ಬೆಂಗಳೂರು: ನಟ ಡಾಲಿ ಧನಂಜಯ್ (Dolly Dhananjay) ಹಾಗೂ ನಟಿ ಅಮೃತಾ ಅಯ್ಯಂಗಾರ್ ಸ್ಯಾಂಡಲ್‌ವುಡ್‌ ಕ್ಯೂಟ್‌ ಜೋಡಿ ಎಂತಲೇ ಕರೆಯಲ್ಪಡುತ್ತಾರೆ. ‘ಪಾಪ್‌ಕಾರ್ನ್‌ ಮಂಕಿ ಟೈಗರ್‌’ನಲ್ಲಿ ಮೊದಲ ಬಾರಿಗೆ ಒಟ್ಟಿಗೆ ಕಾಣಿಸಿಕೊಂಡ ಈ ಜೋಡಿ, ‘ಬಡವ ರಾಸ್ಕಲ್’ ಮೂಲಕ ಭರ್ಜರಿ ಹೆಸರು ಮಾಡಿತು. ಈ ಮಧ್ಯೆ ‘ಡಾಲಿ’ ಧನಂಜಯ್ ಗೋಲ್ಡನ್ ಸ್ಟಾರ್’ ಗಣೇಶ್ ಅವರ ‘ಗೋಲ್ಡನ್ ಗ್ಯಾಂಗ್’ ರಿಯಾಲಿಟಿ ಶೋನಲ್ಲಿ ಡಾಲಿ ಅಮೃತಾಗೆ ಪ್ರಪೋಸ್ ಮಾಡಿದ್ದರು. ಇದು ಸಖತ್‌ ಸುದ್ದಿಯಾಗಿತ್ತು. ಆದರೆ ಇದೀಗ ಅಮೃತಾ ಅವರು ʻತಮ್ಮ ಮಧ್ಯೆ ಅಂತಹದ್ದೇನೂ ಇಲ್ಲ. ಈ ಗಾಸಿಪ್‌ಗಳಿಂದಾಗಿ ಡಾಲಿಗೆ ಹೆಣ್ಣು ಕೊಡುತ್ತಿಲ್ಲʼ ಎಂದು ಸಂದರ್ಶವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ನಟ ಧನಂಜಯ್ ಹಾಗೂ ಅಮೃತಾ ಅಯ್ಯಂಗಾರ್ ಒಳ್ಳೆಯ ಸ್ನೇಹಿತರು. ಈ ವಿಚಾರದಲ್ಲಿ ಅವರು ಅನೇಕ ಬಾರಿ ಸ್ಪಷ್ಟನೆ ನೀಡಿದ್ದಾರೆ. ಈಗ ಧನಂಜಯ್ ಹಾಗೂ ಅಮೃತಾ ಒಟ್ಟಾಗಿ ನಟಿಸಿದ ಮೂರನೇ ಸಿನಿಮಾ ‘ಹೊಯ್ಸಳ’ ಬಿಡುಗಡೆಗೆ ತಯಾರಾಗಿದೆ. ಇದೇ ಮಾರ್ಚ್ 30ರಂದು ತೆರೆಗೆ ಬರುತ್ತಿದೆ. ಈ ಚಿತ್ರದ ಬಗ್ಗೆ ಮಾತನಾಡುವಾಗ ಅಮೃತಾ ಅವರು ಧನಂಜಯ್ ವಿಚಾರದಲ್ಲಿ ಸ್ಪಷ್ಟನೆ ನೀಡಿದ್ದಾರೆ. ಇವರ ಮಧ್ಯೆ ಪ್ರೀತಿ ಇದೆ ಎನ್ನುವ ಸುದ್ದಿಯ ಕಾರಣಕ್ಕೆ ಅನೇಕರು ಧನಂಜಯ್ ಅವರಿಗೆ ಹೆಣ್ಣು ನೀಡುತ್ತಿಲ್ಲವಂತೆ. ನಟಿ ಮಾತನಾಡಿ ʻʻಧನಂಜಯ್ ಜತೆ ಫೋಟೊ ಹಾಕಿದಾಗ, ಹಿರಿಯ ನಟರು ಸಿಕ್ಕಾಗ ಇದೇ ವಿಚಾರ ಕೇಳುತ್ತಾರೆ. ಸಂಬಂಧಿಕರು ಈ ಬಗ್ಗೆ ಮಾತನಾಡುತ್ತಾರೆ. ಆಗ ನಾನು ಸ್ಪಷ್ಟನೆ ಕೊಡುತ್ತೇನೆ. ಇದನ್ನು ಹೇಗೆ ನಿಲ್ಲಿಸಬೇಕು ಎಂದು ಗೊತ್ತಾಗುತ್ತಿಲ್ಲ. ಸೆಟ್ನಲ್ಲಿ ಈ ತರಹ ರೀಲ್ಸ್ ಮಾಡಿ ನನಗೆ ಹೆಣ್ಣು ಕೊಡ್ತಿಲ್ಲ ಎಂದು ಧನಂಜಯ್ ರೇಗಿಸುತ್ತಿದ್ದರುʼʼ ಎಂದು ಹೇಳಿಕೊಂಡಿದ್ದಾರೆ.
‘ಗೋಲ್ಡನ್ ಗ್ಯಾಂಗ್ ಕಾರ್ಯಕ್ರಮಕ್ಕೆ ಬಂದಾಗ ಧನಂಜಯ್ ಅವರು ಪ್ರಪೋಸ್ ಮಾಡಿದ್ದ ವಿಡಿಯೊ ವೈರಲ್ ಆಗಿತ್ತು. ಅದು ನಮಗೆ ನೀಡಿದ ಟಾಸ್ಕ್ ಆಗಿತ್ತು. ನಾನು ಈ ಮೊದಲು ಕ್ಲ್ಯಾರಿಟಿ ಕೊಟ್ಟಿದ್ದೆ. ಧನಂಜಯ್ ಜತೆ ಸಿನಿಮಾ ಮಾಡಬೇಕು ಎಂದಾಗ ಜನ ಟ್ರೋಲ್ ಮಾಡಬಹುದು ಎನ್ನುವ ಭಯ ಕಾಡಿತು. ಆದರೆ ನಮ್ಮದು ಹಿಟ್ ಜೋಡಿ. ಟ್ರೋಲ್ ಮಾಡುತ್ತಾರೆ ಎಂದು ನಾನು ಎಂದಿಗೂ ಹಿಂಜರಿದಿಲ್ಲ. ಧನಂಜಯ್ ಜತೆ ಕೆಲಸ ಮಾಡಲು ಖುಷಿ ಎನಿಸುತ್ತದೆ’ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: Hoysala Movie: ಡಾಲಿ ಧನಂಜಯ್ ಅಭಿನಯದ ʻಹೊಯ್ಸಳʼ ಸಿನಿಮಾದ ಟ್ರೈಲರ್‌ ದಿನಾಂಕ ಪ್ರಕಟ
ಧನಂಜಯ್ ಮತ್ತು ಅಮೃತಾ ಅಯ್ಯಂಗಾರ್ ಒಟ್ಟಿಗೆ ನಟಿಸಿರುವ ‘ಬಡವ ರಾಸ್ಕಲ್’ ಸಿನಿಮಾ ಡಿ.24ರಂದು ತೆರೆಗೆ ಬಂದಿತ್ತು. ಚಿತ್ರ ತೆರೆಕಂಡ ಬಹುತೇಕ ಎಲ್ಲ ಕಡೆ ಹೌಸ್ ಫುಲ್ ಪ್ರದರ್ಶನ ಕಂಡಿದೆ. ಇದೀಗ ಹೊಯ್ಸಳ ಸಿನಿಮಾದಲ್ಲಿ ಜೋಡಿ ತೆರೆ ಮೇಲೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದೆ. ಡಾಲಿ ಧನಂಜಯ್ ಪೊಲೀಸ್ ಆಗಿ ಕಂಡರೆ, ಅಮೃತಾ ಗೃಹಿಣಿಯಾಗಿ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಹೊಯ್ಸಳ ಸಿನಿಮಾ
ಧನಂಜಯ್ ಮತ್ತು ಅಮೃತಾ ಅಯ್ಯಂಗಾರ್ ಒಟ್ಟಿಗೆ ನಟಿಸಿರುವ ‘ಬಡವ ರಾಸ್ಕಲ್’ ಸಿನಿಮಾ ಡಿ.24ರಂದು ತೆರೆಗೆ ಬಂದಿತ್ತು. ಚಿತ್ರ ತೆರೆಕಂಡ ಬಹುತೇಕ ಎಲ್ಲ ಕಡೆ ಹೌಸ್ ಫುಲ್ ಪ್ರದರ್ಶನ ಕಂಡಿದೆ. ಇದೀಗ ಹೊಯ್ಸಳ ಚಿತ್ರದ ನಿರ್ದೇಶಕ ವಿಜಯ್. ಎನ್ ಈ ಸಿನಿಮಾದಲ್ಲಿ ಡಾಲಿ ಧನಂಜಯ್ ಅವರನ್ನು ವಿಭಿನ್ನವಾಗಿಯೇ ತೋರಿಸಿದ್ದಾರೆ. ಹೊಯ್ಸಳ ಸಿನಿಮಾ ಪೊಲೀಸ್ ಆಫೀಸರ್ ಒಬ್ಬರ ಲೈಫ್ಲ್ಲಿ ನಡೆದ ರಿಯಲ್ ಘಟನೆಯನ್ನೇ ಆಧರಿಸಿದೆ. ಧನಂಜಯ್ ನಟನೆಯ ಈ ಚಿತ್ರಕ್ಕೆ ಕಾರ್ತಿಕ್ ಗೌಡ ಹಾಗೂ ಯೋಗಿ. ಜಿ. ರಾಜ್ ಬಂಡವಾಳ ಹೂಡಿದ್ದಾರೆ.