ಬೆಂಗಳೂರು: ಅಂಬಾನಿ ಪುತ್ರನಾದ ಅನಂತ್ ಅಂಬಾನಿಯವರ ವಿವಾಹವನ್ನು ರಾಧಿಕಾ ಮರ್ಚೆಂಟ್‌ ಜತೆ ಇದೇ ಜುಲೈ 12 ರಂದು ನಡೆಯಲಿದೆ. ಮದುವೆ ಪೂರ್ವ ತಯಾರಿ ಅಂಗವಾಗಿ ಅಂಬಾನಿ ಕುಟುಂಬ ಈಗಾಗಲೇ ಶಿವ ಶಕ್ತಿಯ ಪೂಜೆಯನ್ನು ಆಯೋಜಿಸಿತ್ತು. ಬಾಲಿವುಡ್ ನಟಿ ಜಾಹ್ನವಿ ಕಪೂರ್ (Janhvi Kapoor) ಈ ಪೂಜೆಯಲ್ಲಿ ಭಾಗಿಯಾಗಿದ್ದರು. ಇದೀಗ ನಟಿ ಈ ಪೂಜೆಯ ದಿನದಂದು ಹಾಕಿಕೊಂಡ ಲೆಹೆಂಗಾ ಫೋಟೊ ವೈರಲ್‌ ಆಗುತ್ತಿದೆ. ನಟಿ ಈ ಡ್ರೆಸ್‌ ಧರಿಸಿ ಫೋಟೊಶೂಟ್‌ ಕೂಡ ಮಾಡಿಸಿಕೊಂಡಿದ್ದಾರೆ.
ಏನಿದು ಶಿವ ಶಕ್ತಿ ಪೂಜೆ?
ಅಂಬಾನಿ ಕುಟುಂಬ ಯಾವಾಗಲೂ ಹಳೆಯ ಸಂಪ್ರದಾಯಗಳನ್ನು ಪಾಲಿಸಿಕೊಂಡು ಬರುತ್ತಲೇ ಇದೆ. ಹಾಗೂ ಆಚಾರ – ವಿಚಾರ ಎಂದು ಬಂದಾಗ ಅವರ ಮೊದಲ ಪ್ರಾಮುಖ್ಯತೆ ಹಳೆಯ ಸಂಪ್ರದಾಯಗಳಿಗೆ ಇರುತ್ತದೆ. ಅಂಬಾನಿ ಕುಟುಂಬದಲ್ಲಿ ಈ ಹಿಂದೆ ಅಂಬಾನಿ ಕುಟುಂಬದ ಸೊಸೆ ನೀತಾ ಅಂಬಾನಿ ಕೂಡ ಕಾಶಿ ವಿಶ್ವನಾಥ ದೇವಸ್ಥಾನಕ್ಕೆ ತೆರಳಿ ಪುತ್ರ ಅನಂತ್ ಅಂಬಾನಿ ಮದುವೆ ಕಾರ್ಡ್ ನೀಡುವ ಮೂಲಕ ದೇವರ ಆಶೀರ್ವಾದವನ್ನು ಪಡೆದುಕೊಂಡಿದ್ದರು. ಶಿವ ಶಕ್ತಿಯ ಆರಾಧನೆಯಿಂದ ವಧುವರರ ಮುಂದಿನ ವೈವಾಹಿಕ ಜೀವನದಲ್ಲಿ ಸಂತೋಷ ತುಂಬಿಕೊಂಡಿರುತ್ತದೆ ಮತ್ತು ಅವರು ಶಿವ ಮತ್ತು ಪಾರ್ವತಿಯ ಆಶೀರ್ವಾದವನ್ನು ಸಹ ಪಡೆಯುತ್ತಾರೆ ಎನ್ನುವ ನಂಬಿಕೆಯಿದೆ.
ಈ ವೇಳೆ ಜಾನ್ವಿ ಬಹು ಬಣ್ಣದ ಲೆಹೆಂಗಾದಲ್ಲಿ ಶಿವ ಶಕ್ತಿ ಪೂಜೆಯಲ್ಲಿ ಭಾಗವಹಿಸಿದ್ದರು. ಸಾಂಪ್ರದಾಯಿಕ ಆಭರಣಗಳಲ್ಲಿ ಕಂಗೊಳಿಸುತ್ತಿದ್ದ ನಟಿ ಪೋಸ್‌ ಕೊಟ್ಟರು. ವಿವಾಹಪೂರ್ವ ಉತ್ಸವಗಳಲ್ಲಿ ಶಿಖರ್ ಪಹಾರಿಯಾ ಆಫ್-ವೈಟ್ ಕುರ್ತಾ ಮತ್ತು ಪೈಜಾಮಾದಲ್ಲಿ ಕಾಣಿಸಿಕೊಂಡರು.
ಇದನ್ನೂ ಓದಿ: Janhvi Kapoor: ಅನಂತ್-ರಾಧಿಕಾ ಸಂಗೀತ ಕಾರ್ಯಕ್ರಮದಲ್ಲಿ ನವಿಲಂತೆ ಕಂಗೊಳಿಸಿದ ಜಾಹ್ನವಿ ಕಪೂರ್!
ಈ ಈವೆಂಟ್‌ನಲ್ಲಿ ಅಟ್ಲಿ, ಸಂಜಯ್ ದತ್, ರಣವೀರ್ ಸಿಂಗ್ ಮತ್ತು ಅನನ್ಯ ಪಾಂಡೆ ಕೂಡ ಪೂಜೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಂದರ್ಭಕ್ಕಾಗಿ ಸಂಜಯ್ ಚಿನ್ನದ ಬಣ್ಣದ ಕುರ್ತಾ ಪೈಜಾಮವನ್ನು ಧರಿಸಿದ್ದರು. ರಣವೀರ್ ಕಸೂತಿ ಐವರಿ ಕುರ್ತಾ ಸೆಟ್‌ನಲ್ಲಿ ಕಾರ್ಯಕ್ರಮಕ್ಕೆ ಹಾಜರಾಗಿದ್ದರು. ಶನಯಾ ಕಪೂರ್ ಪೀಚ್ ಬಣ್ಣದ ಶರಾರಾ ಸೆಟ್‌ನಲ್ಲಿ ಕಾಣಿಸಿಕೊಂಡರು. ಅನನ್ಯಾ ನೇರಳೆ ಬಣ್ಣದ ಲೆಹೆಂಗಾ ಸೆಟ್ ಅನ್ನು ಆಯ್ಕೆ ಮಾಡಿಕೊಂಡರು.
ಪೂಜೆಯ ಜತೆಗೆ ಅಂಬಾನಿ ನಿವಾಸದಲ್ಲಿ ಮೆಹಂದಿ ಸಮಾರಂಭವೂ ನಡೆಯಿತು. ಜುಲೈ 5 ರಂದು, ಅಂಬಾನಿ ಕುಟುಂಬವು ಸಂಗೀತ ಸಮಾರಂಭವನ್ನು ಆಯೋಜಿಸಿತ್ತು, ಇದರಲ್ಲಿ ಪಾಪ್ ಸ್ಟಾರ್ ಜಸ್ಟಿನ್ ಬೈಬರ್ ಭಾಗವಹಿಸಿದ್ದರು.
ವಿವಾಹ ಮಹೋತ್ಸವದ ಅಂಗವಾಗಿ, ಮುಕೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಇತ್ತೀಚೆಗೆ ಜುಲೈ 2 ರಂದು ಪಾಲ್ಘರ್‌ನ ಸ್ವಾಮಿ ವಿವೇಕಾನಂದ ವಿದ್ಯಾಮಂದಿರದಲ್ಲಿ ಸಾಮೂಹಿಕ ವಿವಾಹವನ್ನು ಆಯೋಜಿಸಿದ್ದರು.