ಬೆಂಗಳೂರು: ಆಮೀರ್‌ ಖಾನ್ ಅಭಿನಯದ `3 ಈಡಿಯಟ್ಸ್‘ನಲ್ಲಿ ಲೈಬ್ರರಿಯನ್ ಪಾತ್ರದಲ್ಲಿ ನಟಿಸಿದ್ದ ನಟ ಅಖಿಲ್ ಮಿಶ್ರಾ (Akhil Mishra) ಸೆಪ್ಟೆಂಬರ್ 21 ರಂದು ನಿಧನರಾಗಿದ್ದಾರೆ. ತಮ್ಮ ಅಡುಗೆ ಮನೆಯಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಕಾಲು ಜಾರಿ ಬಿದ್ದಿದ್ದಾರೆ. ಕೂಡಲೇ ಆಸ್ಪತ್ರೆಗೆ ದಾಖಲಿಸಿದ್ದರೂ ತೀವ್ರ ರಕ್ತ ಸ್ರಾವದಿಂದ ಮೃತಪಟ್ಟಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ. ಪತ್ನಿ ಸುಝೇನ್ ಬರ್ನರ್ಟ್ ಈ ಸುದ್ದಿಯನ್ನು ದೃಢಪಡಿಸಿದ್ದಾರೆ.
ಪತ್ನಿ ಸುಝೇನ್ ಬರ್ನರ್ಟ್ ಹೈದರಾಬಾದ್‌ನಲ್ಲಿ ಪ್ರಾಜೆಕ್ಟ್‌ನ ಶೂಟಿಂಗ್‌ನಲ್ಲಿದ್ದಾಗ ಈ ದುರ್ಘಟನೆ ಸಂಭವಿಸಿದೆ ಎಂದು ವರದಿಯಾಗಿದೆ. ನಟನ ಆಪ್ತ ಸ್ನೇಹಿತರೊಬ್ಬರ ಮಾಹಿತಿ ಪ್ರಕಾರ ʻʻಅಖಿಲ್ ಸ್ವಲ್ಪ ಸಮಯದಿಂದ ಅಸ್ವಸ್ಥರಾಗಿದ್ದರು. ರಕ್ತದೊತ್ತಡಕ್ಕೆ ಸಂಬಂಧಿಸಿದ ಸಮಸ್ಯೆಯೂ ಇತ್ತು. ಅಖಿಲ್ ಅಡುಗೆಮನೆಯಲ್ಲಿ ಸ್ಟೂಲ್ ಮೇಲೆ ಏನೋ ಮಾಡುತ್ತಿದ್ದಾಗ ಬಿದ್ದು ತಲೆಗೆ ಪೆಟ್ಟಾಗಿದೆʼʼಎಂದು ಮಾಹಿತಿ ಹಂಚಿಕೊಂಡರು.
ಇದನ್ನೂ ಓದಿ: V R Bhaskar: ಡಾ. ವಿಷ್ಣುವರ್ಧನ್ ಒಡನಾಡಿ ವಿ ಆರ್ ಭಾಸ್ಕರ್ ನಿಧನ
"Akhil Mishra, who acted in '3 Idiots' and 'Uttaran,' has passed away at the age of 67 after a kitchen accident. 😢 #RIPAkhilMishra #3Idiots #Uttaran" pic.twitter.com/Eaqg0v0a9y
— Xhand thaquri (@Prithivi233) September 21, 2023
ಅಖಿಲ್ ಮಿಶ್ರಾ ಚಿತ್ರರಂಗದಲ್ಲಿ ಬಹು ಬೇಡಿಕೆಯ ನಟನಾಗಿದ್ದಾರು. 3 ಈಡಿಯಟ್ಸ್‌ನಲ್ಲಿ ಲೈಬ್ರೇರಿಯನ್ ದುಬೆ ಪಾತ್ರವನ್ನು ನಿರ್ವಹಿಸಿದ್ದರು. 3 ಈಡಿಯಟ್ಸ್ ಜತೆಗೆ, ಅಖಿಲ್ ಶಾರುಖ್ ಖಾನ್ ಅವರ ಡಾನ್, ಹಜಾರೋನ್ ಖ್ವೈಶೈನ್ (Hazaaron Khwaishein Aisi)ಐಸಿ, ಗಾಂಧಿ ಮೈ ಫಾದರ್ (Gandhi My Father), ವೆಲ್ ಡನ್ ಅಬ್ಬಾ (Well Done Abba) ಮತ್ತು ಕಲ್ಕತ್ತಾ ಮೇಲ್ (Calcutta Mail) ಮುಂತಾದ ಚಲನಚಿತ್ರಗಳಲ್ಲಿಯೂ ಕಾಣಿಸಿಕೊಂಡಿದ್ದರು. ಸಿಐಡಿ, ಉತ್ತರಾನ್, ಉಡಾನ್, ಶ್ರೀಮಾನ್ ಶ್ರೀಮತಿ, ದೋ ದಿಲ್ ಬಂದೆ ಏಕ್ ದೋರಿ ಸೆ, ಪರ್ದೇಸ್ ಮೇ ಮಿಲಾ ಕೋಯಿ ಅಪ್ನಾ ಮತ್ತು ಹಾತಿಮ್ ಹೀಗೆ ಮುಂತಾದ ಧಾರಾವಾಹಿಗಳಲ್ಲಿ ನಟಿಸಿದ್ದರು.