ಬೆಂಗಳೂರು: ಮನಿಲ್ಯಾಂಡರಿಂಗ್ ಪ್ರಕರಣದಲ್ಲಿ (Money Laundering) ಇಡಿ ಅಧಿಕಾರಿಗಳು ಬಹುಭಾಷಾ ನಟಿ ನವ್ಯಾ ನಾಯರ್ (Navya Nair) ವಿಚಾರಣೆ ನಡೆಸಿದ್ದಾರೆ. ಕೇರಳದಲ್ಲಿ ಮನಿಲ್ಯಾಂಡರಿಂಗ್ ಪ್ರಕರಣ ಸಂಬಂಧ (ED chargesheet) ಐಆರ್‌ಎಸ್ ಅಧಿಕಾರಿ ಸಚಿನ್ ಸಾವಂತ್ (IRS Officer Sachin Sawant) ಬಂಧನವಾಗಿದೆ. ಸಚಿನ್ ಸಾವಂತ್ ಹಾಗೂ ನಟಿ ನವ್ಯಾ ನಾಯರ್‌ಗೆ ಒಡನಾಟ ಇತ್ತು ಎಂದು ಇಡಿ ಅಧಿಕಾರಿಗಳು ಕಂಡು ಹಿಡಿದಿದ್ದಾರೆ. ಆದರೆ ನಟಿ ಮಾತ್ರ ತಮ್ಮಿಬ್ಬರ ಮಧ್ಯೆ (Gaja actress Navya Nair) ಸ್ನೇಹ ಮಾತ್ರವಿತ್ತು ಎಂದು ಹೇಳಿಕೆ ನೀಡಿದ್ದಾರೆ.
ಮೂಲಗಳ ಪ್ರಕಾರ, ಸಿಬಿಐ ಎಫ್‌ಐಆರ್ ಆಧರಿಸಿ ಸಚಿನ್ ಸಾವಂತ್ ಮನಿ ಲಾಂಡರಿಂಗ್ ಪ್ರಕರಣದ ತನಿಖೆಯ ಸಮಯದಲ್ಲಿ, ತನಿಖಾ ಸಂಸ್ಥೆಯು ಐಆರ್‌ಎಸ್ ಅಧಿಕಾರಿ ಸಚಿನ್ ಸಾವಂತ್ ಅವರಿಂದ ಮೊಬೈಲ್ ಡೇಟಾ, ಚಾಟ್‌ಗಳು ಮತ್ತು ಹೇಳಿಕೆಗಳನ್ನು ಸಂಗ್ರಹಿಸುವ ಮೂಲಕ ನಟಿ ನವ್ಯಾ ನಾಯರ್ ಭಾಗಿಯಾಗಿರುವುದನ್ನು ಪತ್ತೆ ಮಾಡಿದೆ. ಐಆರ್‌ಎಸ್ ಅಧಿಕಾರಿ ಸಚಿನ್ ಸಾವಂತ್ ಮತ್ತು ನವ್ಯಾ ನಾಯರ್ ತುಂಬಾ ಆತ್ಮೀಯರಾಗಿದ್ದರು ಎಂದು ಇಡಿ ಅಧಿಕಾರಿಗಳು ಕಂಡುಕೊಂಡಿದ್ದಾರೆ. ನಾಯರ್ ಅವರನ್ನು ಭೇಟಿಯಾಗಲು ಸಾವಂತ್ 8-10 ಬಾರಿ ಕೊಚ್ಚಿನ್‌ಗೆ ತೆರಳಿದ್ದರು ಎಂದು ವರದಿಯಾಗಿದೆ. ಆದರೆ, ಇಡಿ ಅವರನ್ನು ಪ್ರಶ್ನಿಸಿದಾಗ, ನವ್ಯಾ ನಾಯರ್ ನಮ್ಮಿಬ್ಬರ ಮಧ್ಯೆ ಯಾವುದೇ ಸಂಬಂಧವಿಲ್ಲ. ಕೇವಲ ಸ್ನೇಹಿತರು ಎಂದು ಹೇಳಿದ್ದಾರೆ.
ಇಡಿ ತನಿಖೆಯಲ್ಲಿ ಸಾವಂತ್ ನಾಯರ್ ನಟಿಗೆ ಆಭರಣ ಸೇರಿದಂತೆ ಕೆಲವು ಉಡುಗೊರೆಗಳನ್ನು ನೀಡಿದ್ದರು ಎಂದು ತಿಳಿದುಬಂದಿದೆ. ಕೆಲವು ಆಭರಣಗಳನ್ನು ಆರೋಪಿ ಐಆರ್‌ಎಸ್ ಅಧಿಕಾರಿ ಸಚಿನ್ ಸಾವಂತ್ ಖರೀದಿಸಿದ್ದಾರೆ ಎಂದು ಸಂಸ್ಥೆ ಪತ್ತೆ ಮಾಡಿದೆ. ನಂತರ ತನಿಖೆಯಲ್ಲಿ ಸಚಿನ್ ಸಾವಂತ್ ಅವರು ಮಲಯಾಳಂ ನಟಿ ನವ್ಯಾ ನಾಯರ್ ಗೆ ಆಭರಣ ಸೇರಿದಂತೆ ಕೆಲವು ಉಡುಗೊರೆಗಳನ್ನು ನೀಡಿರುವುದು ಬೆಳಕಿಗೆ ಬಂದಿದೆ. ತನ್ನ ಹೇಳಿಕೆಯ ಸಮಯದಲ್ಲಿ, ಸಚಿನ್ ತನ್ನ ಸ್ನೇಹದ ಸೂಚಕವಾಗಿ ಕೆಲವು ಆಭರಣಗಳನ್ನು ಉಡುಗೊರೆಯಾಗಿ ನೀಡಿದ್ದಾನೆ ಎಂದು ನಾಯರ್ ಉಲ್ಲೇಖಿಸಿದ್ದಾರೆ. ವಿಶೇಷ ನ್ಯಾಯಾಲಯಕ್ಕೆ ಸಲ್ಲಿಸಿರುವ ಆರೋಪಪಟ್ಟಿಯಲ್ಲಿ ನವ್ಯಾ ನಾಯರ್ ಹೇಳಿಕೆಯನ್ನು ಇಡಿ ಲಗತ್ತಿಸಿದೆ. ಮನಿ ಲಾಂಡರಿಂಗ್ ಪ್ರಕರಣದಲ್ಲಿ ನಾಯರ್ ಅವರಲ್ಲದೆ, ಸಾವಂತ್ ಅವರ ಇನ್ನೊಬ್ಬ ಮಹಿಳಾ ಸ್ನೇಹಿತೆಯ ಹೇಳಿಕೆಗಳನ್ನು ಸಹ ದಾಖಲಿಸಲಾಗಿದೆ.
ಇದನ್ನೂ ಓದಿ: National Herald Case: ದೆಹಲಿಯಲ್ಲಿ ನ್ಯಾಷನಲ್ ಹೆರಾಲ್ಡ್ ಕಚೇರಿ ಸೀಲ್ ಮಾಡಿದ ಇಡಿ ಅಧಿಕಾರಿಗಳು
ಸಚಿನ್ ಈ ಹಿಂದೆ ಇಡಿ ಮುಂಬೈ ವಲಯ ಕಚೇರಿಯ ಉಪ ನಿರ್ದೇಶಕರಾಗಿ ನೇಮಕಗೊಂಡಿದ್ದರು. ಸಿಬಿಐ ಆತನ ಭ್ರಷ್ಟಾಚಾರ, ಆದಾಯಕ್ಕೂ ಮೀರಿದ ಆಸ್ತಿ ಹೊಂದಿದ್ದ ಆರೋಪದಲ್ಲಿ ಕೇಸು ದಾಖಲಿಸಿತ್ತು. ಸದ್ಯ ಕಸ್ಟಮ್ಸ್, ಜಿಎಸ್‌ಟಿ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿದ್ದರು. ಆದರೆ ಆತ ಮನಿಲ್ಯಾಂಡರಿಂಗ್ ವ್ಯವಹಾರ ನಡೆಸಿದ್ದರು ಎಂದು ದಾಖಲೆ ಸಿಕ್ಕಿದ ಹಿನ್ನೆಲೆ ಸಿಬಿಐ ಅಧಿಕಾರಿಗಳು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.
ನವ್ಯಾ ನಾಯರ್ ಅವರು ಮಲಯಾಳಂ ಚಿತ್ರರಂಗದಲ್ಲಿ ಪ್ರಧಾನವಾಗಿ ಕಾಣಿಸಿಕೊಂಡ ಭಾರತೀಯ ನಟಿ. ‘ಗಜ’ ಬಳಿಕ ಸಾಹಸಸಿಂಹ ವಿಷ್ಣುವರ್ಧನ್ ಜೊತೆ ‘ನಮ್‌ ಯಜಮಾನ್ರು’ ಸಿನಿಮಾದಲ್ಲಿ ನವ್ಯಾ ನಾಯರ್ ಬಣ್ಣ ಹಚ್ಚಿದ್ದರು. ‘ಭಾಗ್ಯದ ಬಳೆಗಾರ’, ‘ಬಾಸ್’, ‘ದೃಶ್ಯ’ ಹಾಗೂ ‘ದೃಶ್ಯ- 2’ ಸಿನಿಮಾಗಳಲ್ಲಿ ನವ್ಯಾ ನಟಿಸಿ ಪ್ರೇಕ್ಷಕರ ಮನಗೆದ್ದಿದ್ದಾರೆ. 13 ವರ್ಷಗಳ ಹಿಂದೆ ಸಂತೋಷ್ ಮೆನನ್ ಎಂದುವವರ ಕೈ ಹಿಡಿದರು. ದಂಪತಿಗೆ ಸಾಯಿ ಕೃಷ್ಣ ಎನ್ನುವ ಮಗನೂ ಇದ್ದಾನೆ. ಹಾಗೆಯೇ ಕನ್ನಡ ಮತ್ತು ತಮಿಳು ಭಾಷೆಯ ಚಲನಚಿತ್ರಗಳಲ್ಲಿ ನಟಿಸಿದ್ದರು. ಅತ್ಯುತ್ತಮ ನಟಿಗಾಗಿ ಎರಡು ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳನ್ನು ಪಡೆದಿದ್ದಾರೆ, ಅತ್ಯುತ್ತಮ ನಟಿಗಾಗಿ ಫಿಲ್ಮ್‌ಫೇರ್ ಪ್ರಶಸ್ತಿ – ಮಲಯಾಳಂ, ಮತ್ತು ತಮಿಳು ಚಿತ್ರರಂಗಕ್ಕೆ ಅವರ ಕೊಡುಗೆಗಾಗಿ ಕಲೈಮಾಮಣಿ ಪ್ರಶಸ್ತಿ ಬಂದಿದೆ.