ಬೆಂಗಳೂರು: ಸ್ಯಾಂಡಲ್‌ವುಡ್‌ನ ಹೊಸ ಚಿತ್ರ ʻತಿಮ್ಮಯ್ಯ ಆ್ಯಂಡ್‌ ತಿಮ್ಮಯ್ಯʼ ಚಿತ್ರದ ಟೀಸರ್‌ ಬಿಡುಗಡೆಗೊಂಡಿದೆ. ಅನಂತ್‌ನಾಗ್‌ (Anant Nag) ಹಾಗೂ ದೂದ್‌ ಪೇಡ ದಿಗಂತ್‌ ಕಾಂಬಿನೇಶನ್‌ನ ಈ ಸಿನಿಮಾ ಅಜ್ಜ ಮತ್ತು ಮೊಮ್ಮಗನ ಕಥೆಯನ್ನು ಒಳಗೊಂಡಿದೆ. ಟೀಸರ್‌ ನೋಡುವಾಗ ಸೀನಿಯರ್ ತಿಮ್ಮಯ್ಯ ಮತ್ತು ಜ್ಯೂನಿಯರ್‌ ತಿಮ್ಮಯ್ಯನ ಭಾವನಾತ್ಮಕ ಪಯಣ ಇದೆ.
ನಟ ಅನಂತ್‌ ನಾಗ್‌ ಅವರು ಈ ಚಿತ್ರದಲ್ಲಿ ಅಜ್ಜನ ಪಾತ್ರ ನಿರ್ವಹಿಸಿದ್ದು, ಮೊಮ್ಮಗನ ಜತೆಗಿನ ಭಾವನಾತ್ಮಕ ಸಂಬಂಧಗಳ ಕಥೆಯನ್ನು ಇಲ್ಲಿ ಅಭಿನಯಿಸಿರುವಂತಿದೆ. ದಿಗಂತ್‌ ಅವರ ಪಂಚಿಂಗ್‌ ಡೈಲಾಗ್‌ ಮೂಲಕ ನೋಡುಗರನ್ನು ಸೆಳೆಯುತ್ತಿದೆ ಚಿತ್ರದ ಟೀಸರ್‌. ನಟಿ ಶುಭ್ರಾ ಅಯ್ಯಪ್ಪ ಕೂಡ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.ʻತಿಮ್ಮಯ್ಯ ಆ್ಯಂಡ್‌ ತಿಮ್ಮಯ್ಯʼ ಸಿನಿಮಾದಲ್ಲಿ ಐಂದ್ರಿತಾ ರೇ ಕೂಡ ಅಭಿನಯಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ | Bachelor Party | ‘ಬ್ಯಾಚುಲರ್‌ ಪಾರ್ಟಿ’ಗೆ ಸಜ್ಜಾದರು ರಿಷಬ್‌, ದಿಗಂತ್‌ & ಅಚ್ಯುತ್‌ ಕುಮಾರ್..!
ಈ ಚಿತ್ರಕ್ಕೆ ಸಂಜಯ್‌ ಶರ್ಮಾ ಅವರ ನಿರ್ದೇಶನ, ಅನೂಪ್‌ ಸಿಳೀನ್‌ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಪ್ರಮೋದ್‌ ಮರವಂತೆ ಚಿತ್ರಕ್ಕೆ ಲಿರಿಕ್ಸ್‌ ಬರೆದಿದ್ದಾರೆ. ಬಾಲಕೃಷ್ಣಾ ತೋಟ ಅವರ ಛಾಯಾಗ್ರಹಣ ಇದ್ದರೆ, ರಾಕೇಶ್‌ ಶರ್ಮಾ ಬಂಡವಾಳ ಹಾಕಿದ್ದಾರೆ.
ಇದನ್ನೂ ಓದಿ | Ananth nag birthday | ಸ್ಯಾಂಡಲ್‌ವುಡ್‌ ಲೆಜೆಂಡ್‌, ಕನ್ನಡಿಗರ ಅಚ್ಚುಮೆಚ್ಚಿನ ನಟ ಅನಂತ್‌ ನಾಗ್‌ @75..!