ಮುಂಬಯಿ: ಬಾಲಿವುಡ್ ತಾರಾ ದಂಪತಿ ಅಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಮದುವೆಯಾಗಿ ಎರಡೇ ತಿಂಗಳಿಗೆ ತಾನು ಗರ್ಭಿಣಿ ಎಂದು ಹೇಳಿಕೊಂಡಿದ್ದ ಆಲಿಯಾ ಭಟ್ ಹೆರಿಗೆ ದಿನ ಸಮೀಪಿಸುತ್ತಿದೆ. ಕುಟುಂಬ ಮೂಲಗಳ ಪ್ರಕಾರ ಆಲಿಯಾ ಭಟ್ ಹೆರಿಗೆ ನವೆಂಬರ್ 20ರ ನಂತರ, ಡಿಸೆಂಬರ್ ಒಳಗೆ ಯಾವಾಗ ಬೇಕಾದರೂ ಆಗಬಹುದು ಎನ್ನಲಾಗಿದೆ. ಹಾಗೇ, ಎಚ್ಎನ್ ರಿಲಯನ್ಸ್ ಆಸ್ಪತ್ರೆಯಲ್ಲಿ ಅವರ ಡೆಲಿವರಿ ಆಗಲಿದೆ. ಅಂದಹಾಗೇ, ಇದೇ ಆಸ್ಪತ್ರೆಯಲ್ಲಿ ರಣಬೀರ್ ಕಪೂರ್ ತಂದೆ ರಿಷಿ ಕಪೂರ್ ಮೃತಪಟ್ಟಿದ್ದರು. ಈಗ ರಣಬೀರ್ ಕಪೂರ್ ಮೊದಲ ಮಗುವೂ ಇಲ್ಲೇ ಹುಟ್ಟಲಿದೆ..!
ತಮ್ಮ ಮೊದಲ ಮಗುವನ್ನು ಸ್ವಾಗತಿಸಲು ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಭರ್ಜರಿ ಸಿದ್ಧತೆ ಮಾಡಿಕೊಂಡಿದ್ದಾರೆ. ಬೇಬಿ ರೂಮ್ ಈಗಲೇ ಸಜ್ಜಾಗಿದೆ. ಆಲಿಯಾ ಗರ್ಭಿಣಿಯಾಗಿದ್ದರೂ ಕೆಲಸದಲ್ಲಿ ಸಕ್ರಿಯರಾಗಿದ್ದರು. ‘ಬ್ರಹ್ಮಾಸ್ತ್ರ’ ಸಿನಿಮಾದ ಪ್ರಮೋಶನ್ನಲ್ಲಿ ತೊಡಗಿಕೊಂಡಿದ್ದರು. ಈ ಮಧ್ಯೆ ಅವರ ಬೇಬಿ ಬಂಪ್ ಫೋಟೋಗಳೂ ಸಖತ್ ವೈರಲ್ ಆಗಿದ್ದವು. ಗರ್ಭಿಣಿ ಆಲಿಯಾ ತಮ್ಮ ಬಯಕೆಗಳನ್ನೆಲ್ಲ ಈಡೇರಿಸಿಕೊಂಡಿದ್ದರು. ಅಂದಹಾಗೇ, ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಇದೇ ವರ್ಷ ಏಪ್ರಿಲ್‌ 14ರಂದು ಮುಂಬಯಿಯ ಬಾಂದ್ರಾದಲ್ಲಿ ಅದ್ದೂರಿಯಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು.
ಇದನ್ನೂ ಓದಿ: Alia Bhatt | ಅಲಿಯಾ ಭಟ್ ಬೇಬಿ ಬಂಪ್ ಹೊಸ ಫೋಟೋಗಳು ವೈರಲ್!