ಮುಂಬೈ: ಶಾರುಖ್‌ ಖಾನ್‌ ನಟನೆಯ ಜವಾನ್‌ ಸಿನಿಮಾದ ಹಾಡೊಂದು ಸೋಮವಾರ ಬಿಡುಗಡೆಯಾಗಿದೆ. ಶಾರುಖ್‌ ಅವರು ಮಸ್ತ್‌ ಆಗಿ ಡ್ಯಾನ್ಸ್‌ ಮಾಡಿರುವ ಈ ಹಾಡು ಬಿಡುಗಡೆಯಾದಾಗಿನಿಂದ ಜನರ ಮನಸ್ಸನ್ನು ಕದಿಯುವಲ್ಲಿ ಯಶಸ್ವಿಯಾಗಿದೆ. ಈ ಹಾಡು ಸಾಮಾನ್ಯ ಜನರಷ್ಟೇ ಅಲ್ಲದೆ ದೊಡ್ಡ ದೊಡ್ಡ ಉದ್ಯಮಿಗಳ ಕಣ್ಣಿಗೂ ಬಿದ್ದಿದ್ದು, ಅವರೂ ಕೂಡ ವಿಡಿಯೊ ನೋಡಿ ವಾವ್ಹಾ ಎಂದು ಉದ್ಗರಿಸಲಾರಂಭಿಸಿದ್ದಾರೆ. ಅದರಂತೆ ಉದ್ಯಮಿ ಆನಂದ್‌ ಮಹೀಂದ್ರಾ ಅವರು ಕೂಡ ಆಶ್ಚರ್ಯಚಕಿತರಾಗಿದ್ದು, ಶಾರುಖ್‌ ಅವರ ಬಗ್ಗೆ ಟ್ವೀಟ್‌ ಒಂದನ್ನು ಮಾಡಿದ್ದಾರೆ.
ಶಾರುಖ್‌ ಅವರು ತಮ್ಮ 57ನೇ ವರ್ಷದಲ್ಲೂ ಫುಲ್‌ ಎನರ್ಜಿ ಹಾಕಿ ಜವಾನ್‌ ಸಿನಿಮಾದ ಹಾಡಿನಲ್ಲಿ ನೃತ್ಯ ಮಾಡಿದ್ದಾರೆ. ಇದೇ ವಿಚಾರವಾಗಿ ಟ್ವೀಟ್‌ ಮಾಡಿರುವ ಆನಂದ್‌ ಮಹೀಂದ್ರಾ ಅವರು, “ಈ ನಾಯಕನಿಗೆ 57 ವರ್ಷ? ಸ್ಪಷ್ಟವಾಗಿ ಇವರ ವಯಸ್ಸಿನ ಪ್ರಕ್ರಿಯೆ ಗುರುತ್ವಾಕರ್ಷಣೆ ಬಲಗಳನ್ನೂ ವಿರೋಧಿಸುತ್ತಿವೆ. ಇವರು ಈಗಿನ ಸಾಮಾನ್ಯ ಜನರಿಗಿಂತ ಹತ್ತು ಪಟ್ಟು ಹೆಚ್ಚು ಆಕ್ಟಿವ್‌ ಆಗಿದ್ದಾರೆ ” ಎಂದು ಟ್ವೀಟ್‌ ಮಾಡಿದ್ದಾರೆ.
This hero is 57 years old?? Clearly his ageing process defies gravitational forces! He’s 10X as alive as most people. #ZindaBanda ho to aisa…
— anand mahindra (@anandmahindra) August 1, 2023
pic.twitter.com/3Qaa2iC30U
ಈ ಟ್ವೀಟ್‌ ಅನ್ನು ನೋಡಿರುವ ನಟ ಶಾರುಖ್‌ ಖಾನ್‌ ಅವರು ಅದಕ್ಕೆ ಪ್ರತಿಕ್ರಿಯೆಯನ್ನೂ ಕೊಟ್ಟಿದ್ದಾರೆ. “ಆನಂದ್‌ ಮಹೀಂದ್ರಾ ಸರ್‌, ಜೀವನ ತುಂಬಾ ಚಿಕ್ಕದಾಗಿದೆ. ಹಾಗೆಯೇ ವೇಗವಾಗಿ ಸಾಗುತ್ತದೆ ಕೂಡ. ನಾನು ಜೀವನವನ್ನು ಮುಂದುವರಿಸಿಕೊಂಡು ಹೋಗಲು ಯತ್ನಿಸುತ್ತಿದ್ದೇನೆ. ನಗು, ಅಳು, ಅಲುಗಾಡಿ, ಹಾರಿ ಹೀಗೆ ಏನು ಬೇಕಾದರೂ ಮಾಡಿ ಮನರಂಜನೆ ನೀಡಲು ಯತ್ನಿಸುತ್ತೇನೆ. ಕೆಲವರನ್ನು ಆಶಾದಾಯಕವಾಗಿ ನಕ್ಷತ್ರಗಳೊಂದಿಗೆ ಕಳೆಯುವಂತೆ ಮಾಡಬೇಕು. ಕೆಲವೇ ಕ್ಷಣ ಸಂತೋಷದ ಕನಸನ್ನು ಕಾಣಬೇಕು” ಎಂದು ಬರೆದುಕೊಂಡಿದ್ದಾರೆ.
@anandmahindra Life is so short and fast sir, just trying to keep up with it. Try and entertain as many whatever it takes….laugh..cry…shake…or fly…hopefully make some to swim with the stars….dream for a few moments of joy. https://t.co/3bP8Xth1yG
— Shah Rukh Khan (@iamsrk) August 2, 2023
ಆನಂದ್‌ ಮಹೀಂದ್ರಾ ಅವರು ಶಾರುಖ್‌ ಅವರು ಬಗ್ಗೆ ಆಗಸ್ಟ್‌ 1ರಂದೇ ಟ್ವೀಟ್‌ ಮಾಡಿದ್ದಾರೆ. ಆ ಟ್ವೀಟ್‌ ಜತೆಗೆ ಶಾರುಖ್‌ ಅವರ ಹೊಸ ಸಿನಿಮಾದ ಹಾಡನ್ನೂ ಹಂಚಿಕೊಂಡಿದ್ದಾರೆ. ಅವರು ಟ್ವೀಟ್‌ ಮಾಡಿದಾಗಿನಿಂದ ಇಂದಿನವರೆಗೆ ಟ್ವೀಟ್‌ 12 ಲಕ್ಷಕ್ಕೂ ಅಧಿಕ ಮಂದಿಯಿಂದ ವೀಕ್ಷಣೆಗೊಂಡಿದೆ. ಸಾವಿರಾರು ಮಂದಿ ಟ್ವೀಟ್‌ಗೆ ಲೈಕ್‌ಗಳನ್ನು ಮಾಡಿದ್ದಾರೆ, ಮತ್ತು ತಮ್ಮ ವಾಲ್‌ಗಳಿಗೆ ರಿಟ್ವೀಟ್‌ ಅನ್ನೂ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: Viral News : ಗಾಯಕಿ ಸಿಟ್ಟಿನಿಂದ ಎಸೆದಿದ್ದ ಮೈಕ್‌ಗೆ ಭಾರೀ ಡಿಮ್ಯಾಂಡ್‌! ಹರಾಜಾಗುತ್ತಿರುವ ಆ ಮೈಕ್‌ ಬೆಲೆ ಎಷ್ಟು ನೋಡಿ!
ಈ ವಿಡಿಯೊಗೆ ಶಾರುಖ್‌ ಅವರ ಅಭಿಮಾನಿಗಳು ಸೇರಿದಂತೆ ಹಲವಾರು ಮಂದಿ ಮೆಚ್ಚುಗೆಯ ಕಮೆಂಟ್‌ಗಳ ಸುರಿಮಳೆಯನ್ನೇ ಸುರಿಸಿದ್ದಾರೆ. “ಆನಂದ್‌ ಮಹೀಂದ್ರಾ ಸರ್‌ ಹೇಳುತ್ತಿರುವುದು ನಿಜವಾಗಿದೆ”, “ಶಾರುಖ್‌ ಖಾನ್‌ ಅವರಿಗೆ ದೊಡ್ಡ ಅಭಿಮಾನಿ ಬಳಗವೇ ಇದೆ. ಅದರಲ್ಲಿ ಉದ್ಯಮಿಗಳೂ ಸೇರಿದ್ದಾರೆ ಎನ್ನುವುದು ವಿಶೇಷ”, “ಶಾರುಖ್‌ ಅದೆಷ್ಟು ಪ್ರತಿಭೆಯನ್ನು ಹೊಂದಿದ್ದಾರೆ, ದೊಡ್ಡ ಉದ್ಯಮಿ ಕೂಡ ಅವರನ್ನು ಹೊಗಳದೆ ಇರಲಾರದಾದರು”, ಒಬ್ಬ ಲೆಜೆಂಡ್‌ ಇನ್ನೊಬ್ಬ ಲೆಜೆಂಡ್‌ ಅನ್ನು ಹೊಗಳುತ್ತಿರುವುದನ್ನು ನೋಡಿ”, “ಶಾರುಖ್‌ ಖಾನ್‌ ದೇಶದ ಅತಿದೊಡ್ಡ ಮೆಗಾಸ್ಟಾರ್‌. ವಯಸ್ಸಿಗೂ ಮೀರಿದ ಶಕ್ತಿ ಅವರಲ್ಲಿದೆ ಏಕೆಂದರೆ ಅವರು ತಮ್ಮ ಅಭಿಮಾನಿಗಳ ಮೇಲೆ ಅಷ್ಟೊಂದು ಪ್ರೀತಿ ಇಟ್ಟುಕೊಂಡಿದ್ದಾರೆ. ಅವರಿಗೋಸ್ಕರ ಏನನ್ನಾದರೂ ಮಾಡುವುದಕ್ಕೆ ಸಿದ್ಧರಿದ್ದಾರೆ” ಎಂದು ಕಾಮೆಂಟ್‌ಗಳಲ್ಲಿ ಜನರು ಹೇಳಲಾರಂಭಿಸಿದ್ದಾರೆ.