ಮುಂಬಯಿ: ಹೊಸ ವರ್ಷಾಚರಣೆಗಾಗಿ ಮುಂಬಯಿ ಬಿಟ್ಟು ದೇಶ-ವಿದೇಶಗಳ ವಿವಿಧ ಭಾಗಗಳಿಗೆ ತೆರಳಿದ್ದ ಬಾಲಿವುಡ್ ಸೆಲೆಬ್ರಿಟಿಗಳೆಲ್ಲ ವಾಪಸ್ ಮುಂಬಯಿಗೆ ಬರುತ್ತಿದ್ದಾರೆ. ಇಲ್ಲಿನ ಏರ್ಪೋರ್ಟ್ಗೆ ಬಂದಿಳಿಯುತ್ತಿರುವ ಬಾಲಿವುಡ್ ನಟಿ-ನಟರು, ಅವರ ಕುಟುಂಬದವರನ್ನು ನೋಡಿ ಅಭಿಮಾನಿಗಳು ಫುಲ್ ಖುಷಿಯಾಗಿದ್ದಾರೆ. ಅವರು ಏರ್ಪೋರ್ಟ್ನಿಂದ ತಮ್ಮ ಮನೆಗಳಿಗೆ ಹೋಗುವ ವಿಡಿಯೊಗಳು, ಫೋಟೋಗಳು ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುತ್ತಿವೆ. ಫೋಟೋಗ್ರಾಫರ್ಗಳಂತೂ ಅವರನ್ನು ಮುತ್ತಿಕೊಂಡು, ವಿವಿಧ ಭಂಗಿಯ ಫೋಟೋಗಳನ್ನು ಕ್ಲಿಕ್ಕಿಸಿಕೊಳ್ಳುತ್ತಿದ್ದಾರೆ.
ದುಬೈನಲ್ಲಿ ನಿರ್ಮಾಪಕ ಕರಣ್ ಜೋಹರ್, ಮನೀಶ್ ಮಲ್ಹೋತ್ರಾ ಮತ್ತಿತರರ ಜತೆ ಅದ್ದೂರಿಯಾಗಿ ಹೊಸವರ್ಷ ಆಚರಣೆ ಮಾಡಿದ ಕಿಯಾರಾ ಅಡ್ವಾಣಿ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಒಟ್ಟಿಗೇ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡರು. ಇವರಿಬ್ಬರೂ ಮದುವೆಯಾಗುತ್ತಾರೆ ಎಂಬ ಸುದ್ದಿ ಹರಡುತ್ತಲೇ ಇದ್ದು, ಈ ಮಧ್ಯೆ ಪದೇಪದೆ ಒಟ್ಟಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ನಟಿ ಐಶ್ವರ್ಯಾ ರೈ, ಅಭಿಷೇಕ್ ಬಚ್ಚನ್ ಕೂಡ ತಮ್ಮ ಮಗಳು ಆರಾಧ್ಯಳ ಜತೆ ಮುಂಬಯಿ ಏರ್ಪೋರ್ಟ್ಗೆ ಬಂದಿಳಿದಿದ್ದಾರೆ. ಕಪ್ಪುಬಣ್ಣದ ಡ್ರೆಸ್ನಲ್ಲಿ ಐಶ್ವರ್ಯಾ ಸಖತ್ ಮಿಂಚುತ್ತಿದ್ದರು. ಇವರು ತಮ್ಮ ಮಗಳು ಆರಾಧ್ಯಳ ಕೈಯನ್ನು ಗಟ್ಟಿಯಾಗಿ ಹಿಡಿದುಕೊಂಡೇ ಏರ್ಪೋರ್ಟ್ನಿಂದ ಹೊರಬಿದ್ದು, ಕಾರಿನಲ್ಲಿ ಹೋದರು.
ಇನ್ನು ನಟಿ ಕೀರ್ತಿ ಸನೂನ್ ಕೂಡ ಹೊಸವರ್ಷಾಚರಣೆಗೆ ಮುಂಬಯಿ ಬಿಟ್ಟು ಹೋಗಿದ್ದವರು ವಾಪಸ್ ಬಂದಿದ್ದಾರೆ. ರಾಜಸ್ಥಾನದ ರಣಥಂಬೋರ್ನಲ್ಲಿ ಹೊಸ ವರ್ಷವನ್ನು ಸ್ವಾಗತಿಸಿದ ಬಾಲಿವುಡ್ನ ಇನ್ನೊಂದು ಕಪಲ್ ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ವಾಪಸ್ ಮುಂಬಯಿಗೆ ಆಗಮಿಸಿದ್ದಾರೆ. ಇನ್ನು ಅರ್ಜುನ್ ಕಪೂರ್ ಅವರ ಕುಟ್ಟಿ ಸಿನಿಮಾ ಇದೇ ತಿಂಗಳು 13ರಂದು ಬಿಡುಗಡೆಯಾಗಲಿದ್ದು, ಅವರ ಅಭಿಮಾನಿಗಳು ಫುಲ್ ನಿರೀಕ್ಷೆಯಲ್ಲಿದ್ದಾರೆ. ಕರಣ್ ಜೋಹರ್, ವಿಕ್ಕಿ ಕೌಶಲ್ ಅವರ ಸಹೋದರ ಸನ್ನಿ ಕೌಶಲ್ ಮತ್ತು ಅವರ ಗೆಳತಿ, ನಟಿ ಶಾರ್ವರಿ ವಾಘ್, ಮತ್ತಿತರ ಬಾಲಿವುಡ್ ಗಣ್ಯರೆಲ್ಲ ಮುಂಬಯಿಗೆ ವಾಪಸ್ ಆಗಿದ್ದಾರೆ.
ಇಲ್ಲಿವೆ ನೋಡಿ, ಬಾಲಿವುಡ್ ನಟ-ನಟಿಯರು ಮುಂಬಯಿ ಏರ್ಪೋರ್ಟ್ಗೆ ಬಂದಿಳಿದ ವಿಡಿಯೊಗಳು..
ಇದನ್ನೂ ಓದಿ: Bollywood Winter Fashion | ವೈವಿಧ್ಯಮಯ ವಿಂಟರ್‌ ಫ್ಯಾಷನ್‌ಗೆ ಸೈ ಎಂದ ಬಾಲಿವುಡ್ ತಾರೆಯರು