ಮುಂಬೈ: ಬಾಲಿವುಡ್‌ನ ಪ್ರಸಿದ್ಧ ನಟಿ ಶ್ರೀದೇವಿ (Actress Sridevi) ನಮ್ಮನ್ನು ಅಗಲಿ ಈ ತಿಂಗಳ 24ಕ್ಕೆ ಐದು ವರ್ಷಗಳು ಪೂರ್ಣವಾಗಲಿವೆ. ಈ ಸಂದರ್ಭದಲ್ಲಿ ನಟಿಯ ನೆನಪಿಗಾಗಿ ಚೀನಾದ 6000 ತೆರೆಗಳಲ್ಲಿ ಶ್ರೀದೇವಿ ನಟನೆಯ ʼಇಂಗ್ಲಿಷ್‌ ವಿಂಗ್ಲಿಷ್‌ʼ ಸಿನಿಮಾವನ್ನು ಬಿಡುಗಡೆ ಮಾಡುವುದಕ್ಕೆ ಚಿತ್ರ ತಂಡ ನಿರ್ಧರಿಸಿದೆ.
ಇದನ್ನೂ ಓದಿ: Janhvi Kapoor | ಮಾಲ್ಡೀವ್ಸ್‌ಗೆ ಹಾರಿದ ನಟಿ ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್‌: ಚಳಿ ನಡುವೆ ಹಾಟ್‌ ಫೋಟೊ ವೈರಲ್‌!
ಭಾರತೀಯ ಮಹಿಳೆ ಒಬ್ಬಳು ತನಗೆ ಇಂಗ್ಲಿಷ್‌ ಬರುವುದಿಲ್ಲ ಎನ್ನುವ ಕಾರಣಕ್ಕೆ ಗಂಡ ಹಾಗೂ ಮಗಳಿಂದ ಹೀಯಾಳಿಕೆಗೆ ಒಳಗಾಗಿ, ಕೊನೆಗೆ ತಾನು ಇಂಗ್ಲಿಷ್‌ ಕಲಿಯಲೇಬೇಕೆಂಬ ಛಲದಿಂದ ಅಮೆರಿಕದಲ್ಲಿ ಇಂಗ್ಲಿಷ್‌ ಕಲಿಯುವ ಕಥೆ ಇದಾಗಿದೆ. ಶ್ರೀದೇವಿ ಅವರ ಅದ್ಭುತ ನಟನೆಯಿರುವ ಈ ಸಿನಿಮಾ 2012ರಲ್ಲಿ ಬಿಡುಗಡೆಯಾಯಿತು. ಇದು ಶ್ರೀದೇವಿ ಅವರು 15 ವರ್ಷಗಳ ಅಂತರದ ನಂತರ ತೆರೆ ಮೇಲೆ ಕಾಣಿಸಿಕೊಂಡಿದ್ದ ಸಿನಿಮಾ ಆಗಿದ್ದರಿಂದ ಅತ್ಯಂತ ವಿಶೇಷವೆನಿಸಿಕೊಂಡಿತ್ತು. 2012ರ ಟೊರಾಂಟೊ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಸಿನಿಮಾ ಪ್ರದರ್ಶನಕಂಡಿದ್ದು, ಅಲ್ಲಿದ್ದ ಜನರು ಐದು ನಿಮಿಷಗಳ ಕಾಲ ಎದ್ದು ನಿಂತು ಚಪ್ಪಾಳೆ ತಟ್ಟಿ ಅಭಿನಂದಿಸಿದ್ದರು.
ಇದನ್ನೂ ಓದಿ: Janhvi Kapoor | ನೂಲಿನಂತೆ ಸೀರೆ! ಶ್ರೀದೇವಿ ಮಗಳು ಜಾಹ್ನವಿಯ ಬ್ಯೂಟಿ ಕಹಾನಿ
ಈ ಸಿನಿಮಾ ಇದೀಗ ಚೀನಾದಲ್ಲಿ ತೆರೆ ಕಾಣುತ್ತಿರುವ ಬಗ್ಗೆ ಸಿನಿ ತಂಡ ಸಂತಸವನ್ನು ವ್ಯಕ್ತಪಡಿಸಿದೆ. ಎರೋಸ್‌ ಇಂಟರ್‌ನ್ಯಾಷನಲ್‌ನ ಸಿಒಒ ಕುಮಾರ್‌ ಅಹುಜಾ ಅವರು ಈ ಬಗ್ಗೆ ಮಾತನಾಡಿದ್ದು, “ಭಾರತೀಯ ಸಿನಿಮಾಗಳಿಗೆ ಅತಿ ದೊಡ್ಡ ಮಾರುಕಟ್ಟೆಯಿರುವ ದೇಶಗಳಲ್ಲಿ ಚೀನಾ ಎರಡನೇ ಸ್ಥಾನದಲ್ಲಿದೆ. ಅಲ್ಲಿ ಶ್ರೀದೇವಿ ಅವರ ಸಿನಿಮಾ ಬಿಡುಗಡೆಯಾಗುತ್ತಿರುವ ಬಗ್ಗೆ ನಾವೆಲ್ಲರೂ ಉತ್ಸುಕರಾಗಿದ್ದೇವೆ” ಎಂದು ಹೇಳಿದ್ದಾರೆ.