ಬೆಂಗಳೂರು: ಇಶಾ ಅಂಬಾನಿ ಮತ್ತು ಆನಂದ್ ಪಿರಾಮಲ್ ಅವರ ಒಡೆತನದಲ್ಲಿದ್ದ ಲಾಸ್ ಏಂಜಲೀಸ್‌ನ ಬಂಗಲೆಯನ್ನು ಹಾಲಿವುಡ್ ಪವರ್ ಜೋಡಿ ಜೆನ್ನಿಫರ್ ಲೋಪೆಜ್ (Jennifer Lopez ) ಮತ್ತು ಬೆನ್ ಅಫ್ಲೆಕ್ ( Ben Affleck) ಕೊಂಡುಕೊಂಡಿದೆ. ಈ ಬಂಗಲೆ ಬರೋಬ್ಬರಿ 500 ಕೋಟಿ ರೂ.ಗೆ ಮಾರಾಟವಾಗಿದೆ.
ಬೆವರ್ಲಿ ಹಿಲ್ಸ್‌ನ (Beverly Hills) ಹೃದಯಭಾಗದಲ್ಲಿರುವ ಈ ಬಂಗಲೆ 38,000 ಚದರ ಅಡಿಗಳಷ್ಟು ವಿಸ್ತಾರವಾಗಿದೆ. 12 ಬೆಡ್‌ ರೂಮ್‌ಗಳು, 24 ಬಾತ್‌ರೂಮ್‌ಗಳು, ಜಿಮ್, ಸಲೂನ್, ಸ್ಪಾಗಳು, 155 ಅಡಿ ಉದ್ದದ ಇನ್ಫಿನಿಟಿ ಪೂಲ್, ಹೊರಾಂಗಣದಲ್ಲಿ ಅಡುಗೆಮನೆ ಕೂಡ ಇದೆ.
ಕಳೆದ ಜೂನ್‌ನಲ್ಲಿ ಜೆನ್ನಿಫರ್ ಮತ್ತು ಬೆನ್ 500 ಕೋಟಿಗೆ ಮನೆಯನ್ನು ಖರೀದಿಸಿದ್ದರು ಎಂದು ವರದಿಯಾಗಿತ್ತು. 2022ರಲ್ಲಿ ಇಶಾ ಅವರು ಗರ್ಭಿಣಿಯಾಗಿದ್ದ ಸಮಯದಲ್ಲಿ ಹೆಚ್ಚಿನ ಸಮಯವನ್ನು ಲಾಸ್ ಏಂಜಲೀಸ್ ಬಂಗಲೆಯಲ್ಲಿಯೇ ಕಳೆದಿದ್ದರು ಎನ್ನಲಾಗಿತ್ತು. ರಿಲಯನ್ಸ್ ಅಧ್ಯಕ್ಷರಾದ ಮುಕೇಶ್‌ ಅಂಬಾನಿ ಮತ್ತು ನೀತಾ ಅಂಬಾನಿ ಅವರ ಪುತ್ರಿ ಇಶಾ, ಉದ್ಯಮಿ ಆನಂದ್ ಪಿರಾಮಲ್ ಅವರನ್ನು 2018ರಲ್ಲಿ ವಿವಾಹವಾದರು. ಮುಂಬೈನ ಬಾಂದ್ರಾ-ವರ್ಲಿ ಸೀ ಲಿಂಕ್‌ಗೆ ಎದುರಾಗಿರುವ 50,000 ಚದರ ಅಡಿ ಮತ್ತು 1,000 ಕೋಟಿ ಮೌಲ್ಯದ ಬಂಗಲೆಯನ್ನು ಆನಂದ್ ಅವರ ಪೋಷಕರು ಉಡುಗೊರೆಯಾಗಿ ನೀಡಿದ್ದರು. ಹೀಗಾಗಿ ಇಶಾ ತನ್ನ ಗರ್ಭಾವಸ್ಥೆಯ ಬಹುಪಾಲು ಲಾಸ್ ಏಂಜಲೀಸ್ ಬಂಗಲೆಯಲ್ಲಿಯೇ ಕಳೆದರು. ಅದೇ ವರ್ಷ ನವೆಂಬರ್‌ನಲ್ಲಿ ಕೃಷ್ಣ ಮತ್ತು ಆದಿತ್ಯ ಎಂಬ ಅವಳಿ ಮಕ್ಕಳಿಗೆ ಜನ್ಮ ನೀಡಿದರು.
ಲಾಸ್ ಏಂಜಲೀಸ್ ಬಂಗಲೆ ಅಂಬಾನಿ-ಪಿರಾಮಲ್ ಕುಟುಂಬಕ್ಕೆ ಅಚ್ಚುಮೆಚ್ಚಿನ ನೆನಪುಗಳನ್ನು ಹೊಂದಿದ್ದರೆ, ಜೆನ್ನಿಫರ್ ಮತ್ತು ಬೆನ್ ತಮ್ಮ ಐಷಾರಾಮಿ ಹೊಸ ನಿವಾಸದಲ್ಲಿ ಹೊಸ ನೆನಪುಗಳನ್ನು ಸೃಷ್ಟಿಸಲು ಸಿದ್ಧರಾಗಿದ್ದಾರೆ.
ಇದನ್ನೂ ಓದಿ: Isha Ambani Jadau Jewel Lehenga Blouse: ಕೋಟಿ ರೂ. ಬೆಲೆ ಬಾಳುತ್ತದೆ ಇಶಾ ಅಂಬಾನಿಯ ಜಡೌ ಜ್ಯುವೆಲ್‌ ಲೆಹೆಂಗಾ ಬ್ಲೌಸ್‌!
Isha Ambani, Sold Her lavish Residences In 500cr In Los Angeles #hithotnews #Headlines #latestnews #TrendingNews #ishaambani #MukeshAmbani pic.twitter.com/Bsf989Z5Gk
— HITHOT News (@hit_hot_tv) April 3, 2024
ಜೆನ್ನಿಫರ್ ಮುಂದೆ ʻಅಟ್ಲಾಸ್ʼ, ʻಅನ್‌ಸ್ಟಾಪಬಲ್ʼ ಮತ್ತು ʻಕಿಸ್ ಆಫ್ ದಿ ಸ್ಪೈಡರ್ ವುಮನ್‌ʼನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಬೆನ್ ಅವರು ʻಅಕೌಂಟೆಂಟ್ 2ʼ ಸಿನಿಮಾ ಹೊಂದಿದ್ದಾರೆ.