ಹೈದರಾಬಾದ್‌: ಸಿಟಾಡೆಲ್‌ನ ಭಾರತೀಯ ರೂಪಾಂತರದ ಸರಣಿಯ ಚಿತ್ರೀಕರಣದಲ್ಲಿ ಬಿಜಿ ಇರುವ ನಟಿ ಸಮಂತಾ (Actress Samantha) ಇತ್ತೀಚೆಗೆ ಮಯೋಸಿಟಿಸ್‌ ಹೆಸರಿನ ಅಪರೂಪದ ಕಾಯಿಲೆಯಿಂದ ಚೇತರಿಸಿಕೊಂಡಿದ್ದಾರೆ. ಇದೀಗ ಅವರು ಚಿತ್ರೀಕರಣದ ಸೆಟ್‌ನಲ್ಲಿ ಸಾಹಸ ಮಾಡುವ ವೇಳೆ ಗಾಯಗೊಂಡಿದ್ದಾರೆ.
ಇದನ್ನೂ ಓದಿ: Samantha: ಸಮಂತಾ-ನಾಗಚೈತನ್ಯ ಒಟ್ಟಿಗೆ ನಟಿಸಿದ ಸಿನಿಮಾಗೆ 13 ವರ್ಷ: ಚೈ ಪೋಸ್ಟ್‌ ಮಾಡಿದ್ದೇನು?
ಹೌದು. ಸಿಟಾಡೆಲ್‌ ಸೀರಿಸ್‌ನಲ್ಲಿ ಸಮಂತಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಅದರಲ್ಲಿ ಅನೇಕ ಸಾಹಸಮಯ ದೃಶ್ಯಗಳನ್ನು ಮಾಡಲಿದ್ದಾರೆ. ಅದರ ಚಿತ್ರೀಕರಣದ ವೇಳೆ ಅವರ ಕೈಗಳಿಗೆ ಗಾಯಗಳಾಗಿವೆ. ಗಾಯಗಳ ಫೋಟೋಗಳನ್ನು ನಟಿ ಇನ್‌ಸ್ಟಾಗ್ರಾಂ ಸ್ಟೋರಿಯಾಗಿ ಹಂಚಿಕೊಂಡಿದ್ದಾರೆ. ನಮ್ಮ ಕೆಲಸದ ಪ್ರತಿಫಲಗಳಿವು ಎಂದು ಅವರು ಬರೆದುಕೊಂಡಿದ್ದಾರೆ.
ಮಯೋಸಿಟಿಸ್‌ ಗೆದ್ದು ಬಂದಿರುವ ನಟಿ ಇತ್ತೀಚೆಗೆ ಜಿಮ್‌ನಲ್ಲೇ ಹೆಚ್ಚಾಗಿ ಕಾಲ ಕಳೆಯುತ್ತಿದ್ದಾರೆ. ಜಿಮ್‌ನಲ್ಲಿ ವರ್ಕ್‌ ಔಟ್‌ ಮಾಡುವ ಫೋಟೋ ಮತ್ತು ವಿಡಿಯೊಗಳನ್ನೇ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: Samantha Ruth Prabhu: ವೀಕೆಂಡ್‌ನಲ್ಲಿ ಕುದುರೆ ಸವಾರಿ ಆನಂದಿಸುತ್ತಿರುವ ಫೋಟೊ ಹಂಚಿಕೊಂಡ ನಟಿ ಸಮಂತಾ
ರಾಜ್‌ ಮತ್ತು ಡಿಕೆ ನಿರ್ದೇಶನದ ಸಿಟಾಡೆಲ್‌ ಮೂಲತಃ ಹಾಲಿವುಡ್‌ನ ರುಸ್ಸೋ ಬ್ರದರ್ಸ್‌ ರಚಿಸಿರುವ ಅಂತಾರಾಷ್ಟ್ರೀಯ ಸರಣಿಯ ಭಾರತೀಯ ರೂಪಾಂತರವಾಗಿದೆ. ಇದರಲ್ಲಿ ಸಮಂತಾ ಜತೆ ಬಾಲಿವುಡ್‌ನ ವರುಣ್‌ ಧವನ್‌, ಪ್ರಿಯಾಂಕಾ ಚೋಪ್ರಾ, ರಿಚರ್ಡ್‌ ಮ್ಯಾಡೆನ್‌ ಕಾಣಿಸಿಕೊಳ್ಳಲಿದ್ದಾರೆ.