ಬೆಂಗಳೂರು: ಬಿಗ್ಬಾಸ್ ಕನ್ನಡ ಸೀಸನ್‌ 10 (BBK Season 10) ಹಲವು ವಿಶೇಷತೆಗಳೊಂದಿಗೆ ಶುರುವಾಗಿದೆ. ಆರಂಭದಲ್ಲೇ ಮನೆಯೊಳಗೆ ಬಿಸಿ ಬಿಸಿ ಚರ್ಚೆ ನಡೆಯುತ್ತಿದೆ. ಮನೆಗೆ ಡ್ರೋನ್ ಪ್ರತಾಪ್ ಮನೆಯೊಳಗೆ ಹೋದಾಗಿನಿಂದ ಸ್ಪರ್ಧಿಗಳ ಜತೆ ಬೆರೆಯುತ್ತಿಲ್ಲ ಎನ್ನುವ ಆರೋಪ ಕೇಳಿ ಬಂದಿದೆ. ಸೋಮವಾರ ಶಾಸಕ ಪ್ರದೀಪ್ ಈಶ್ವರ್‌ ದಿಢೀರ್‌ ಆಗಿ ಮನೆಯೊಳಗೆ ಬಂದು ಎಲ್ಲರಿಗೂ ಅಚ್ಚರಿ ಮೂಡಿಸಿದರು. ಮನೆಗೆ ಎಂಟ್ರಿ ಕೊಡುವಾಗ ಗುಡ್ ಇಂಪ್ರೆಶನ್, ಬ್ಯಾಡ್ ಇಂಪ್ರೆಶನ್ ಯಾರ ಮೇಲೆ ಇದೆ ಎಂದು ಹೇಳಲು ಹೇಳಿದರು. ಆಗ ಬಹುತೇಕ ಸ್ಪರ್ಧಿಗಳು ಬೆಟ್ಟು ಮಾಡಿ ತೋರಿಸಿದ್ದು ಡ್ರೋನ್ ಪ್ರತಾಪ್ ಅವರನ್ನು!
ರಕ್ಷಕ್ ಬುಲೆಟ್, ವಿನಯ್ ಗೌಡ, ನೀತು ವನಜಾಕ್ಷಿ, ಸಿರಿ, ಗೌರೀಶ್ ಅಕ್ಕಿ, ವರ್ತೂರು ಸಂತೋಷ್, ತುಕಾಲಿ ಸಂತು ಹಾಗೂ ಸ್ನೇಹಿತ್ ಗೌಡ ಮತ್ತಿತರರು ಡ್ರೋನ್ ಪ್ರತಾಪ್ ಬಗ್ಗೆ ತಮಗಾದ ಬ್ಯಾಡ್ ಇಂಪ್ರೆಶನ್ ವಿವರಿಸಿದರು. ಹೆಚ್ಚಾಗಿ ನಮಗೆ ಅವರು ಕನೆಕ್ಟ್ ಆಗುತ್ತಿಲ್ಲ. ಎಲ್ಲರ ಜತೆ ಬೆರೆಯುತ್ತಿಲ್ಲ ಎಂಬ ಕಾರಣ ಹಂಚಿಕೊಂಡರು.
ಗೌರೀಶ್ ಅಕ್ಕಿ ಕೂಡ “ಪ್ರತಾಪ್ ಅವರೇ ನಿಮಗೆ ಇದು ಒಳ್ಳೆಯದಲ್ಲ. ಹಿಂದಿನದ್ದೆಲ್ಲ ಮರೆತುಬಿಡಿ. ಹೊಸ ಜೀವನ ಶುರು ಮಾಡಿ’’ ಎಂದು ಕಿವಿಮಾತು ಹೇಳಿದರು. ಹೀಗೆ ಪ್ರತಿ‌ಸ್ಪರ್ಧಿಗಳು ಒಂದೊಂದೇ ಕಾರಣಗಳನ್ನು ತಿಳಿಸುತ್ತಿದ್ದಂತೆ ಪ್ರತಾಪ್ ತಿರುಗೇಟು ಕೊಟ್ಟರು.
ʼʼಎಲ್ಲದಕ್ಕೂ ಒಂದು ಟೈಮ್ ಬೇಕು. ನನಗೆ ನನ್ನದೇ ಆದ ಒಂದು ಟೈಮ್ ಬೇಕು. ನಾನು ಮಾಡ್ತಿರುವ ಕೆಲಸವನ್ನು ಮುಂದುವರಿಸಿಕೊಂಡು ಹೋಗುತ್ತೇನೆ. ಮೊದಲು ಡ್ರೋನ್ ಎಲ್ಲಿ ಎಂದು ಕೇಳುತ್ತಿದ್ದರು. ಈಗ ಡ್ರೋನ್ ಇದೆ. ಆಮೇಲೆ ಪರ್ಮಿಷನ್ ಎಲ್ಲಿ ಅಂತ ಕೇಳುತ್ತಿದ್ದರು. ಆ ಪರ್ಮಿಷನ್ ಕೂಡ ಬಂದ್ಮೇಲೆ ಇನ್ನೊಂದೆಲ್ಲಿ ಅಂತ ಕೇಳ್ತಾರೆ. ನನ್ನ ಮೇಲೆ ಆರೋಪ ಇರೋದೇ ಟೆಕ್ನಿಕಲ್ ನಾಲೆಡ್ಜ್ ಮತ್ತು ಡ್ರೋನ್ ಮಾಡಿದ್ದಾರಾ, ಬಿಟ್ಟಿದ್ದಾರಾ ಅಂತ. ನನ್ನನ್ನ ಚಾಲೆಂಜ್ ಮಾಡುವ ಹಾಗಿದ್ದರೆ ಲೀಗಲ್ ಆಗಿ ಚಾಲೆಂಜ್ ಮಾಡಿ. ನಿಮಗೆ ಗಟ್ಸ್ ಇದ್ದರೆ ಕೇಸ್ ಫೈಲ್ ಮಾಡಿ ನನ್ನ ಮೇಲೆ! ನನ್ನ ಕನಸೇ ಇಲ್ಲಿ ಜಾಬ್ಸ್ ಕ್ರಿಯೇಟ್ ಮಾಡಬೇಕು, ಭಾರತವನ್ನ ಡ್ರೋನ್ ಹಬ್ ಆಗಿ ಮಾಡಬೇಕು ಎಂಬುದು. ಅದು ಬಿಟ್ಟು ನನಗೆ ಇನ್ನೇನೂ ಬೇಡ’’ ಎಂದು ಡ್ರೋನ್ ಪ್ರತಾಪ್ ಖಾರವಾಗಿ ಹೇಳಿದರು.
ಪ್ರತಾಪ್ ಆಯ್ಕೆಯಾಗುತ್ತಾರ?
ಬಿಗ್ಬಾಸ್ ಹೊಸ ನಿಯಮದ ಪ್ರಕಾರ ವೀಕ್ಷಕರಿಂದ ಶೇ. 80ಕ್ಕೂ ಹೆಚ್ಚು ಮತಗಳನ್ನು ಗಳಿಸಿದ ಸ್ಪರ್ಧಿಗಳಿಗೆ ಬಿಗ್ಬಾಸ್ ಮನೆಯ ಒಳಕ್ಕೆ ನೇರ ಹೋಗುವ ಅವಕಾಶ ಇದೆ. ಶೇ. 40ಕ್ಕೂ ಕಡಿಮೆ ಮತಗಳು ಬಂದವರು ವಾಪಸ್ ತಮ್ಮ ಮನೆಗೆ ಹೋಗಬೇಕಿತ್ತು. ಶೇ. 80ಕ್ಕಿಂತಲೂ ಕಡಿಮೆ, ಶೇ. 40ಕ್ಕಿಂತಲೂ ಹೆಚ್ಚು ಮತಗಳು ಬಂದವರು ಬಿಗ್ಬಾಸ್ನಿರ್ಣಯಕ್ಕೆ ಕಾಯಬೇಕು. ಸದ್ಯ ಡ್ರೋನ್ ಪ್ರತಾಪ್, ತನಿಶಾ ಕುಪ್ಪಂದ, ಸಂಗೀತಾ ಶೃಂಗೇರಿ, ವರ್ತೂರು ಸಂತೋಷ್, ರಕ್ಷಕ್, ಮಹೇಶ್ ಕಾರ್ತಿಕ್ ಸದ್ಯ ಹೋಲ್ಡ್‌ನಲ್ಲಿದ್ದಾರೆ. ಈ 6 ಮಂದಿ ಪೈಕಿ ಯಾರು ಸ್ಪರ್ಧೆಗೆ ಆಯ್ಕೆಯಾಗುತ್ತಾರೆ ಎನ್ನುವುದನ್ನು ಕಾದು ನೋಡಬೇಕಿದೆ. ಈ ರಿಯಾಲಿಟಿ ಶೋ ‘ಜಿಯೋ ಸಿನಿಮಾ’ ಒಟಿಟಿಯಲ್ಲಿ 24 ಗಂಟೆಯೂ ಉಚಿತವಾಗಿ ಪ್ರಸಾರ ಆಗಲಿದೆ.
ಇದನ್ನೂ ಓದಿ: BBK Season 10: ಬಿಗ್‌ಬಾಸ್‌ಗೆ ಕಾಡಿತು ಹೆಸರಿನ ಸಮಸ್ಯೆ! ಏನಿದು?