ಮುಂಬೈ: ಹಿಂದಿ ಕಿರುತೆರೆಯ ನಟಿಯರು ಬಾಲಿವುಡ್ ನಟಿಯರಿಗಿಂತ ಕಡಿಮೆಯೇನಿಲ್ಲ. ಅದೇ ಸಾಲಿನಲ್ಲಿ ಬರುವವರು ಹೀನಾ ಖಾನ್(Actress Hina Khan). ಬಿಗ್ ಬಾಸ್‌ನಲ್ಲಿ ಮಿಂಚಿರುವ ಈ ಹೀನಾ ಖಾನ್ ಅವರಿಗೆ ಈಗ ನೆಟ್ಟಿಗರು ಕ್ಲಾಸ್ ತೆಗೆದುಕೊಳ್ಳಲಾರಂಭಿಸಿದ್ದಾರೆ.
ಇದನ್ನೂ ಓದಿ: Viral Video: ಸೀರೆಯುಟ್ಟು ಹಗ್ಗದ ಮೇಲೆ ಸೈಕ್ಲಿಂಗ್ ಮಾಡಿದ 67ವಯಸ್ಸಿನ ಮಹಿಳೆಯ ಸ್ಟೈಲ್ ನೋಡಿ!
ಹೀನಾ ಇತ್ತೀಚೆಗೆ ಮಾಲ್ಡೀವ್ಸ್ ಪ್ರವಾಸ ಮಾಡಿ ಬಂದಿದ್ದಾರೆ. ಅಲ್ಲಿನ ಫೋಟೋಗಳನ್ನು ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಅದರಲ್ಲಿ ನಟಿ ಬಣ್ಣ ಬಣ್ಣದ ಸರ್ಫಿಂಗ್ ಬಟ್ಟೆ ತೊಟ್ಟು ಸರ್ಫಿಂಗ್ ಬೋರ್ಡ್ ಹಿಡಿದಿರುವ ಫೋಟೋಗಳೂ ಇವೆ. ಈ ಫೋಟೋಗಳು ನೆಟ್ಟಿಗರ ಕೆಂಗಣ್ಣಿಗೆ ಬಿದ್ದಿದೆ. “ನಿಜಕ್ಕೂ ಸರ್ಫಿಂಗ್ ಬರುತ್ತದೆಯೋ ಅಥವಾ ಸುಮ್ಮನೆ ಫೋಟೋಕ್ಕೆ ಫೋಸ್ ಕೊಟ್ಟಿದ್ದೀರಾ?” ಎಂದು ಕೆಲವರು ಪ್ರಶ್ನೆ ಕೇಳಲಾರಂಭಿಸಿದ್ದಾರೆ.
ಇನ್ನು ಕೆಲವರು ನಟಿ ಈ ರೀತಿಯ ಬಟ್ಟೆ ತೊಟ್ಟಿರುವುದೇ ತಪ್ಪು ಎಂದು ಹೇಳಲಾರಂಭಿಸಿದ್ದಾರೆ. “ನೀವು ಮುಸ್ಲಿಂ ಆಗಿದ್ದೀರ, ಹಾಗಾಗಿ ಈ ರೀತಿಯ ಬಟ್ಟೆ ತೊಡಬಾರದು”, “ನಿಮಗೆ ಪೂರ್ತಿ ಬಟ್ಟೆ ತೊಡಲು ಏನು ತೊಂದರೆ, ತಂದೆ ತೀರಿಕೊಂಡ ನಂತರ ಈ ರೀತಿಯ ಬಟ್ಟೆ ಹಾಕಲಾರಂಭಿಸಿದ್ದೀರಿ”, “ಮುಸ್ಲಿಂ ಆಗಿ ಈ ರೀತಿಯ ಬಟ್ಟೆ ತೊಟ್ಟಿದ್ದೀರಲ್ಲ, ಸತ್ತ ಮೇಲೆ ನಿಮ್ಮ ಪರಿಸ್ಥಿತಿ ಏನಾಗುತ್ತದೆ?” ಎನ್ನುವಂತಹ ಹಲವಾರು ಕಾಮೆಂಟ್‌ಗಳನ್ನು ಇಲ್ಲಿ ಕಾಣಬಹುದಾಗಿದೆ.
ಇದಾವುದೇ ಕಾಮೆಂಟ್‌ಗಳಿಗೆ ತಲೆ ಕೆಡಿಸಿಕೊಳ್ಳದ ನಟಿ ಹಲವಾರು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.