ಬೆಂಗಳೂರು: ನಟಿ ಅನುಪಮಾ ಪರಮೇಶ್ವರನ್ (Anupama Parameswaran) ತೆಲುಗಿನಲ್ಲಿ ಬ್ಯುಸಿ ನಾಯಕಿಯಾಗಿದ್ದಾರೆ. ಅನುಪಮಾ ಅವರ ಬಹು ನಿರೀಕ್ಷಿತ ‘ತಿಲ್ಲು ಸ್ಕ್ವೇರ್’ ಈ ವರ್ಷ ಬಿಡುಗಡೆಯಾಗಲಿದೆ. ರವಿತೇಜ ಮತ್ತು ಕಾರ್ತಿಕ್ ಘಟ್ಟಮನೇನಿ ಅವರೊಂದಿಗಿನ ಅವರ ‘ಹದ್ದು’ ಸಿನಿಮಾ ಮುಂದಿನ ವರ್ಷ ತೆರೆಗೆ ಬರಲಿದೆ. ಇದೀಗ ನಟಿ ಸಿನಿಮಾ ಹೊರತಾಗಿ ಟ್ಯಾಟೂ ವಿಚಾರಕ್ಕೆ ಸಖತ್‌ ಸುದ್ದಿಯಲ್ಲಿದ್ದಾರೆ. ಹಳದಿ ಬಣ್ಣದ ಉಡುಗೆ ತೊಟ್ಟು, ಎದೆ ಭಾಗದಲ್ಲಿ ಹಾಕಿಸಿಕೊಂಡಿರುವ ಟ್ಯಾಟೂ ಕಾಣುವ ರೀತಿಯಲ್ಲಿ ಪೋಸ್ ಕೊಟ್ಟಿದ್ದಾರೆ ಅನುಪಮಾ. ಈ ಫೋಟೊಗಳನ್ನು ಇನ್‌ಸ್ಟಾದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.
ನಟಿ ಸಿನಿಮಾಗಳಲ್ಲಿ ಬ್ಯಾಕ್-ಟು-ಬ್ಯಾಕ್ ಶೆಡ್ಯೂಲ್‌ಗಳಲ್ಲಿ ನಿರತರಾಗಿದ್ದಾರೆ. ಹಳದಿ ಬಣ್ಣದ ಡ್ರೆಸ್‌ನಲ್ಲಿ ಮೊಬೈಲ್‌ ಹಿಡಿದು ಸೆಲ್ಫಿ ಹಂಚಿಕೊಂಡಿದ್ದಾರೆ. ಎದೆ ಭಾಗದಲ್ಲಿ ಹಾಕಿಸಿಕೊಂಡಿರುವ ಟ್ಯಾಟೂ ಫೋಟೊದಲ್ಲಿ ಹೈಲೈಟ್‌ ಆಗಿದೆ.ಈ ಫೋಟೋಗೆ ಬಹುತೇಕರು ನೆಗೆಟಿವ್ ಕಮೆಂಟ್ ಹಾಕಿದ್ದಾರೆ. ‘ನಿಮ್ಮ ಮೇಲಿದ್ದ ಗೌರವ ಕಡಿಮೆ ಆಗುತ್ತಿದೆ’ ಎಂದು ಅನೇಕರು ಹೇಳಿದ್ದಾರೆ.‘ನಿಜಕ್ಕೂ ಇದು ನೀವೇನಾ? ನಿಮ್ಮನ್ನು ಈ ರೀತಿ ನೋಡಲು ನಾವು ಇಷ್ಟಪಡಲ್ಲ’ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ.
ಕನ್ನಡ ಸಿನಿಮಾ ರಂಗದಲ್ಲಿ ಡಾ ಪುನೀತ್‌ ರಾಜ್ಕುಮಾರ್ ಅಭಿನಯದ ‘ನಟ ಸಾರ್ವಭೌಮ ಸಿನಿಮಾ ಮೂಲಕ ಮನಗೆದ್ದಿದ್ದಾರೆ. ನಟಿ ಅನುಪಮಾ ಪರಮೇಶ್ವರನ್ ಕೆಲವು ದಿನಗಳ ಹಿಂದೆ ʻʻಹೀರೋಯಿನ್ ಅಲ್ಲ ಎಂಬʼʼ ನೆಟ್ಟಿಗರ ಕಮೆಂಟ್‌ಗೆ ಕ್ಲಾಸ್‌ ತೆಗೆದುಕೊಂಡಿದ್ದರು.
ಇದನ್ನೂ ಓದಿ: Viral News: ಟ್ಯಾಟೂ ಅಲ್ಲ! ಚರ್ಮದೊಳಗೆ ಹರಿದಾಡುತ್ತಿರುವ ನೂರಾರು ಲಾರ್ವಗಳ ಅಪರೂಪದ ಕಾಯಿಲೆಯಿದು
ಕೆಲವು ದಿನಗಳ ಹಿಂದೆ ನಟಿ ಫೋಟೊ ಒಂದಕ್ಕೆ ನೆಟ್ಟಿಗರೊಬ್ಬರು ʻʻಈಕೆ ಹೀರೋಯಿನ್ ಮಟೀರಿಯಲ್ ಅಲ್ಲ’ ಎಂದು ಕಮೆಂಟ್ ಮಾಡಿದ್ದರು. ಟ್ರೋಲ್‌ ಮಾಡಿದಕ್ಕಾಗಿ ನೆಟ್ಟಿಗನ ವಿರುದ್ದ ‘ಹೌದು, ನಾನು ಹೀರೊಯಿನ್ ಟೈಪ್ ಅಲ್ಲ. ನಾನು ನಟಿ ಟೈಪ್’ ಯಾರು ಬೇಕಾದರೂ ಹೀರೋಯಿನ್ ಎನಿಸಿಕೊಳ್ಳಬಹುದು. ಆದರೆ ನಟಿ ಎನಿಸಿಕೊಳ್ಳಲು ಅಭಿನಯ ಬರಬೇಕು. ಹಾಗಾಗಿ ತಮ್ಮನ್ನು ಹೀರೊಯಿನ್ ಎಂಬುದಕ್ಕಿಂತಲೂ ನಟಿ ಎಂದು ಕರೆದರೆ ಹೆಚ್ಚು ಸೂಕ್ತ ಎಂದು ಅನುಪಮಾ ಪರಮೇಶ್ವರನ್ ನೆಟ್ಟಿಗನಿಗೆ ತರಾಟೆ ತೆಗೆದುಕೊಂಡಿದ್ದರು.