ಬೆಂಗಳೂರು: ಭಾರತದಲ್ಲಿರುವ ಬಡ ಯುವಜನರಿಗಾಗಿ (underprivileged adolescents) ಹಣವನ್ನು ಸಂಗ್ರಹಿಸಿ ಸಲಾಮ್ ಬಾಂಬೆ ಫೌಂಡೇಶನ್‌ಗೆ ನೀಡಿದ್ದಾರೆ ಆಲಿಯಾ (Alia Bhatt). ಈ ಕಾರ್ಯಕ್ರಮ ಲಂಡನ್‌ನಲ್ಲಿ ಗುರುವಾರ (ಮಾ.28) ಸಂಜೆ ನಡೆದಿದೆ. ಈ ಹೋಪ್ ಗಾಲಾ (Hope Gala) ಕಾರ್ಯಕ್ರಮದಲ್ಲಿ ಹೈಲೈಟ್‌ ಆಗಿದ್ದು ಆಲಿಯಾ ಅವರ ವಜ್ರದ ನೆಕ್ಲೇಸ್. ಆಲಿಯಾ ಧರಿಸಿದ್ದ ಇಟಾಲಿಯನ್ ಆಭರಣ ಲೇಬಲ್‌ನ ನೆಕ್ಲೇಸ್ ಮತ್ತು ಉಂಗುರಗಳ ಬೆಲೆ ಬರೋಬ್ಬರಿ 20 ಕೋಟಿ ರೂ. ಎಂದು ವರದಿಯಾಗಿದೆ.
ಈ ಹೋಪ್ ಗಾಲಾ (Hope Gala) ಕಾರ್ಯಕ್ರಮದಲ್ಲಿ (Salaam Bombay foundation) ಸಂಗೀತಗಾರ ಹರ್ಷದೀಪ್ ಕೌರ್, ಹಾಸ್ಯನಟ ರೋಹನ್ ಜೋಶಿ ಮತ್ತು ನಿರ್ದೇಶಕ ಗುರಿಂದರ್ ಚಡ್ಡಾ ಭಾಗಿಯಾಗಿದ್ದರು.
ಗಾಲಾ ಆಯೋಜಿಸಲಾದ ಸ್ಥಳವಾದ ಮ್ಯಾಂಡರಿನ್ ಓರಿಯಂಟಲ್, ಇನ್‌ಸ್ಟಾಗ್ರಾಮ್‌ನಲ್ಲಿ ರೀಲ್ಸ್‌ ಶೇರ್‌ ಮಾಡಿಕೊಂಡಿದೆ. ವಿಡಿಯೊದಲ್ಲಿ ಆಲಿಯಾ ಎರಡು ವಿಭಿನ್ನ ನೋಟದಲ್ಲಿ ಕಂಡರು. ರೆಡ್ ಕಾರ್ಪೆಟ್‌ನಲ್ಲಿ ಆಲಿಯಾ, ಮರೂನ್ ಉಡುಪನ್ನು ಧರಿಸಿದ್ದರೆ, ಗಾಲಾಗಾಗಿ ಕ್ರೀಮ್ ಕಲರ್‌ ಸೀರೆಗೆಯುಟ್ಟಿದ್ದರು. ಆಲಿಯಾ ಬುಧವಾರ ರಾತ್ರಿ (ಮಾ.26) ಲಂಡನ್‌ಗೆ ತೆರಳುವಾಗ ವಿಮಾನ ನಿಲ್ದಾಣದಲ್ಲಿ ಅಭಿಮಾನಿಗಳ ಜತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದರು.
ಇನ್ನು ಹೋಪ್ ಗಾಲಾದಲ್ಲಿ ಗುರಿಂದರ್ ಅವರು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹರ್ಷದೀಪ್ ಅವರ ಸಂಗೀತ ಕಾರ್ಯಕ್ರಮಗಳನ್ನು ಹಂಚಿಕೊಂಡಿದ್ದಾರೆ. ವಿಡಿಯೊದಲ್ಲಿ, ಹರ್ಷದೀಪ್ ಅವರ ಹಿಟ್ ಹಾಡುಗಳಲ್ಲಿ ಒಂದನ್ನು ಪ್ರದರ್ಶಿಸುವುದನ್ನು ಕಾಣಬಹುದು. ಈವೆಂಟ್‌ನಲ್ಲಿ ಆಲಿಯಾ ಉದ್ಯಮಿ ನತಾಶಾ ಪೂನಾವಾಲಾ ಅವರೊಂದಿಗೆ ಪೋಸ್ ನೀಡಿದ್ದರು.
ಆಲಿಯಾ (Alia Bhatt) ಇತ್ತೀಚೆಗಷ್ಟೇ ಜಿಗ್ರಾ ಚಿತ್ರೀಕರಣವನ್ನು ಪೂರ್ಣಗೊಳಿಸಿದ್ದಾರೆ, ಇದರಲ್ಲಿ ʻದಿ ಆರ್ಚೀಸ್ʼ ಖ್ಯಾತಿಯ ವೇದಾಂಗ್ ರೈನಾ ಕೂಡ ನಟಿಸಿದ್ದಾರೆ.
ನಿರ್ದೇಶಕ ಫರ್ಹಾನ್ ಅಖ್ತರ್ ಅವರ ʻಜೀ ಲೇ ಜರಾʼ ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ಮತ್ತು ಕತ್ರಿನಾ ಕೈಫ್ ಅವರೊಂದಿಗೆ ಆಲಿಯಾ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಚಿತ್ರವು ʻದಿಲ್ ಚಾಹ್ತಾ ಹೈʼ ಮತ್ತು ʻಜಿಂದಗಿ ನಾ ಮಿಲೇಗಿ ದೊಬಾರಾʼ ರೀತಿಯ ಸ್ನೇಹದ ಮತ್ತೊಂದು ಕಥೆಯಾಗಿದೆ ಎಂದು ವರದಿಯಾಗಿದೆ. ಸಿನಿಮಾದ ಚಿತ್ರೀಕರಣ ಇನ್ನೂ ಆರಂಭವಾಗಿಲ್ಲ.
ಇದನ್ನೂ ಓದಿ: Alia Bhatt: ಲಂಡನ್‌ನಲ್ಲಿ `ಹೋಪ್ ಗಾಲಾ’ ಹೋಸ್ಟ್‌ ಮಾಡಿದ ಆಲಿಯಾ; ಏನಿದರ ಉದ್ದೇಶ?
Alia Bhatt at Hope Gala Charity Event in London ✨😍#AliaBhatt pic.twitter.com/sd9W54ZEpO
— Kuldeep (@kd_Kuldeep7850) March 29, 2024
ಯಶ್ ರಾಜ್ ಫಿಲ್ಮ್ಸ್ ಸ್ಪೈ ಯೂನಿವರ್ಸ್‌ನಲ್ಲಿ ಆಲಿಯಾ ಭಟ್!
YRF ಸ್ಪೈ ಯೂನಿವರ್ಸ್ ಸಲ್ಮಾನ್ ಖಾನ್ ಅವರ ‘ಏಕ್ ಥಾ ಟೈಗರ್’ (2012), ನಂತರ ‘ಟೈಗರ್ ಜಿಂದಾ ಹೈ’ (2017), ಮತ್ತು ‘ವಾರ್’ (2019), ಹೃತಿಕ್ ರೋಷನ್ ಮತ್ತು ಟೈಗರ್ ಶ್ರಾಫ್ ನಟಿಸುವುದರೊಂದಿಗೆ ಪ್ರಾರಂಭವಾಯಿತು. ಆಲಿಯಾ ಭಟ್ (Alia Bhatt) ಅವರ ಸಿನಿಮಾ ‘ಯಶ್ ರಾಜ್ ಫಿಲ್ಮ್ಸ್’ನ ಸ್ಪೈ ಯೂನಿವರ್ಸ್ನ ಆರನೇ ಚಿತ್ರ ಆಗಲಿದೆ.ಹೃತಿಕ್ ರೋಷನ್ ಹಾಗೂ ಜೂನಿಯರ್ ಎನ್ಟಿಆರ್ ನಟನೆಯ ‘ವಾರ್ 2’ ಕೆಲಸಗಳು ನಡೆಯುತ್ತಿವೆ. ‘ಪಠಾಣ್ 2’ ಸಿನಿಮಾ ಕೂಡ ಬರಲಿದೆ. ಇದೀಗ ಈ ಸ್ಪೈ ಯೂನಿವರ್ಸ್‌ಗೆ ಆಲಿಯಾ ಭಟ್ ಅವರು ಭಾಗವಾಗಲಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್ ಸಿಇಒ ಅಕ್ಷಯ್ ವಿಧಾನಿ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
ಯಶ್ ರಾಜ್ ಫಿಲ್ಮ್ಸ್ ಸಿಇಒ ಅಕ್ಷಯ್ ವಿಧಾನಿ ಮಾತನಾಡಿ ʻ ಆಲಿಯಾ ಭಟ್ ಸ್ಪೈ ಯೂನಿವರ್ಸ್’ (Alia Bhatt) ಭಾಗವಾಗಿದ್ದಾರೆ. ಈ ವರ್ಷದ ಅಂತ್ಯಕ್ಕೆ ಚಿತ್ರದ ಶೆಡ್ಯೂಲ್‌ ಶುರುವಾಗಲಿದೆ. ಇನ್ನೂ ಹೆಸರಿಡದ ಚಿತ್ರದಲ್ಲಿ ಶರ್ವರಿ ವಾಘ್ ಜತೆ ಆಲಿಯಾ ಭಟ್ ಜೋಡಿಯಾಗಲಿದ್ದಾರೆ. ಆಕ್ಷನ್ ಎಂಟರ್ಟೈನರ್ ನಲ್ಲಿ ಸೂಪರ್-ಏಜೆಂಟ್‌ಗಳಾಗಿ ನಟಿಸುತ್ತಾರೆ. ಯೂನಿವರ್ಸ್ ಅಡಿಯಲ್ಲಿ ನಾವು ಹಲವು ಸಿನಿಮಾ ಮಾಡುತ್ತಿದ್ದೇವೆ. ಆದರೆ, ಎಲ್ಲವನ್ನೂ ಇಲ್ಲಿ ಹಂಚಿಕೊಳ್ಳಲಲು ಸಾಧ್ಯವಿಲ್ಲ. ಮುಂದಿನ ದಿನಗಳಲ್ಲಿ ಅವಕಾಶ ಸಿಕ್ಕಾಗ ಮಾತನಾಡುತ್ತೇವೆʼʼ ಎಂದು ಹೇಳಿಕೊಂಡಿದ್ದಾರೆ.