ಬೆಂಗಳೂರು: ಜಾನ್ ಅಬ್ರಹಾಂ (John Abraham) ನಟನೆಯ ಬಹು ನಿರೀಕ್ಷಿತ ಆಕ್ಷನ್-ಪ್ಯಾಕ್ಡ್ ಚಿತ್ರ ‘ವೇದಾ’ ಟೀಸರ್ (Vedaa teaser out) ಔಟ್‌ ಆಗಿದೆ. ಜಾನ್ ಅಬ್ರಹಾಂ ಮತ್ತು ಅಭಿಷೇಕ್ ಬ್ಯಾನರ್ಜಿ ನಡುವಿನ ಮುಖಾಮುಖಿಯ ಒಂದು ಝಲಕ್‌ ಅನಾವರಣಗೊಂಡಿದೆ. ಶಾರ್ವರಿ ವಾಘ್ ಕೂಡ ರಗಡ್‌ ಆಗಿಯೇ ಕಂಡಿದ್ದಾರೆ.
ನಿಖಿಲ್ ಅಡ್ವಾಣಿ ನಿರ್ದೇಶನದ ‘ವೇದಾ’ ಜುಲೈ 12ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಈ ಮೊದಲು ರಿಲೀಸ್‌ ಆಗಿದ್ದ ʻಬಾಟ್ಲಾ ಹೌಸ್ʼ ಸಿನಿಮಾಗೆ ಆ್ಯಕ್ಷನ್ ಕಟ್‌ ಹೇಳಿದ್ದ ನಿಖಿಲ್ ಅಡ್ವಾಣಿ ಈ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ. ಚಿತ್ರದಲ್ಲಿ ಅಭಿಷೇಕ್ ಬ್ಯಾನರ್ಜಿ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ʻʻಬಾಟ್ಲಾ ಹೌಸ್ʼ ನೈಜ ಘಟನೆ ಆಧರಿಸಿ ಸಿದ್ಧವಾದ ಸಿನಿಮಾವಾಗಿತ್ತು. ‘ವೇದಾ ಇದು ಕೇವಲ ಸಿನಿಮಾ ಅಲ್ಲ. ನೈಜ ಘಟನೆ ಆಧರಿಸಿದ ನಮ್ಮ ಸಮಾಜದ ಪ್ರತಿಬಿಂಬ. ಅಬ್ರಾಹಂ ಹಾಗೂ ಶಾರ್ವರಿ ಈ ಚಿತ್ರದ ನಾಯಕ, ನಾಯಕಿ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಜಾನ್ ಕಾಶ್ಮೀರದಲ್ಲಿ ವೇದಾ ಚಿತ್ರೀಕರಣದ ಸ್ಕೆಡ್ಯೂಲ್‌ ಮುಗಿಸಿದ್ದರು. ದಕ್ಷಿಣ ಕಾಶ್ಮೀರದ ಶ್ರೀನಗರ ಮತ್ತು ಅನಂತನಾಗ್ ಜಿಲ್ಲೆಯಲ್ಲಿ ಚಿತ್ರೀಕರಣ ಮಾಡಲಾಗಿದೆ ʼʼಎಂದು ಹೇಳಿಕೊಂಡಿದ್ದರು ನಿಖಿಲ್.
ಶಾರ್ವರಿ ಅವರು ಜಾನ್ ಅಬ್ರಹಾಂ ಜತೆ ಮೊದಲ ಬಾರಿಗೆ ನಟಿಸಿದ್ದಾರೆ. ಈ ಮೊದಲು ಅವರು ಸಹಾಯಕ ನಿರ್ದೇಶಕಿಯಾಗಿ ಕೆಲಸ ಮಾಡಿದ್ದರು. ಅವರು ‘ಮಹರಾಜ’ ಸಿನಿಮಾದಲ್ಲಿ ನಟಿಸಿದ್ದಾರೆ. ವೇದಾ ಸಿನಿಮಾ “ಹೈ-ಎನರ್ಜಿ ಆ್ಯಕ್ಷನ್-ಡ್ರಾಮಾ” ಎಂದು ಚಿತ್ರತಂಡ ಹೇಳಿಕೊಂಡಿದೆ. ಚಿತ್ರವನ್ನು ಜೀ ಸ್ಟುಡಿಯೋಸ್, ಜಾನ್ಸ್ ಜೆಎ ಎಂಟರ್‌ಟೈನ್‌ಮೆಂಟ್ ನಿರ್ಮಿಸಿದೆ.
ಇದನ್ನೂ ಓದಿ: John Abraham: ಜಾನ್ ಅಬ್ರಹಾಂ ಇದೀಗ ವಿಲನ್‌ ಅಲ್ಲ ಹೀರೊ; ಹೊಸ ಸಿನಿಮಾ ಅನೌನ್ಸ್‌!
ಜಾನ್ ಅಬ್ರಹಾಂ ಅವರು ಸಿದ್ಧಾರ್ಥ್ ಆನಂದ್ ಅವರು ನಿರ್ದೇಶಿಸಿದ ʻಪಠಾಣ್ʼ ಚಿತ್ರದಲ್ಲಿ ಜಾನ್ ಕೊನೆಯದಾಗಿ ಕಾಣಿಸಿಕೊಂಡಿದ್ದರು. ಚಿತ್ರದಲ್ಲಿ ಶಾರುಖ್ ಖಾನ್ ಮತ್ತು ದೀಪಿಕಾ ಪಡುಕೋಣೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು.