ಹೈದರಾಬಾದ್‌: ಪ್ರಭಾಸ್‌ ನಟನೆಯ ಬಹುನಿರೀಕ್ಷಿತ ಸಿನಿಮಾ ಆದಿಪುರುಷ (Adipurush Movie) ಇಂದು ಬಿಡುಗಡೆಯಾಗಿದೆ. ರಾಮಾಯಣದ ಕಥೆಯನ್ನೇ ಸಿನಿಮಾ ಮಾಡಿರುವ ಹಿನ್ನೆಲೆ ಪ್ರತಿ ಚಿತ್ರಮಂದಿರದಲ್ಲಿ ಒಂದು ಸೀಟನ್ನು ರಾಮನ ಪ್ರಿಯವಾದ ಭಕ್ತ ಹನುಮಂತನಿಗೆಂದು ಮೀಸಲಿಡಲಾಗುತ್ತಿದೆ. ಈ ರೀತಿ ಮೀಸಲಿಟ್ಟ ಸೀಟಿನಲ್ಲಿ ವ್ಯಕ್ತಿಯೊಬ್ಬ ಕೂತಿದ್ದು, ಆತನಿಗೆ ಪ್ರಭಾಸ್‌ ಅಭಿಮಾನಿಗಳು ಥಳಿಸಿರುವ ಘಟನೆ ಹೈದರಾಬಾದ್‌ನಲ್ಲಿ ನಡೆದಿದೆ.
ಇದನ್ನೂ ಓದಿ: Video Viral: ಮಹಾಲಕ್ಷ್ಮಿ ದರ್ಶನಕ್ಕೆ ಬಂದಿದ್ದ ಗೃಹಲಕ್ಷ್ಮಿಯರ ಮೇಲೆ ಬಸ್‌ ಹತ್ತಿಸಿದ ಕೆಎಸ್‌ಆರ್‌ಟಿಸಿ ಡ್ರೈವರ್‌!
ಹೈದರಾಬಾದ್‌ನ ಬ್ರಮರಾಂಭ ಸಿನಿ ಮಂದಿರದಲ್ಲಿ ಚಿತ್ರ ಬಿಡುಗಡೆಯಾದ ಮೊದಲನೇ ದಿನದ ಮೊದಲನೇ ಶೋನಲ್ಲೇ ಈ ರೀತಿಯ ಘಟನೆ ನಡೆದಿದೆ. ಈ ಕುರಿತಾದ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಅದರಲ್ಲಿ ಅನೇಕರು ಸೇರಿಕೊಂಡು ಒಬ್ಬ ವ್ಯಕ್ತಿಗೆ ಹೊಡೆಯುತ್ತಿರುವುದನ್ನು ಕಾಣಬಹುದು. ಅಷ್ಟೇ ಅಲ್ಲದೆ ಆತನಿಗೆ ಮನಸ್ಸಿಗೆ ಬಂದಂತೆ ಬೈದು, ನಿಂದಿಸಿರುವುದಾಗಿಯೂ ಹೇಳಲಾಗಿದೆ. ಸದ್ಯ ಈ ವಿಡಿಯೊ ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಹರಿದಾಡಿದ್ದು, ಭಾರೀ ಸದ್ದು ಮಾಡುತ್ತಿದೆ.
A person was attacked by Prabhas fans for sitting in a seat allocated to Lord Hanuman in Bramarambha theatre Hyderabad in the early hours of this morning. (Audio muted due to abusive words)#Prabhas #PrabhasFans #Adipurush #AdipurushReview pic.twitter.com/2dkUhQFNVi
— Kartheek Naaga (@kartheeknaaga) June 16, 2023
ಆದಿಪುರುಷ ಸಿನಿಮಾ ಟ್ರೇಲರ್‌ ಅನ್ನು ತಿರುಪತಿಯಲ್ಲ ಬಿಡುಗಡೆ ಮಾಡಲಾಯಿತು. ಆ ಸಮಯದಲ್ಲಿ ಸಿನಿಮಾದ ನಿರ್ದೇಶಕರಾದ ಓಂ ಪ್ರಕಾಶ್‌ ಅವರು ಎಲ್ಲ ಚಿತ್ರಮಂದಿರಗಳ ಮಾಲೀಕರಲ್ಲಿ ಒಂದು ಮನವಿ ಮಾಡಿದ್ದರು. ಇದು ರಾಮಾಯಣದ ಸಿನಿಮಾವಾಗಿರುವುದರಿಂದ ಎಲ್ಲ ಚಿತ್ರಮಂದಿರದಲ್ಲಿ ಒಂದು ಸೀಟನ್ನು ಹನುಮಂತನಿಗೆ ಮೀಸಲಿಡಿ ಎಂದು ಕೇಳಿಕೊಂಡಿದ್ದರು. ಅದೇ ಹಿನ್ನೆಲೆ ಎಲ್ಲ ಚಿತ್ರಮಂದಿರಗಳಲ್ಲಿ ಒಂದು ಸೀಟನ್ನು ಹನುಮನಿಗೆ ಮೀಸಲಿಡಲಾಗುತ್ತಿದೆ.
ಈ ಆದಿಪುರುಷ ಸಿನಿಮಾ ವಿಚಾರದಲ್ಲಿ ಈ ರೀತಿ ಜಗಳ ನಡೆದಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ವ್ಯಕ್ತಿಯೊಬ್ಬ ಪ್ರಭಾಸ್‌ ಅವರ ಈ ಸಿನಿಮಾ ವಿಡಿಯೊ ಗೇಮ್‌ ರೀತಿಯಲ್ಲಿದೆ ಎಂದು ಹೇಳಿದ್ದ ಕಾರಣಕ್ಕೆ ನಟನ ಅಭಿಮಾನಿಗಳು ಆತನಿಗೆ ಥಳಿಸಿದ್ದರು. ಅದರ ವಿಡಿಯೊ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿ, ಸುದ್ದಿಯಾಗಿತ್ತು.