ಬೆಂಗಳೂರು: ಪ್ರಭಾಸ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ‘ಆದಿಪುರುಷ್‌’ (Adipurush Movie) ಸಿನಿಮಾ ಜೂನ್‌ 16ರಂದು ದೇಶಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಚಿತ್ರವು ಇಲ್ಲಿಯವರೆಗೆ ಸೋಷಿಯಲ್‌ ಮೀಡಿಯಾಗಳಲ್ಲಿ ಪಾಸಿಟಿವ್‌ ವಿಮರ್ಶೆಗಳನ್ನು ಪಡೆದುಕೊಂಡಿದೆ. ಹಾಗೇ ಚಿತ್ರದ ಬಗ್ಗೆ ಟೀಕೆಗಳೂ ವ್ಯಕ್ತವಾಗಿವೆ. ಸಿನಿಮಾ ಕುರಿತಾಗಿ ವ್ಯಕ್ತಿಯೊಬ್ಬರು ಚಿತ್ರದ ಬಗ್ಗೆ ನೆಗೆಟಿವ್‌ ಪ್ರತಿಕ್ರಿಯೆ ಕೊಟ್ಟಿದ್ದಕೆ ಪ್ರಭಾಸ್ ಅಭಿಮಾನಿಗಳು ವ್ಯಕ್ತಿಯನ್ನು ಥಳಿಸಿದ್ದಾರೆ. ಇದೀಗ ಈ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಸಿನಿಮಾ ನೋಡಿದ ಬಳಿಕ ಕ್ಯಾಮರೆಗಳ ಮುಂದೆ ಪ್ರೇಕ್ಷನೊಬ್ಬ ಆದಿಪುರುಷ್‌ ಸಿನಿಮಾ ಬಗ್ಗೆ ನೆಗೆಟಿವ್‌ ಪ್ರತಿಕ್ರಿಯೆ ನೀಡಿದ್ದಾರೆ. ʻʻಹನುಮಾನ್, ಬ್ಯಾಕ್‌ಗ್ರೌಂಡ್ ಸ್ಕೋರ್ ಮತ್ತು ಅಲ್ಲೊಂದು ಇಲ್ಲೊಂದು 3ಡಿ ಶಾಟ್‌ಗಳನ್ನು ಬಿಟ್ಟರೆ ಬೇರೇನೂ ಇಲ್ಲ. ಪ್ರಭಾಸ್ ಅವರಿಗೆ ಈ ಪಾತ್ರ ಹೊಂದಿಕೆಯಾಗುವುದಿಲ್ಲ. ಬಾಹುಬಲಿಯಲ್ಲಿ ಅವನು ರಾಜನಂತೆ ಇದ್ದರು. ಮತ್ತು ರಾಜಮನೆತನವಿತ್ತು. ಅದರಲ್ಲಿನ ರಾಯಲ್ಟಿ ನೋಡಿ ಈ ಪಾತ್ರಕ್ಕೆ ತೆಗೆದುಕೊಂಡಿದ್ದಾರೆ. ಓಂ ರಾವತ್ ಪ್ರಭಾಸ್ ಅವರನ್ನು ಸರಿಯಾಗಿ ತೋರಿಸಲಿಲ್ಲʼʼಎಂದಿದ್ದಾರೆ. ಈ ರೀತಿ ಹೇಳುತ್ತಿದ್ದಂತೆ ಸುತ್ತಮುತ್ತ ಇದ್ದ ಪ್ರಭಾಸ್ ಫ್ಯಾನ್ಸ್‌ ವ್ಯಕ್ತಿಯನ್ನು ಥಳಿಸಿದ್ದಾರೆ.
ಈ ವಿಡಿಯೊ ವೈರಲ್‌ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್‌ ಮೂಲಕ ʻʻನೀವು ಸತ್ಯವನ್ನು ಮಾತನಾಡಬಾರದಿತ್ತು” ಎಂದು ಬರೆದಿದ್ದಾರೆ. ಇನ್ನೊಬ್ಬರು ʻʻಇದರಲ್ಲಿ ಹೊಸತೇನಿದೆ? ಭಾರತೀಯರಿಗೆ ವಾಸ್ತವ ಮತ್ತು ಕಾಲ್ಪನಿಕ ಕಥೆಗಳ ನಡುವಿನ ವ್ಯತ್ಯಾಸ ತಿಳಿದಿಲ್ಲʼʼಎಂದು ಕಮೆಂಟ್‌ ಮಾಡಿದ್ದಾರೆ.
ವೈರಲ್‌ ವಿಡಿಯೊ
#Adipurush – #Prabhas fans beating the public for giving genuine review #FansMafia
— Usuf 🧢 (@Usuf_Official) June 16, 2023
pic.twitter.com/iPR1AfMWCy
ಇದನ್ನೂ ಓದಿ: Adipurush Movie: ಆದಿಪುರುಷ್‌ ಶೋನಲ್ಲಿ ಹನುಮಂತನಿಗೆ ಸಪರೇಟ್‌ ಸೀಟ್‌; ಕೇಸರಿ ಶಾಲುಗಳಿಂದ ಭರ್ಜರಿ ಅಲಂಕಾರ!
ಓಂ ರಾವತ್ ನಿರ್ದೇಶನದ ʻಆದಿಪುರುಷ್‌’ ಮಹಾಕಾವ್ಯ ರಾಮಾಯಣವನ್ನು ಆಧರಿಸಿದ ಪೌರಾಣಿಕ ನಾಟಕವಾಗಿದೆ. ಚಿತ್ರದಲ್ಲಿ ಪ್ರಭಾಸ್ ರಾಮನಾಗಿ, ಕೃತಿ ಸನೂನ್‌ ಸೀತೆಯಾಗಿ ಮತ್ತು ಸನ್ನಿ ಸಿಂಗ್ ಲಕ್ಷ್ಮಣನಾಗಿ ನಟಿಸಿದ್ದಾರೆ. ಚಿತ್ರದಲ್ಲಿ ಸೈಫ್ ಅಲಿ ಖಾನ್ ರಾವಣನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಹಿಂದಿ, ತೆಲುಗು, ಕನ್ನಡ, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆಯಾಗಿದೆ.