ಸೋನಂ ಕಪೂರ್ ಅವರ ತಂದೆ ಬಾಲಿವುಡ್‌ ಹಿರಿಯ ನಟ ಅನಿಲ್ ಕಪೂರ್ ಅವರು ಡಿಸೆಂಬರ್‌ 24ರ ಶನಿವಾರ 66ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಇದೀಗ ಸೋನಂ ಕಪೂರ್ ತಂದೆಗೆ ವಿಶೇಷ ಪೋಸ್ಟ್ ಮೂಲಕ ಶುಭ ಕೋರಿದ್ದಾರೆ. ಮಗ ವಾಯು ‘ಅಜ್ಜ’ನ ಜತೆ ಎಂದು ಕ್ಯಾಪ್ಷನ್‌ ನೀಡಿ ನಟಿ ಫೋಟೊ ಒಂದನ್ನು ಶೇರ್‌ ಮಾಡಿಕೊಂಡಿದ್ದಾರೆ.ʻಮೇರಿ ಜಂಗ್ʼ, ʻಕರ್ಮʼ, ʻಜನಬಾಜ್ʼ, ʻಆಪ್ ಕೆ ಸಾಥ್ʼ, ʻಮಿಸ್ಟರ್ ಇಂಡಿಯಾʼ ʻಘರ್ ಹೋ ತೋ ಐಸಾʼ, ʻಆವರ್ಗಿʼ, ʻಬೇನಾಮ್ ಬಾದಶಾʼ ಮುಂತಾದ ಸಿನಿಮಾಗಳ ಅಭಿನಯಕ್ಕಾಗಿ ಹೆಸರುವಾಸಿಯಾಗಿದ್ದಾರೆ ಅನಿಲ್ ಕಪೂರ್.ಶುಕ್ರವಾರ ರಾತ್ರಿ ನಟಿ ಸೋನಂ ಕಪೂರ್ ಇನ್‌ಸ್ಟಾದಲ್ಲಿ ಪೋಸ್ಟ್ ಮಾಡಿದ್ದು, ʻʻಅಜ್ಜ ಹಾಗೂ ನನ್ನ ಮಗʼʼ ಎಂದು ಫೋಟೊ ಒಂದನ್ನು ಶೇರ್‌ ಮಾಡಿಕೊಂಡಿದ್ದಾರೆ. ʻʻವಿಶ್ವದ ಅತ್ಯುತ್ತಮ ತಂದೆಗೆ ಜನ್ಮದಿನದ ಶುಭಾಶಯಗಳು. ನಾನು ನಿಮ್ಮನ್ನು ತುಂಬ ಪ್ರೀತಿಸುತ್ತೇನೆ. ನೀವು ನಮಗಾಗಿ ಎಲ್ಲವೂ ಮಾಡಿದ್ದೀರಿ, ನೀವು ನಮಗೆ ಶ್ರೇಷ್ಠ ಅಪ್ಪ. ಲವ್ ಯೂ ಡ್ಯಾಡಿ ಎಂದುʼʼ ಸೋನಂ ಕಪೂರ್ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.ಪೋಸ್ಟ್ ಅನ್ನು ಹಂಚಿಕೊಂಡ ಕೂಡಲೇ, ಅನಿಲ್ ಕಪೂರ್ ಅವರ ಅಭಿಮಾನಿಗಳು ಹಾಗೂ ಬಾಲಿವುಡ್‌ ತಾರೆಯರು ಶುಭಾಶಯ ತಿಳಿಸಿದ್ದಾರೆ.ಅನಿಲ್ ಕಪೂರ್ ಅವರನ್ನು ರೆಟ್ರೋ ನಟ ಎಂದು ಹೇಳಲು ಸಾಧ್ಯವೇ ಇಲ್ಲ. ಇಂದಿಗೂ ತಮ್ಮ ಫಿಟ್‌ನೆಸ್‌ನೊಂದಿಗೆ ತನಗಿಂತ ಕಿರಿಯ ನಟರೊಂದಿಗೆ ಕಾಂಪಿಟ್ ಮಾಡುತ್ತಿದ್ದಾರೆ. ಹಿರಿಯ ಚಲನಚಿತ್ರ ನಿರ್ಮಾಪಕ ಸುರಿಂದರ್ ಕಪೂರ್ ಮತ್ತು ನಿರ್ಮಲ್ ಕಪೂರ್ ಅವರ ಎರಡನೇ ಮಗನಾಗಿ ಜನಿಸಿದ ಅನಿಲ್ ಕಪೂರ್, 1980ರ ದಶಕದಲ್ಲಿ ಹಿಟ್‌ ಸಿನಿಮಾಗಳನ್ನು ನೀಡಿದ್ದಾರೆ.ʻಸಾವರಿಯಾʼ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟ ಚೆಲುವೆ ಸೋನಂ ಕಪೂರ್. ಅನಿಲ್ ಕಪೂರ್ ಅವರ ಮಗಳು ಎಂದು ಪರಿಚಿತರಾದರೂ ನಂತರ ತನ್ನದೇ ಪ್ರತಿಭೆಯಿಂದ ಚಿತ್ರರಂಗದಲ್ಲಿ ಛಾಪು ತೋರಿಸಿದ ನಟಿ. ಸೋನಂ ಕಪೂರ್ 2018 ರಲ್ಲಿ ತನ್ನ ಬಹುಕಾಲದ ಗೆಳೆಯ ಆನಂದ್ ಅಹುಜಾ ಅವರನ್ನು ವಿವಾಹವಾದರು. ದಾಂಪತ್ಯ ಜೀವನವನ್ನು ಬಹುಕಾಲ ಎಂಜಾಯ್ ಮಾಡಿರುವ ಈ ನಟಿ ಆಗಸ್ಟ್ 20 ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದರು.ಅನಿಲ್ ಕಪೂರ್ ʻಸ್ಲಂ ಡಾಗ್‌ ಮಿಲಿಯನೇರ್‌ʼ, ಮಿಷನ್‌ ಇಂಪಾಸಿಬಲ್‌: ಘೋಸ್ಟ್‌ ಪ್ರೋಟೋಕಾಲ್‌ʼನಂತಹ ಹಾಲಿವುಡ್‌ ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ.ಅನಿಲ್ ಕಪೂರ್ ಮಾಡೆಲ್ ಸುನಿತಾ ಕಪೂರ್ ಅವರನ್ನು ವಿವಾಹವಾದರು. ದಂಪತಿಗೆ ಮೂವರು ಮಕ್ಕಳಿದ್ದಾರೆ , ನಟಿ ಸೋನಂ ಕಪೂರ್ , ಸ್ಟೈಲಿಸ್ಟ್-ನಿರ್ಮಾಪಕಿ ರಿಯಾ ಕಪೂರ್ ಮತ್ತು ಯುವ ನಟ ಹರ್ಷವರ್ಧನ್ ಕಪೂರ್.
