ಬೆಂಗಳೂರು: `ನೋ ಎಂಟ್ರಿ’ ಸೀಕ್ವೆಲ್ (No Entry 2) ಕಾಸ್ಟಿಂಗ್ ಬಗ್ಗೆ ಅನಿಲ್ ಕಪೂರ್ ತಮ್ಮ ಹಿರಿಯ ಸಹೋದರ ಮತ್ತು ನಿರ್ಮಾಪಕ ಬೋನಿ ಕಪೂರ್ ಅವರೊಂದಿಗೆ ಅಸಮಾಧಾನಗೊಂಡಿದ್ದಾರೆ. ಮೂಲ ಚಿತ್ರದಲ್ಲಿ ಸಲ್ಮಾನ್ ಖಾನ್, ಅನಿಲ್ ಕಪೂರ್, ಫರ್ದೀನ್ ಖಾನ್, ಇಶಾ ಡಿಯೋಲ್, ಲಾರಾ ದತ್ತಾ, ಬಿಪಾಶಾ ಬಸು ಮತ್ತು ಸೆಲಿನಾ ಜೇಟ್ಲಿ ನಟಿಸಿದ್ದರು. ಎರಡನೇ ಪಾರ್ಟ್ನಲ್ಲಿ ಅನಿಲ್ ಕಪೂರ್ ನಟಿಸಬೇಕಿತ್ತು. ಆದರೆ, ಇದಕ್ಕೆ ನಿರ್ಮಾಪಕ ಬೋನಿ ಕಪೂರ್ ಅವಕಾಶ ನೀಡಲಿಲ್ಲ. ಅದಕ್ಕೆ ಕಾರಣ ಏನು? ಬೋನಿ ಕಪೂರ್ ಹಾಗೂ ಅನಿಲ್ ಕಪೂರ್ (Anil Kapoor) ನಡುವೆ ಮೊದಲಿನ ಬಾಂಧವ್ಯ ಉಳಿದಿಲ್ಲ ಏಕೆ? ಎಂದು ಮುಂದೆ ನೋಡಿ
ಕೆಲವು ದಿನಗಳ ಹಿಂದೆ `ನೋ ಎಂಟ್ರಿ 2′ ಸಿನಿಮಾದ ಪಾತ್ರವರ್ಗದ ವಿಚಾರ ಲೀಕ್ ಆಗಿತ್ತು. ಅನಿಲ್ ಕಪೂರ್ ಅವರು ಈ ಸೀಕ್ವೆಲ್‌ನಲ್ಲಿ ನಟಿಸಬೇಕೆಂದಿದ್ದರು. ಆದರೆ, ಇದಕ್ಕೆ ನಿರ್ಮಾಪಕ ಬೋನಿ ಕಪೂರ್ ಅವಕಾಶ ನೀಡಲಿಲ್ಲ. ನೋ ಎಂಟ್ರಿ 2 ಕಾಸ್ಟಿಂಗ್ ಸುದ್ದಿ ಸೋರಿಕೆಯಾದಾಗಿನಿಂದ ಅನಿಲ್ ಅವರು ಬೋನಿ ಕಪೂರ್ ಜತೆ ಸರಿಯಾಗಿ ಮಾತನಾಡುತ್ತಿಲ್ಲ. ವರುಣ್ ಧವನ್, ದಿಲ್ಜಿತ್ ದೋಸಾಂಜ್ ಮತ್ತು ಅರ್ಜುನ್ ಕಪೂರ್ ನೋ ಎಂಟ್ರಿಯ ಸೀಕ್ವೆಲ್‌ನ ಪಾತ್ರವಾಗಿದ್ದಾರೆ ಎಂದು ವರದಿಯಾಗಿದೆ.
ಸ್ಪೇಸ್‌ ಸಮಸ್ಯೆ!
ಈ ಬಗ್ಗೆ ಬೋನಿ ಕಪೂರ್ ಸಂದರ್ಶನವೊಂದರಲ್ಲಿ ಮಾತನಾಡಿ ʻʻನೋ ಎಂಟ್ರಿ ಸೀಕ್ವೆಲ್ ಮತ್ತು ಅದರಲ್ಲಿ ಇರುವ ಪಾತ್ರವರ್ಗದ ಬಗ್ಗೆ ನಾನು ನನ್ನ ಸಹೋದರ ಅನಿಲ್‌ಗೆ ಹೇಳುವ ಮೊದಲು, ಸುದ್ದಿ ಆಗಲೇ ಲೀಕ್ ಆಗಿತ್ತು. ಇದರಿಂದ ಅನಿಲ್ ಕೋಪಗೊಂಡರು. ಲೀಕ್ ಆಗಿದ್ದು ದುರದೃಷ್ಟಕರ. ʻನೋ ಎಂಟ್ರಿʼ ಸೀಕ್ವೆಲ್‌ನಲ್ಲಿ ಅನಿಲ್ ನಟಿಸಬೇಕೆಂದಿದ್ದರು. ಆದರೆ ಅಲ್ಲಿ ಜಾಗವೇ ಇರಲಿಲ್ಲ. ನಾನು ಅದನ್ನು ಅವರಿಗೆ ವಿವರಿಸಬೇಕು ಎಂದುಕೊಂಡಿದ್ದೆ’ ಎಂದಿದ್ದಾರೆ.
ಇದನ್ನೂ ಓದಿ: Anil Kapoor: ಹುಷಾರ್, ಅನಿಲ್ ಕಪೂರ್ ಧ್ವನಿ, ಹೆಸರು, ಫೋಟೊ ಬಳಸಿದರೆ ಕಾನೂನು ಕ್ರಮ ತಪ್ಪಿದ್ದಲ್ಲ!
Varun Dhawan, Arjun Kapoor and Diljit Dosanjh will reportedly have double roles in ‘NO ENTRY 2’.
— justSP 🍿 ☉ (@SakshamPateria) March 29, 2024
(via https://t.co/Q0kJgHMmCO) pic.twitter.com/xJjRWaKTgC
ಚಿತ್ರದಲ್ಲಿ ವರುಣ್, ಅರ್ಜುನ್ ಮತ್ತು ದಿಲ್ಜಿತ್ ಇರುವ ಬಗ್ಗೆ ಬೋನಿ ಕಪೂರ್ ಮಾತನಾಡಿ, “ವರುಣ್ ಮತ್ತು ಅರ್ಜುನ್ ಉತ್ತಮ ಸ್ನೇಹಿತರು. ಅವರಿಗೆ ಅಪಾರ ಅಭಿಮಾನಿ ಬಳಗವಿದೆ. ಇಂದಿನ ಸಮಯದಲ್ಲಿ ಅದನ್ನು ಪ್ರಸ್ತುತಪಡಿಸಲು ನಾನು ಬಯಸುತ್ತೇನೆ. ಅದಕ್ಕಾಗಿಯೇ ನಾನು ಈ ಕಾಸ್ಟಿಂಗ್ ಮಾಡಿದ್ದೇನೆ. ಈ ಕಾರಣದಿಂದಾಗಿ, ನನ್ನ ಸಹೋದರ ನನ್ನ ಜತೆ ಇನ್ನೂ ಸರಿಯಾಗಿ ಮಾತನಾಡುತ್ತಿಲ್ಲ. ಮುಂದೆ ನೋಡೋಣʼʼಎಂದು ಹೇಳಿದ್ದಾರೆ.
No Entry widout Theer Actor No entry 2 😂💘 big Disaster Movie Salman khan, Anil kapoor, Fardin khan ke Movie Koi Theer Actor jo kar Ko large hai To kya Hoga No entry 2 ka yar Aap log batao 🙏 ham to Abhi se 🤦♀️. pic.twitter.com/1HjISZSROu
— Aarti (@AartiSa39241223) January 30, 2024
ವರದಿಯ ಪ್ರಕಾರ, ʻನೋ ಎಂಟ್ರಿಯʼ ಮುಂದಿನ ಭಾಗ ಡಿಸೆಂಬರ್ 2024ರಲ್ಲಿ ಸೆಟ್ಟೇರಲಿದೆ. 2025ರಲ್ಲಿ ಸಿನಿಮಾ ರಿಲೀಸ್‌ ಆಗಲಿದೆ ಎಂದು ವರದಿಯಾಗಿದೆ. ಸದ್ಯ ಬೋನಿ ಕಪೂರ್ ತಮ್ಮ ನಿರ್ಮಾಣದ ʻಮೈದಾನ್ʼ ಬಿಡುಗಡೆಗೆ ಸಜ್ಜಾಗಿದ್ದಾರೆ. ಇದರಲ್ಲಿ ಅಜಯ್ ದೇವಗನ್ ನಟಿಸಿದ್ದಾರೆ. ʻಮೈದಾನʼ ಏಪ್ರಿಲ್ 10ರಂದು ಬಿಡುಗಡೆಯಾಗಲಿದೆ.