ಮೈಸೂರು: ನಟಿ ರಂಜಿನಿ ರಾಘವನ್ (Ranjani Raghavan) ಧಾರಾವಾಹಿ, ಸಿನಿಮಾದಲ್ಲಿ ಮಾತ್ರವಲ್ಲ, ಸೋಷಿಯಲ್‌ ಮೀಡಿಯಾದಲ್ಲೂ ಸಖತ್‌ ಫೇಮಸ್‌. ಹೊಸ ಹೊಸ ರೀತಿಯಲ್ಲಿ ಫೋಟೋ ಶೂಟ್‌ ಮಾಡಿಸಿಕೊಳ್ಳುವುದು, ವಿಡಿಯೊ ಅಪ್ಲೋಡ್‌ ಮಾಡುವುದು ಅವರಿಗೆ ಭಾರಿ ಆಸಕ್ತಿ. ಈಗ ಅವರು ಉಟ್ಟ ವಿಶೇಷ ರೀತಿಯ ಸೀರೆಯಿಂದಾಗಿ ಸಖತ್‌ ಟ್ರೆಂಡಲ್ಲಿದ್ದಾರೆ.
ಇತ್ತೀಚೆಗೆ ರಂಜನಿ ರಾಘವನ್ ಅವರು ʻಮೈಸೂರು ಸಾಹಿತ್ಯ ಸಂಭ್ರಮʼದಲ್ಲಿ ಭಾಗಿ ಆಗಿದ್ದರು. ಈ ಸಂದರ್ಭದಲ್ಲಿ ಅವರು ವಿಶೇಷ ಸೀರೆಯಿಂದ ಎಲ್ಲರ ಗಮನ ಸೆಳೆದಿದ್ದಾರೆ. ಅವರು ಗೂಗಲ್‌ ಎಂದು ಬರೆದಿರುವ ಸೀರೆಯನ್ನು ಧರಿಸಿದ್ದರು. ಅದರಲ್ಲಿ ಗೂಗಲ್‌ನಲ್ಲಿರುವಂತೆ ಕೆಲವು ಬರಹಗಳು ವೆ. ಈ ರೀತಿಯ ಹೊಸ ಡಿಸೈನ್‌ ಅವರ ಅಭಿಮಾನಿಗಳಿಗೆ ಸಖತ್‌ ಖುಷಿಯಾಗಿದೆ. ಹಲವರು ವಿಭಿನ್ನ ಕಮೆಂಟ್‌ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹೆಣ್ಣು ಮಕ್ಕಳ ಮನಸ್ಸು ಅರ್ಥ ಆಗಲ್ಲ ಎನ್ನೋರು Google Me ಎಂದು ಕ್ಯಾಪ್ಷನ್‌ ನೀಡಿದ್ದಾರೆ.
ಇದನ್ನೂ ಓದಿ | Buddies : ಕಿರುತೆರೆ ನಟ ಕಿರಣ್‌ರಾಜ್ ಈಗ ಸ್ಯಾಂಡಲ್‌ವುಡ್‌ಗೆ
ನೆಟ್ಟಿಗರು ಕಮೆಂಟ್‌ ಮೂಲಕ, ʻಕನ್ನಡತಿಯನ್ನು ಅರ್ಥ ಮಾಡಿಕೊಳ್ಳುವುದಕ್ಕೆ ಯಾವ ಗೂಗಲ್‌ ಬಳಸೋಣʼ? ಎಂದು ಪ್ರಶ್ನೆ ಮಾಡಿದ್ದು, ಇನ್ನೂ ಕೆಲವರು ʻಕನ್ನಡತಿಯ ಸೀರೆಯಲ್ಲಿ ಕನ್ನಡ ಮಾಯʼ ಎಂದೂ ಹೇಳಿದ್ದಾರೆ.
ಕನ್ನಡತಿ ಧಾರಾವಾಹಿಯ ಮೂಲಕ ಮನೆ ಮಾತಾದವರು ರಂಜಿನಿ ರಾಘವನ್. ನಿಜ ಜೀವನದಲ್ಲೂ ಕಥೆಗಾರ್ತಿ ಆಗಿರುವ ಇವರು ಕನ್ನಡ ಮೇಲೆ ಅಪಾರ ಅಭಿಮಾನವಿದೆ. ಅವರು ಸ್ವತಃ ಒಂದು ಕಥಾ ಸಂಕಲವನ್ನು ಹೊರ ತಂದಿದ್ದರು. ಅದುವೇ ʻಕಥೆ ಡಬ್ಬಿʼ ಪುಸ್ತಕ. ಬೆಳ್ಳಿತೆರೆಯ ಮೇಲೂ ಕಾಣಿಸಿಕೊಂಡ ಇವರು ನಟ ದಿಗಂತ್‌ ಅಭಿನಯದ ʻಕ್ಷಮಿಸಿ ನಿಮ್ಮ ಖಾತೆಯಲ್ಲಿ ಹಣವಿಲ್ಲʼ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ.
ಇದನ್ನೂ ಓದಿ | Rocking Star Yash | ರಾಕಿ ಬಾಯ್‌ ಯಶ್‌ ಬೆಳ್ಳಿತೆರೆಗೆ ಎಂಟ್ರಿ ಕೊಟ್ಟು ಇಂದಿಗೆ 14 ವರ್ಷ!