ಬೆಂಗಳೂರು : ಜೇಮ್ಸ್ ಕ್ಯಾಮರೂನ್ ನಿರ್ದೇಶನದ ಅವತಾರ್: ದಿ ವೇ ಆಫ್ ವಾಟರ್ (Avatar: The Way of Water) ಈಗಾಗಲೇ ಭಾರತೀಯ ಬಾಕ್ಸ್‌ ಆಫೀಸ್‌ನಲ್ಲಿ ಉತ್ತಮ ಗಳಿಕೆ ಕಂಡಿದೆ. ಮೊದಲ ದಿನ ಶುಕ್ರವಾರ ಡಿಸೆಂಬರ್‌ 16 ಚಿತ್ರ ಅಂದಾಜು ₹38-40 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ವರದಿ ಆಗಿದೆ. ಅವೆಂಜರ್ಸ್: ಇನ್ಫಿನಿಟಿ ವಾರ್ (avengers infinity war) ಮತ್ತು ಸ್ಪೈಡರ್ ಮ್ಯಾನ್: ನೋ ವೇ ಹೋಮ್‌ನ (spider man no way home) ಆರಂಭಿಕ ದಿನದ ಕಲೆಕ್ಷನ್‌ಗಳನ್ನು ಮೀರಿಸಿದೆ. ಆದರೂ ದೇಶ ಕಂಡ ಅತಿದೊಡ್ಡ ಹಾಲಿವುಡ್ ಓಪನರ್ ಅವೆಂಜರ್ಸ್: ಎಂಡ್‌ಗೇಮ್ (avengers endgame) ಅನ್ನು ಮೀರಿಸಲು ಅವತಾರ್-2ಗೆ ಸಾಧ್ಯವಾಗಿಲ್ಲ.
ಅವೆಂಜರ್ಸ್: ಇನ್ಫಿನಿಟಿ ವಾರ್ ಮೊದಲ ದಿನ ₹31 ಕೋಟಿ, ಮತ್ತು ಸ್ಪೈಡರ್ ಮ್ಯಾನ್: ನೋ ವೇ ಹೋಮ್ ₹32 ಕೋಟಿ ಕಲೆಕ್ಷನ್ ಮಾಡಿತ್ತು. ಅವೆಂಜರ್ಸ್: ಎಂಡ್‌ಗೇಮ್ ₹ 53 ಕೋಟಿ ಕಲೆಕ್ಷನ್ ಮಾಡಿ ದಾಖಲೆ ಸೃಷ್ಟಿಸಿತ್ತು. ಅವತಾರ್: ದಿ ವೇ ಆಫ್ ವಾಟರ್ ಈಗಾಗಲೇ ವಿಮರ್ಶಕರಿಂದ ಪ್ರಶಂಸೆಗೆ ಪಾತ್ರವಾಗಿದೆ. ಅಮೆರಿಕ ಮತ್ತು ಕೆನಡಾದಲ್ಲಿ 12,000 -40,000ಕ್ಕೂ ಹೆಚ್ಚು ಪರದೆಗಳಲ್ಲಿ ಅವತಾರ್-2 ಬಿಡುಗಡೆಯಾಗಿದೆ.
ಇದನ್ನೂ ಓದಿ | Avatar: The Way of Water | ಅವತಾರ್-2 ಬಿಡುಗಡೆಗೆ ಸಿದ್ಧ: ಚಿತ್ರದ ಒಟ್ಟು ಅವಧಿ ಎಷ್ಟು?
ಸುಮಾರು 3 ಗಂಟೆ 12 ನಿಮಿಷ 10 ಸೆಕೆಂಡುಗಳಿಗೂ ಹೆಚ್ಚು ಅವಧಿಯನ್ನು ಸಿನಿಮಾ ಹೊಂದಿದೆ. ಚಿತ್ರದಲ್ಲಿ ತಮ್ಮ ಬುಡಕಟ್ಟು ಜನಾಂಗವನ್ನು ಉಳಿಸುವ ಪ್ರಯತ್ನದಲ್ಲಿ ಜೀವದ ಹಂಗು ತೊರೆದು ಹೋರಾಡುವ ಅನ್ಯ ಜೀವಿಗಳ ರೋಚಕ ಯುದ್ಧದ ದೃಶ್ಯಗಳು ನೋಡುಗರನ್ನು ಅಚ್ಚರಿಗೊಳಿಸಿವೆ.
ಇದನ್ನೂ ಓದಿ | Avatar: The Way of Water | ಅವತಾರ್-2 ಸಿನಿಮಾ ವೀಕ್ಷಿಸಿ ಹಾಡಿ ಹೊಗಳಿದ ನಟ ಅಕ್ಷಯ್‌ ಕುಮಾರ್‌!