as Ravan : ರಾವಣನಾಗಿ ತೆರೆ ಮೇಲೆ ಬರ್ತಾರಾ ಯಶ್? ರಾಮನಾದ ರಣಬೀರ್‌ ಜತೆ ಕದನಕ್ಕೆ ಬೀಳ್ತಾರಾ?
New One #RangeRover 😍@TheNameIsYash #YashBOSS #Yash #Yash19 pic.twitter.com/Mf7tf4e2Wx
— Vijay MN (@NameIsVijayMN) June 15, 2023
ಇನ್ನೊಂದೆಡೆ ಯಶ್ “19ʼ ಸಿನಿಮಾದ ಬಗ್ಗೆಯೂ ಮಾತುಕತೆ ಜೋರಾಗಿಯೇ ನಡೆಯುತ್ತಿದೆ. ಆದರೆ ಈ ಸಿನಿಮಾದ ಬಗ್ಗೆ ಇನ್ನೂ ಅಧಿಕೃತ ಮಾಹಿತಿ ಹೊರಬಂದಿಲ್ಲ. ನಿರ್ದೇಶಕ ನರ್ತನ್‌ ಅವರು ಈ ಸಿನಿಮಾ ನಿರ್ದೇಶಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಸದ್ಯ ನರ್ತನ್‌ ಅವರು ಶಿವರಾಜ್‌ ಕುಮಾರ್‌ ಅವರೊಂದಿಗೆ ಸಿನಿಮಾವೊಂದರಲ್ಲಿ ಬಿಜಿ ಇದ್ದಾರೆ. “19ʼ ಸಿನಿಮಾದ ಸ್ಕ್ರಿಪ್ಟ್‌ ಕೂಡ ಅಂತಿಮ ಹಂತಕ್ಕೆ ತಲುಪಿದೆ ಎನ್ನಲಾಗುತ್ತಿತ್ತು. ಆದರೆ ಅದೇ ಕಥಾಹಂದರವಿರುವ ಮತ್ತೊಂದು ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಿರುವುದರಿಂದ ಸಿನಿಮಾ ಸ್ಕ್ರಿಪ್ಟ್‌ ಅನ್ನೇ ಬದಲಿಸಲಾಗುತ್ತಿದೆ ಎಂದೂ ಸುದ್ದಿಗಳಿವೆ.