ಬೆಂಗಳೂರು: ಅಗಸ್ತ್ಯ ನಂದಾ ಮತ್ತು ಸುಹಾನಾ ಖಾನ್ (Suhana Khan) ಇತ್ತೀಚೆಗೆ ಮನೀಶ್ ಮಲ್ಹೋತ್ರಾ ಅವರ ದೀಪಾವಳಿ ಪಾರ್ಟಿಯಲ್ಲಿ ಒಟ್ಟಿಗೆ ಕಾಣಿಸಿಕೊಂಡರು. ಜೋಯಾ ಅಖ್ತರ್ ಮತ್ತು ರೀಮಾ ಕಾಗ್ತಿ ಅವರ ನಿರ್ದೇಶನದ ಮುಂಬರುವ ‘ದಿ ಆರ್ಚೀಸ್’ ನಲ್ಲಿ ಈ ಇಬ್ಬರು ಸ್ಟಾರ್ ಮಕ್ಕಳು ʻದಿ ಆರ್ಚೀಸ್ʼ ಮೂಲಕ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ. ಇದೀಗ ಇಬ್ಬರು ರಿಲೇಶನ್‌ಶಿಪ್‌ನಲ್ಲಿ ಇದ್ದಾರೆ ಎಂಬ ಗಾಸಿಪ್‌ಗಳು ಇವೆ.
ಅಮಿತಾಭ್‌ ಬಚ್ಚನ್ ಮತ್ತು ಜಯಾ ಬಚ್ಚನ್ ಅವರ ಮೊಮ್ಮಗ ಅಗಸ್ತ್ಯ ಮತ್ತು ಶಾರುಖ್ ಖಾನ್ ಅವರ ಪುತ್ರಿ ಸುಹಾನಾ ಖಾನ್ ಅವರು ತಮ್ಮ ಚೊಚ್ಚಲ ಸಿನಿಮಾವಾದ ʻದಿ ಆರ್ಚೀಸ್ʼ ಸಿನಿಮಾ ಚಿತ್ರೀಕರಣದ ನಂತರ ಒಬ್ಬರಿಗೊಬ್ಬರು ಹತ್ತಿರವಾದ ಬಳಿಕ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಇದೀಗ ವೈರಲ್‌ ಆಗಿರುವ ವಿಡಿಯೊದಲ್ಲಿ ಅಗಸ್ತ್ಯ ಅವರು ಪಾರ್ಟಿಯ ಬಳಿಕ ಸುಹಾನಾ ಅವರನ್ನು ಕಾರಿನಲ್ಲಿ ಕುಳ್ಳಿರಿಸಿದರು. ವಿಡಿಯೊದಲ್ಲಿ, ಸುಹಾನಾ ಕೆಂಪು ಲೆಹೆಂಗಾ ಸ್ಕರ್ಟ್ ಮತ್ತು ಬ್ಲೌಸ್‌ನಲ್ಲಿ ಕಾಣಿಸಿಕೊಂಡಿದ್ದರೆ, ಅಗಸ್ತ್ಯ ಕಪ್ಪು ಕುರ್ತಾದಲ್ಲಿದ್ದಾರೆ.
ಈ ಹಿಂದೆ ಕೂಡ ಅನೇಕ ಸಮಾರಂಭಗಳಿಗೆ ಅಗಸ್ತ್ಯ ನಂದಾ ಮತ್ತು ಸುಹಾನಾ ಖಾನ್ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಅಲ್ಲದೇ, ಪರಸ್ಪರ ಶುಭಾಶಯಗಳನ್ನು ವಿನಿಮಯ ಮಾಡಿಕೊಳ್ಳುತ್ತಾರೆ. ಹಾಗಾಗಿ ಇಬ್ಬರೂ ಒಬ್ಬರನ್ನೊಬ್ಬರು ಅರ್ಥ ಮಾಡಿಕೊಂಡು ಬೆಳೆಯುತ್ತಿದ್ದಾರೆ ಎನ್ನಲಾಗುತ್ತಿದೆ. ಸುಹಾನಾ ಮತ್ತು ಅಗಸ್ತ್ಯ ಅವರು ಟೀನಾ ಶ್ರಾಫ್ ಅವರ ಜನ್ಮದಿನದ ಪಾರ್ಟಿಯಲ್ಲಿ ಭಾಗಿಯಾಗಿದ್ದರು. ಕಾರಿನಲ್ಲಿ ಮರಳಿ ಹೋಗುವಾಗ, ಅಗಸ್ತ್ಯ ಅವರು ಸುಹಾನಾರನ್ನು ಸುರಕ್ಷಿತವಾಗಿ ಕರೆದೊಯ್ದು, ಫ್ಲೈ ಕಿಸ್‌ ನೀಡಿದ್ದರು.
ಇದನ್ನೂ ಓದಿ: Suhana Khan: ಹಣೆಗೆ ಬಿಂದಿ ಇಟ್ಟು ಫೋಟೊ ಹಂಚಿಕೊಂಡ ಶಾರುಖ್ ಖಾನ್ ಪುತ್ರಿ
ಹಿಂದೂಸ್ತಾನ್ ಟೈಮ್ಸ್‌ ವರದಿಯಂತೆ ʻʻಈಗಾಗಲೇ ಸುಹಾನಾ ಹಾಗೂ ಅಗಸ್ತ್ಯ ಸಾಕಷ್ಟು ಸಮಯವನ್ನು ಒಟ್ಟಿಗೆ ಕಳೆದಿದ್ದಾರೆ. ತಮ್ಮ ರಿಲೇಶನ್‌ಶಿಪ್‌ ಮರೆಮಾಡಲು ಸಹ ಪ್ರಯತ್ನಿಸುತ್ತಿರಲಿಲ್ಲ. ಅಧಿಕೃತಗೊಳಿಸಲು ಯೋಜಿಸದಿದ್ದರೂ, ಪ್ರೊಡಕ್ಷನ್ ಹೌಸ್‌ನಲ್ಲಿರುವ ಹೆಚ್ಚಿನ ಜನರಿಗೆ ತಿಳಿದಿತ್ತು. ಶ್ವೇತಾ ಬಚ್ಚನ್ ಕೂಡ ಸುಹಾನಾ ಅವರನ್ನು ಪ್ರೀತಿಸುತ್ತಾರೆ. ಹಾಗೇ ಈ ಬಗ್ಗೆ ತಮ್ಮ ಒಪ್ಪಿಗೆಯನ್ನೂ ಸೂಚಿಸಿದ್ದಾರೆʼʼಎಂದು ವರದಿ ಮಾಡಿದೆ.
ದಿ ಆರ್ಚೀಸ್‌ನಲ್ಲಿ ಸುಹಾನಾ ಮತ್ತು ಅಗಸ್ತ್ಯರಲ್ಲದೆ, ಚಿತ್ರದಲ್ಲಿ ಬೋನಿ ಕಪೂರ್ ಅವರ ಕಿರಿಯ ಮಗಳು ಖುಷಿ ಕಪೂರ್, ಮಿಹಿರ್ ಅಹುಜಾ, ಡಾಟ್, ಯುವರಾಜ್ ಮೆಂಡಾ ಮತ್ತು ವೇದಂಗ್ ರೈನಾ ಕೂಡ ನಟಿಸಿದ್ದಾರೆ.