ಬೆಂಗಳೂರು: ಟಾಲಿವುಡ್ ನಟಿ ಮುಂಬೈ ಮೂಲದ ಹೆಬ್ಬಾ ಪಟೇಲ್ (Actress Hebah Patel) ʻಅಧ್ಯಕ್ಷʼ ಸಿನಿಮಾ ಮೂಲಕ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದರು. ಅನೇಕ ಸಿನಿಮಾಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ʻದಿ ಗ್ರೇಟ್ ಇಂಡಿಯನ್ ಸೂಸೈಡ್ʼ ಹೆಬ್ಬಾ ಪಟೇಲ್ ನಟಿಸಿರುವ ಹೊಸ ಚಿತ್ರ. ಅಕ್ಟೋಬರ್ 6ರಂದು ಆಹಾ ಒಟಿಟಿಯಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ. ಇತ್ತೀಚೆಗಷ್ಟೇ ಟ್ರೈಲರ್‌ವನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಚಿತ್ರದ ಪ್ರಚಾರದ ಸಮಯದಲ್ಲಿ, ಸಂದರ್ಶಕರ ಪ್ರಶ್ನೆಯಿಂದ ನಟಿ ಏನನ್ನೂ ಮಾತನಾಡದೇ ಕೋಪಗೊಂಡು ಅಲ್ಲಿಂದ ಎದ್ದು ಹೋದರು. ಮೈಕ್ ಕಿತ್ತು ಬಿಸಾಕಿ ಹೆಬ್ಬಾ ಹೊರಟಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ. ಇದೀಗ ಈ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ತೆಲುಗು, ತಮಿಳು ಸಿನಿಮಾಗಳಲ್ಲೂ ನಟಿಸಿ ಗೆದ್ದರು. ‘ಕುಮಾರಿ 21F’ ಚಿತ್ರದಲ್ಲಿ ಕೊಂಚ ಬೋಲ್ಡ್ ಆಗಿಯೇ ನಟಿಸಿ ಸಿನಿರಸಿಕರ ಹುಬ್ಬೇರಿಸಿದ್ದರು. ಇದೀಗ ನಟಿ ಸಂದರ್ಶಕರೊಂದಿಗಿನ ಸಂವಾದದ ಸಮಯದಲ್ಲಿ ಗರಂ ಆಗಿದ್ದಾರೆ. ಸಂದರ್ಶಕ ಕೇಳಿದ ಪ್ರಶ್ನೆಯನ್ನು ಹಲವಾರು ಬಾರಿ ಕೇಳುವ ಮೂಲಕ ಅವರನ್ನು ಕೆರಳಿಸುವಂತೆ ಮಾಡಿದ್ದಾರೆ. ಸಂದರ್ಶದ ಆರಂಭದಲ್ಲೇ ನಿರೂಪಕ ಕೇಳಿದ ಪ್ರಶ್ನೆಗೆ ಆಕೆ ಬೇಸರಗೊಂಡಿದ್ದಾರೆ. ಯಾಕೆ ಹೀಗೆ ಕೇಳ್ತಿದ್ದೀರಾ? ಏನಾಯ್ತು? ಎಂದು ಮತ್ತೆ ಮತ್ತೆ ಅದೇ ಪ್ರಶ್ನೆಗಳನ್ನು ನಿರೂಪಕ ಕೇಳಿದ್ದು ನಟಿ ತಾಳ್ಮೆ ಕಳೆದುಕೊಂಡರು. ನೀವು ಹೇಳಿದ್ದು ನನಗೆ ಅರ್ಥವಾಗಲಿಲ್ಲ ಎಂದು ಹೆಬ್ಬಾ ಪಟೇಲ್ ಬೇಸರದಿಂದ ಹೇಳಿದ್ದಾರೆ. ಅರ್ಥವಾಗುತ್ತಿಲ್ಲ ಎಂದು ಹೇಳಿದರೂ ನಿರೂಪಕ ಮತ್ತೆ ಮತ್ತೆ ಮೂಡ್ ಚೆನ್ನಾಗಿದ್ಯಾ? ಎಲ್ಲಾ ಓಕೆನಾ? ಎಂದು ಕೇಳುತ್ತಲೇ ಇದ್ದರು. ಇದರಿಂದ ನಟಿ ಬೇಸರಗೊಂಡು ನಾನು ಈ ಸಂದರ್ಶನದಲ್ಲಿ ಮಾತನಾಡುವುದಿಲ್ಲʼʼ ಎಂದು ಎದ್ದು ಹೋದರು.
ಇದನ್ನೂ ಓದಿ: Actor Prabhas: ಟಾಲಿವುಡ್ ನಟ ಪ್ರಭಾಸ್‌ ಫೇಸ್‌ಬುಕ್‌ ಅಕೌಂಟ್ ಹ್ಯಾಕ್‌!
ವೈರಲ್‌ ವಿಡಿಯೊ
🤣🤣🤣 ~ #HebahPatel pic.twitter.com/Hn8mEY8N22
— Anchor_Karthik (@Karthikk_7) October 3, 2023
ದಿ ಗ್ರೇಟ್ ಇಂಡಿಯನ್ ಸೂಸೈಡ್ ಚಿತ್ರದಲ್ಲಿ ನರೇಶ್ ಅವರು ಹೆಬ್ಬಾ ಪಟೇಲ್ ಅವರ ಚಿಕ್ಕಪ್ಪ. ಬಳ್ಳಾರಿ ನೀಲಕಂಠಮ್ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಚಿತ್ರವು ನೈಜ ಘಟನೆಗಳನ್ನು ಆಧರಿಸಿದೆ. ಚಿತ್ರದಲ್ಲಿ ರಾಮ್ ಕಾರ್ತಿಕ್, ಪವಿತ್ರಾ ಲೋಕೇಶ್ ಮತ್ತು ಜಯಪ್ರಕಾಶ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ವಿಪ್ಲೋವ್ ಕೋನೇಟಿ ಬರೆದು, ನಿರ್ದೇಶಿಸಿ, ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಶ್ರೀ ಚರಣ್ ಪಾಕಳ ಸಂಗೀತ ಸಂಯೋಜಿಸಿದ್ದಾರೆ.
‘ಕುಮಾರ್ 21F’ ಬಳಿಕ’ ಯಾವುದೇ ಸಿನಿಮಾಗಳಲ್ಲಿ ಯಶಸ್ಸು ಕಂಡಿಲ್ಲ. ಕಳೆದ ವರ್ಷ ‘ಒಡೆಲಾ ರೈಲ್ವೆ ಸ್ಟೇಷನ್’ ಮೂಲಕ ಒಟಿಟಿ ವೀಕ್ಷಕರನ್ನು ರಂಜಿಸಿದ್ದರು.