ಆಲಿಯಾ ಭಟ್ (Alia Bhatt) ಬಾಲಿವುಡ್‌ ಚಿತ್ರರಂಗದ ಟಾಪ್ ನಟಿಯರಲ್ಲಿ ಒಬ್ಬರು. ಗಂಗೂಬಾಯಿ ಕಾಠಿಯಾವಾಡಿ, ಡಾರ್ಲಿಂಗ್ಸ್ ಮತ್ತು ಇತ್ತೀಚೆಗೆ ಬ್ರಹ್ಮಾಸ್ತ್ರದಂತಹ ಹಿಟ್‌ ಸಿನಿಮಾಗಳೊಂದಿಗೆ, ಲಕ್ಷಾಂತರ ಜನರ ಹೃದಯವನ್ನು ಅವರು ಗೆದ್ದಿದ್ದಾರೆ. ಗಾಲ್ ಗಡೋಟ್ ಮತ್ತು ಜೇಮಿ ಡೋರ್ನಾನ್ (Gal Gadot and Jamie Dornan) ಜತೆಗೆ ಆಲಿಯಾ ಭಟ್ ಇದೇ ಮೊದಲ ಬಾರಿ ವಿಲನ್‌ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಆದರೆ ಇತ್ತೀಚೆಗೆ ನಡೆದ ಸಿನಿಮಾದ ಸಂದರ್ಶನದಲ್ಲಿ ಆಲಿಯಾರ ವರ್ತನೆ ಸಾಕಷ್ಟು ಜನರಿಗೆ ಕೋಪ ತರಿಸುವಂತೆ ಮಾಡಿದೆ. ಅಷ್ಟೇ ಅಲ್ಲದೇ ನಟಿ ಟ್ರೋಲ್‌ಗೆ ಗುರಿಯಾಗಿದ್ದಾರೆ.
ಗಾಲ್, ಜೇಮಿ ಮತ್ತು ಆಲಿಯಾ ʻಹಾರ್ಟ್ ಆಫ್ ಸ್ಟೋನ್’ (Heart Of Stone) ಸಿನಿಮಾದ ಸಂದರ್ಶನದಲ್ಲಿ ಆಲಿಯಾ ಯಾವುದೇ ಆಸಕ್ತಿ ಇದ್ದಂತೆ ಕಂಡಿಲ್ಲ. ಅವರು ತಮ್ಮದೇ ಲೋಕದಲ್ಲಿ ಮುಳುಗಿದ್ದರು. ಕೂದಲನ್ನು ಸರಿ ಮಾಡಿಕೊಳ್ಳುತ್ತಾ, ಉಗುರನ್ನು ಮುಟ್ಟಿಕೊಳ್ಳುತ್ತಾ ಕಾಣಿಸಿಕೊಂಡಿದ್ದಾರೆ. ಇದಕ್ಕೆ ಅನೇಕರು ಟೀಕೆ ಮಾಡಿದ್ದಾರೆ.
ಸಂದರ್ಶನದ ವೇಳೆ ಆಲಿಯಾ ವರ್ತನೆ ಅನೇಕರಿಗೆ ಕೋಪ ತರಿಸಿದೆ. ನೆಟ್ಟಿಗರೊಬ್ಬರು ʻ ನಿಮ್ಮ ಕೂದಲನ್ನು ಮುಟ್ಟುವುದನ್ನು ನಿಲ್ಲಿಸಿ”, ಎಂದರೆ ಇನ್ನೊಬ್ಬರು, “ಆಲಿಯಾ ಅವರ ಬಾಡಿ ಲಾಂಗ್ವೇಜ್‌ ವಿಚಿತ್ರವಾಗಿದೆ ಮತ್ತು ಇದು ವೃತ್ತಿಪರವಾಗಿಲ್ಲ” ಎಂದು ಬರೆದಿದ್ದಾರೆ. ಮತ್ತೊಬ್ಬರು “ಕರಣ್ ಜೋಹರ್ ನಡೆಸಿಕೊಡುವ ‘ಕಾಫಿ ವಿತ್ ಕರಣ್’ ಶೋಗೆ ಬರುವ ಅತಿಥಿಗಳು ಸ್ವಲ್ಪ ಇದೇ ರೀತಿ ಮಾಡುತ್ತಾರೆ. ಅಲ್ಲಿ ಈ ರೀತಿಯ ವರ್ತನೆಗಳನ್ನು ಒಪ್ಪಬಹುದು. ಆದರೆ, ವಿದೇಶಿ ಮಾಧ್ಯಮಗಳಿಗೆ ಸಂದರ್ಶನ ನೀಡುವಾಗ ಈ ರೀತಿ ನಡೆದುಕೊಳ್ಳುವುದು ಎಷ್ಟು ಸರಿ ಎಂದು ಅನೇಕರು ಪ್ರಶ್ನೆ ಮಾಡಿದ್ದಾರೆ. ಇನ್ನೊಬ್ಬರು ʻʻದೀಪಿಕಾ ಪಡುಕೋಣೆ, ಪ್ರಿಯಾಂಕಾ, ಅಲಿ ಫಜಲ್, ನೋಡಿ ಕಲಿಯಿರಿ. ಅಂತಾರಾಷ್ಟ್ರೀಯ ಸಂದರ್ಶನಗಳನ್ನು ಹೇಗೆ ಮಾಡುತ್ತಾರೆಂದುʼʼ ಕಮೆಂಟ್‌ ಮಾಡಿದ್ದಾರೆ.
ಇದನ್ನೂ ಓದಿ: Alia Bhatt-Ranbir Kapoor: ಆಲಿಯಾ ಭಟ್ ಇದೀಗ ವಿಲನ್‌; ರಣಬೀರ್ ʻಅನಿಮಲ್ʼ ಸಿನಿಮಾ ಅದೇ ದಿನ ರಿಲೀಸ್!
alia bhatt, gal gadot & jamie dornan’s interview w @people ✨🤍 https://t.co/maIeQn5d1o
— 🎬 (@softiealiaa) June 26, 2023
ʻಹಾರ್ಟ್ ಆಫ್ ಸ್ಟೋನ್ʼ ಸಿನಿಮಾದ ಟ್ರೈಲರ್‌ ಬಿಡುಗಡೆಯಾಗಿದೆ. ಬ್ರೆಜಿಲ್‌ನಲ್ಲಿ ನೆಟ್ಫ್ಲಿಕ್ಸ್ TUDUM ಈವೆಂಟ್‌ನಲ್ಲಿ ಸಿನಿಮಾ ಟ್ರೈಲರ್‌ ಬಿಡುಗಡೆಗೊಳಿಸಿದೆ. ವಿಶೇಷ ಅಂದರೆ ಆಗಸ್ಟ್ 11ರಂದು ನೆಟ್ಫ್ಲಿಕ್ಸ್ ಮೂಲಕ ಈ ಸಿನಿಮಾ ರಿಲೀಸ್ ಆಗುತ್ತಿದೆ. ಅದೇ ದಿನ ರಣಬೀರ್ ಕಪೂರ್ (Ranbir Kapoor) ನಟನೆಯ ‘ಅನಿಮಲ್’ ಸಿನಿಮಾ ಕೂಡ ರಿಲೀಸ್ ಆಗುತ್ತಿದೆ.
ಹಾರ್ಟ್ ಆಫ್ ಸ್ಟೋನ್ ಜತೆಗೆ, ಆಲಿಯಾ ಭಟ್ ಅವರು ರಣವೀರ್ ಸಿಂಗ್ ಜತೆಗೆ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಸಿನಿಮಾ ಸಹ ಹೊಂದಿದ್ದಾರೆ. ಚಿತ್ರವು ಜುಲೈ 28 ರಂದು ಬಿಡುಗಡೆಯಾಗಲಿದೆ. ಇದರಲ್ಲಿ ಜಯಾ ಬಚ್ಚನ್, ಧರ್ಮೇಂದ್ರ ಮತ್ತು ಶಬಾನಾ ಅಜ್ಮಿ ಪ್ರಮುಖ ಪಾತ್ರಗಳಲ್ಲಿದ್ದಾರೆ.