ಬೆಂಗಳೂರು: ಬಾಲಿವುಡ್‌ ಚಲನಚಿತ್ರ ನಿರ್ಮಾಪಕ ಸಂದೀಪ್ ಸಿಂಗ್ ಅವರಿಗೆ ಜೀವ ಬೆದರಿಕೆ (death threat) ಬಂದಿದ್ದು, ಈ ಹಿನ್ನೆಲೆಯಲ್ಲಿ ಅವರು ʼಟಿಪ್ಪು ಸುಲ್ತಾನ್ʼ” ಸಿನಿಮಾ (Tipu Sultan movie) ನಿರ್ಮಾಣದಿಂದ ಹೊರ ನಡೆದಿದ್ದಾರೆ.
ಮೇ 4ರಂದು ʼಟಿಪ್ಪುʼ ಸಿನಿಮಾದ ಪೋಸ್ಟರ್ ರಿಲೀಸ್ ಮಾಡಲಾಗಿತ್ತು. ಈಗ ಈ ಸಿನಿಮಾ ನಿರ್ಮಾಣದ ಜವಾಬ್ದಾರಿಯನ್ನು ಅವರು ಅರ್ಧಕ್ಕೆ ಕೈ ಬಿಟ್ಟಿದ್ದಾರೆ. ಅವರು ಟ್ವೀಟ್ ಮಾಡಿ ತಾವು ಹಿಂದೇಟು ಹಾಕಿರುವುದಕ್ಕೆ ಕಾರಣ ತಿಳಿಸಿದ್ದಾರೆ.
The film on Hazrat Tipu Sultan will not be made.
— Sandeep Singh (@thisissandeeps) July 24, 2023
I kindly request my fellow brothers and sister to refrain from threatening or abusing my family, friends and me. I sincerely apologize if I have unintentionally hurt anyone's religious sentiments. It was never my intention to do… pic.twitter.com/zQUuAsxSSK
ʼʼನನ್ನ ಕುಟುಂಬದವರಿಗೆ ಬೆದರಿಕೆ ಬಂದ ಹಿನ್ನೆಲೆಯಲ್ಲಿ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ. ಯಾರದ್ದಾದರೂ ಧಾರ್ಮಿಕ ಭಾವನೆಗೆ ನಾನು ಧಕ್ಕೆ ತಂದಿದ್ದರೆ ಕ್ಷಮೆ ಕೇಳುತ್ತೇನೆ. ಆ ಉದ್ದೇಶ ನನಗೆ ಇಲ್ಲ. ಎಲ್ಲರ ನಂಬಿಕೆಯನ್ನು ನಾನು ಗೌರವಿಸುತ್ತೇನೆ. ಭಾರತೀಯರಾದ ನಾವು ಒಂದಾಗಿ ಇರೋಣ ಮತ್ತು ಪರಸ್ಪರ ಗೌರವ ನೀಡೋಣʼ’ ಎಂದು ಸಂದೀಪ್ ಟ್ವೀಟ್ ಮಾಡಿ ಹೇಳಿದ್ದಾರೆ.
ಟಿಪು ಸುಲ್ತಾನ್ ಸಿನಿಮಾ ಪೋಸ್ಟರ್‌ನಲ್ಲಿ ಸಹ ನಿರ್ಮಾಪಕರಾಗಿ ರಶ್ಮಿ ಶರ್ಮಾ ಹಾಗೂ ಪವನ್‌ ಶರ್ಮಾ ಅವರ ಹೆಸರೂ ಇದೆ. ʼʼಟಿಪು 8000 ದೇವಾಲಯಗಳನ್ನು, 27 ಚರ್ಚ್‌ಗಳನ್ನು ನಾಶಪಡಿಸಿದ. 40 ಲಕ್ಷ ಹಿಂದೂಗಳನ್ನು ಮತಾಂತರಿಸಿ, ಗೋಮಾಂಸ ತಿನ್ನುವಂತೆ ಮಾಡಿದ. 1 ಲಕ್ಷ ಹಿಂದೂಗಳನ್ನು ಜೈಲಿನಲ್ಲಿಟ್ಟ. ಕಲ್ಲಿಕೋಟೆಯ 2000 ಬ್ರಾಹ್ಮಣ ಕುಟುಂಬಗಳನ್ನು ನಾಶ ಮಾಡಿದ.ʼʼ ಎಂದು ಪೋಸ್ಟರ್‌ನಲ್ಲಿ ಬಿತ್ತರಿಸಲಾಗಿತ್ತು.
ಇದನ್ನೂ ಓದಿ: Tipu Sultan: ಬುಲ್ಡೋಜರ್ ಮೂಲಕ ಟಿಪ್ಪು ಸುಲ್ತಾನ್ ಸ್ಮಾರಕ ನೆಲಸಮ, ವ್ಯಾಪಕ ಬಂದೋಬಸ್ತ್