ಬೆಂಗಳೂರು : ನಟಿ ಸಮಂತಾ ನಟನೆಯ (Actress Samantha) ʻಯಶೋದಾʼ ಸಿನಿಮಾ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ʻಮೈಯೋಸಿಟಿಸ್ʼ ಕಾಯಿಲೆಯಿಂದ ಬಳಲುತ್ತಿರುವ ನಟಿ ಸಮಂತಾ ಇದೀಗ ಜಿಮ್ ಕೋಚ್ ಜತೆಗಿರುವ ಫೋಟೊ ಒಂದನ್ನು ಹಂಚಿಕೊಂಡಿದ್ದಾರೆ. ಅನಾರೋಗ್ಯದ ನಡುವೆಯೂ ನಟಿ ಸಮಂತಾ ಅವರು ʻಯಶೋದಾʼ ಪಾತ್ರದಲ್ಲಿ ಮಿಂಚಿದ್ದಾರೆ. ಇಷ್ಟು ದಿನ ಸಮಂತಾ ಕೋಚ್ ಹೇಳಿದಂತೆ ಡಯಟ್ ಪ್ಲ್ಯಾನ್‌ ಮಾಡಿದ್ದರು. ಈ ಬಾರಿ ಕೋಚ್ ಜಿಲೇಬಿಯನ್ನು ಸಮಂತಾ ಅವರಿಗೆ ನೀಡಿದ್ದಾರೆ. ಈ ಖುಷಿಯನ್ನು ಸೋಷಿಯಲ್‌ ಮೀಡಿಯಾ ಮೂಲಕ ನಟಿ ಹಂಚಿಕೊಂಡಿದ್ದಾರೆ.
ಸಮಂತಾ ವರ್ಕೌಟ್ ಮಾಡಿ ತೂಕ ಇಳಿಸಿದ್ದಾರೆ. “ನಾನು ನನ್ನಿಷ್ಟದ ಜಿಲೇಬಿ ತಿನ್ನಲು ಅರ್ಹಳಾಗಲು ಸಾಕಷ್ಟು ಕಷ್ಟಪಟ್ಟಿದ್ದೇನೆ. ‘ಯಶೋದಾ’ ಚಿತ್ರದ ಸಕ್ಸೆಸ್‌ ಅದರಲ್ಲೂ ಆಕ್ಷನ್ ಸೀಕ್ವೆನ್ಸ್ ನೋಡಿ ನನ್ನ ಕೋಚ್ ನನಗೆ ಜಿಲೇಬಿ ತಂದುಕೊಟ್ಟಿದ್ದಾರೆ” ಎಂದು ಸಮಂತಾ ಇನ್‌ಸ್ಟಾದಲ್ಲಿ ಬರೆದುಕೊಂಡಿದ್ದಾರೆ. ಜತೆಗೆ ತಾವು ವರ್ಕೌಟ್ ಮಾಡುತ್ತಿರುವ ವಿಡಿಯೊ ಹಾಗೂ ದಿನದಿಂದ ದಿನಕ್ಕೆ ಎಷ್ಟು ತೂಕ ಇಳಿಸಿದ್ದೇನೆ ಎನ್ನುವುದರ ಫೋಟೊ ಶೇರ್ ಮಾಡಿದ್ದಾರೆ. “ಕಳೆದ ಕೆಲ ದಿನಗಳಿಂದ ಇವೆಲ್ಲವನ್ನು ನೋಡಿದ ಕೆಲ ವ್ಯಕ್ತಿಗಳಲ್ಲಿ ನೀವು (ಕೋಚ್ ಜುನೈದ್ ಶೇಖ್) ಕೂಡ ಒಬ್ಬರು. ಎಂದು ಕೋಚ್ ಜುನೈದ್ ಶೇಖ್ ಅವರಿಗೆ ಸಮಂತಾ ಧನ್ಯವಾದ ತಿಳಿಸಿದ್ದಾರೆ.
ಇದನ್ನೂ ಓದಿ | Actress Samantha | ಡಿವೋರ್ಸ್ ನಂತರವೂ ಮತ್ತೆ ತೆರೆ ಮೇಲೆ ಒಂದಾಗುತ್ತಿದ್ದಾರಂತೆ ಸಮಂತಾ-ನಾಗಚೈತನ್ಯ!
ನಟಿ ಸಮಂತಾ ಆಗಾಗ ಫಿಟ್‌ನೆಸ್‌ ಕುರಿತಾದ ವಿಡಿಯೊ ಶೇರ್ ಮಾಡುತ್ತಲೇ ಇರುತ್ತಾರೆ. ಈ ಬಾರಿ ಅವರ ಅಭಿಮಾಗಳು ವಿಶ್ರಾಂತಿ ತೆಗೆದುಕೊಳ್ಳಿ ಎಂದು ಕಮೆಂಟ್‌ ಮೂಲಕ ವ್ಯಕ್ತಪಡಿಸಿದ್ದಾರೆ. ʻಯಶೋದಾʼ ಸಿನಿಮಾ ಕೂಡ ಪ್ಯಾನ್‌ ಇಂಡಿಯಾ ಲೆವೆಲ್‌ಗೆ ಬಿಡುಗಡೆಗೊಂಡಿದ್ದು, ಮೊದಲ ದಿನವೇ 3.5 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ವಿದೇಶದಲ್ಲಿಯೂ ಸಿನಿಮಾ ಉತ್ತಮ ಪ್ರದರ್ಶನ ಕಂಡಿದೆ.
ಇದನ್ನೂ ಓದಿ | Samantha | ಸಮಂತಾ ಆರೋಗ್ಯ ವಿಚಾರಿಸಲು ಭೇಟಿ ಆಗಲಿದ್ದಾರಾ ಮಾಜಿ ಪತಿ ನಾಗಚೈತನ್ಯ?