Aditi Prabhudeva | ಆರತಕ್ಷತೆಗೆ ಸಜ್ಜಾಗಿರುವ ಅದಿತಿ ಪ್ರಭುದೇವ: ಅರಿಶಿಣ ಶಾಸ್ತ್ರದ ಫೋಟೊ ಹಂಚಿಕೊಂಡ ಯಶಸ್ವಿ
Yashaswi Devadiga
ನಟಿ ಅದಿತಿ ಪ್ರಭುದೇವ ಅವರು ಉದ್ಯಮಿ ಯಶಸ್ವಿ ಜತೆ ಹಸೆಮಣೆ ಏರುತ್ತಿದ್ದಾರೆ. ಬೆಂಗಳೂರಿನ ಅರಮನೆ ಮೈದಾನದ ಗಾಯತ್ರಿ ವಿಹಾರ್ ಸಾಗರದಲ್ಲಿ ಯಶಸ್ವಿ ಅವರ ಜತೆ ವಿವಾಹವಾಗುತ್ತಿದ್ದಾರೆ. ಅದಿತಿ ಅವರ ಮನೆಯಲ್ಲಿ ಹಳದಿ ಶಾಸ್ತ್ರದ ಸಂಭ್ರಮ ಜೋರಾಗಿತ್ತು. ಇದೀಗ ಯಶಸ್ವಿ ಅವರ ಹಳದಿ ಶಾಸ್ತ್ರದ ಫೋಟೊ ವೈರಲ್‌ ಆಗಿದೆ. ನವೆಂಬರ್‌ 27ರಂದು ಸಂಜೆ 6:30ಕ್ಕೆ ಅರಮನೆ ಮೈದಾನದಲ್ಲಿ ಅದಿತಿ ಪ್ರಭುದೇವ ಹಾಗೂ ಯಶಸ್ವಿ ಅವರ ಆರತಕ್ಷತೆ ನಡೆಯಲಿದ್ದು, ಚಿತ್ರರಂಗದ ಗಣ್ಯರು ಆಗಮಿಸಲಿದ್ದಾರೆ.ಯಶಸ್ವಿ ಅವರು ಕಾಫಿ ಎಸ್ಟೇಟ್‌ನ ಮಾಲೀಕ ಹಾಗೂ ಬಿಸಿನೆಸ್‌ಮ್ಯಾನ್. ಡಿ.26ರಂದು ಅದಿತಿ ಪ್ರಭುದೇವ ಅವರು ಯಶಸ್ವಿ ಅವರ ಜತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಯಶಸ್ವಿ ಅವರು ಮೊದಲು ಅದಿತಿ ಅವರನ್ನು ಇಷ್ಟಪಟ್ಟಿದ್ದು ನಂತರ ಕುಟುಂಬಸ್ಥರ ಒಪ್ಪಿಗೆಯ ಮೇರೆಗೆ ಈ ಜೋಡಿ ನಿಶ್ಚಿತಾರ್ಥ ಮಾಡಿಕೊಂಡಿತ್ತು.
