ಬೆಂಗಳೂರು : 2022ರಲ್ಲಿ ತೆರೆ ಕಂಡ ಜೇಮ್ಸ್ ಕ್ಯಾಮರೂನ್ ಅವರ ʼಅವತಾರ್: ದಿ ವೇ ಆಫ್ ವಾಟರ್ʼ (Avatar: The Way of Water) ಬಾಕ್ಸ್‌ ಆಫೀಸ್‌ನಲ್ಲಿ ಭಾರಿ ಕಲೆಕ್ಷನ್ ಮಾಡಿದೆ. ಇದರ ಬೆನ್ನಲ್ಲೇ ತಯಾರಕರು ಜನಪ್ರಿಯ ಫ್ರ್ಯಾಂಚೈಸ್‌ನಲ್ಲಿ ಅವತಾರ್-3 ಈಗಾಗಲೇ ಕೆಲಸ ಆರಂಭಗೊಂಡಿದೆ ಎಂದು ಖಚಿತಪಡಿಸಿದ್ದಾರೆ. ಅವತಾರ್ 2, 13 ವರ್ಷಗಳ ನಂತರ 2022ರಲ್ಲಿ ತೆರೆ ಕಂಡಿದೆ.ಈಗ, ಅವತಾರ್ 3 (Avatar 3) ಮತ್ತು 4 ರ ಕೆಲಸ ಈಗಾಗಲೇ ಪ್ರಾರಂಭವಾಗಿದೆ ಎಂದು ನಿರ್ದೇಶಕರು ಮಾಹಿತಿ ಹಂಚಿಕೊಂಡಿದ್ದಾರೆ.
ಅವತಾರ್-2 ಕಲೆಕ್ಷನ್ನಿಂದಾಗಿ ಚಿತ್ರತಂಡಕ್ಕೆ ಭರವಸೆ ಮೂಡಿದೆ. ಹಾಗಾಗಿ ‘ಅವತಾರ್’ ಸಿನಿಮಾದ 3, 4 ಮತ್ತು 5ನೇ ಸೀಕ್ವೆಲ್ಗಳನ್ನು ಮಾಡಲು ಜೇಮ್ಸ್ ಕ್ಯಾಮರೂನ್ ಮುಂದೆ ಬಂದಿದ್ದಾರೆ. ಶೋವೊಂದರಲ್ಲಿ ಜೇಮ್ಸ್ ಕ್ಯಾಮರೂನ್ ಮಾತನಾಡಿ ʻʻಪ್ರೇಕ್ಷಕರು ಏನು ಬಯಸುತ್ತಾರೆಯೋ ಅದನ್ನು ನೀಡುವುದು ನನ್ನ ಕರ್ತವ್ಯ. ಈ ಸಿನಿಮಾಗೆ ಹಾಕಿದ ಬಂಡವಾಳ ಇನ್ನು ಕೆಲವೇ ದಿನಗಳಲ್ಲಿ ವಾಪಸ್ ಬರಲಿದೆ ಎನಿಸುತ್ತದೆ. ಹಾಗಾಗಿ ನಾನು ಇನ್ನುಳಿದ ಸೀಕ್ವೆಲ್ಗಳನ್ನು ಮಾಡಲೇಬೇಕಾಗಿದೆ. ಮುಂದಿನ ಆರು ಅಥವಾ ಏಳು ವರ್ಷಗಳಲ್ಲಿ ನಾನು ಏನು ಮಾಡುತ್ತೇನೆ ಎಂದು ನನಗೆ ತಿಳಿದಿದೆʼʼಎಂದಿದ್ದಾರೆ. ಅಚ್ಚರಿ ಎಂದರೆ, ‘ಅವತಾರ್ 3’ ಸಿನಿಮಾದ ಬಹುತೇಕ ದೃಶ್ಯಗಳನ್ನು ಅವರು ಈಗಾಗಲೇ ಚಿತ್ರಿಸಿಕೊಂಡಿದ್ದಾರೆ. ಇನ್ನೇನಿದ್ದರೂ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳತ್ತ ಗಮನ ಹರಿಸಬೇಕಷ್ಟೇ.
ಇದನ್ನೂ ಓದಿ | Avatar: The Way of Water | ಭಾರತದಲ್ಲಿ 223 ಕೋಟಿ ರೂ. ಗಳಿಸಿದ ಅವತಾರ್-2!
ಜೇಮ್ಸ್ ಕ್ಯಾಮರೂನ್ ಅವರ ಅವತಾರ್-೧, 2009ರಲ್ಲಿ ಬಿಡುಗಡೆಯಾಗಿತ್ತು. ಆಗಿನ ಕಾಲಕ್ಕೆ ₹20 ಸಾವಿರ ಕೋಟಿಗೂ ಹೆಚ್ಚು ಹಣ ಬಾಚಿತ್ತು. ಈ ಪೈಕಿ ಅವತಾರ್-3, 2024ರ ಡಿಸೆಂಬರ್ 20ರಂದು ರಿಲೀಸ್‌ ಆದರೆ, 2026ರ ಡಿಸೆಂಬರ್ 18ಕ್ಕೆ ಅವತಾರ್-4 ಹಾಗೂ 2028ರ ಡಿಸೆಂಬರ್ 22ರಂದು ಅವತಾರ್ ಪಾರ್ಟ್ 5 ರಿಲೀಸ್‌ ಆಗಲಿದೆ.
ಇದನ್ನೂ ಓದಿ | Avatar: The Way of Water | 12 ದಿನಗಳಲ್ಲಿ ವಿಶ್ವಾದ್ಯಂತ 8,200 ಕೋಟಿ ರೂ. ಗಳಿಕೆ ಕಂಡ ಅವತಾರ್-2!