ಬೆಂಗಳೂರು: ಮುಖೇಶ್ ಖನ್ನಾ (Mukesh Khanna) ಅವರು ಭಾರತದ ಮೊದಲ ಸೂಪರ್‌ಹೀರೊ. ʻಶಕ್ತಿಮಾನ್ʼ ಹಾಗೂ ಮಹಾಭಾರತದ ಭೀಷ್ಮ ಪಾತ್ರದ ಮೂಲಕ ಹೆಸರುವಾಸಿಯಾಗಿದ್ದಾರೆ. 90ರ ದಶಕದ ಭಾರತದ ಸೂಪರ್ ಹೀರೊ ʻಶಕ್ತಿಮಾನ್ʼಗೆ ಮರುಜೀವ ನೀಡುವ ಚರ್ಚೆ ನಡೆಯುತ್ತಿದೆ. ರಣವೀರ್ ಸಿಂಗ್ (Ranveer Singh) ಈ ಪಾತ್ರಕ್ಕೆ ಸೂಕ್ತ ಎಂದು ಹೇಳಲಾಗಿತ್ತು. ಆದರೆ ಮುಖೇಶ್ ಖನ್ನಾ ಶಕ್ತಿಮಾನ್ ಆಗುವ ಅರ್ಹತೆ-ಯೋಗ್ಯತೆ ಎರಡೂ ರಣವೀರ್ ಸಿಂಗ್‌ಗೆ ಇಲ್ಲ ಅಂದಿದ್ದಾರೆ.
ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ರಣವೀರ್ ಸಿಂಗ್ ಅವರ ಕೊಲಾಜ್ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ನಟ ತನ್ನ ಪೋಸ್ಟ್‌ಗೆ ಶೀರ್ಷಿಕೆ ನೀಡಿದ್ದು, “ಸಾಮಾಜಿಕ ಜಾಲತಾಣಗಳಲ್ಲಿ ರಣವೀರ್ ಸಿಂಗ್ ಶಕ್ತಿಮಾನ್ ಪಾತ್ರದಲ್ಲಿ ನಟಿಸುತ್ತಾರೆ ಎಂಬ ವದಂತಿಗಳಿವೆ. ಆದರೆ ಆಗ ನಾನು ಮೌನವಾಗಿದ್ದೆ. ಆದರೆ ರಣವೀರ್ ಈ ಸಿನಿಮಾಗೆ ಸಹಿ ಹಾಕಿದ್ದಾರೆ ಎಂದು ಮಾಧ್ಯಮಗಳು ಘೋಷಿಸುತ್ತಿದ್ದಂತೆ ಈ ಬಗ್ಗೆ ಮಾತನಾಡಬೇಕು ಎಂದೆನಿಸಿತು. ರಣವೀರ್ ಎಷ್ಟೇ ದೊಡ್ಡ ಸ್ಟಾರ್ ಆಗಿದ್ದರೂ, ಕೆಟ್ಟ ಇಮೇಜ್ ಹೊಂದಿರುವ ವ್ಯಕ್ತಿ. ಅವರು ಎಂದಿಗೂ ಶಕ್ತಿಮಾನ್ ಆಗಲು ಸಾಧ್ಯವಿಲ್ಲʼʼ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: RCB Unbox Event: ಇಂದಿನ ಆರ್ಸಿಬಿ ಅನ್ಬಾಕ್ಸ್ನಲ್ಲಿ ವಿರಾಟ್ ಕೊಹ್ಲಿಯೂ ಹಾಜರ್!
Mukesh Khanna REACTS STRONGLY to rumours of Ranveer Singh’s casting in Shaktimaan: “He can't be Shaktimaan, no matter how big a star he is” https://t.co/4Fyyu5tP4l pic.twitter.com/KtzVJbwTJt
— Netamaker (@netamakerIndia) March 18, 2024
ರಣವೀರ್ ಸಿಂಗ್ ನಗ್ನ ಫೋಟೋಶೂಟ್!
ಈ ಹಿಂದೆ ಮ್ಯಾಗಜೀನ್‌ಗಾಗಿ ರಣವೀರ್ ನಗ್ನ ಫೋಟೋಶೂಟ್ ಮಾಡಿಸಿಕೊಂಡಿದ್ದರು. ಇದಕ್ಕೆ ಮುಖೇಶ್ ಅವರು ಟೀಕಿಸಿದ್ದರು.
ʻʻಬೆತ್ತಲೆಯಾಗಿ ನಟಿಸುವುದು ಭಾರತದ ಸಂಸ್ಕೃತಿ ಅಲ್ಲ ಹಾಗೊಂದು ವೇಳೆ ಬೆತ್ತಲೆಯಾಗಿ ಕಾಣಿಸಿಕೊಳ್ಳುವುದು ಅವರಿಗೆ ಸರಿ ಎನಿಸಿದರೆ ಫಿನ್ ಲ್ಯಾಂಡ್ ಅಥವಾ ಸ್ಪೇನ್‌ಗೆ ಹೋಗಲಿʼʼ ಎಂದು ಮುಖೇಶ್ ಖನ್ನಾ ಹೇಳಿದ್ದರು.
“ನಿಮ್ಮ ಸ್ಪರ್ಧೆ ಸ್ಪೈಡರ್ ಮ್ಯಾನ್, ಬ್ಯಾಟ್‌ಮ್ಯಾನ್, ಕ್ಯಾಪ್ಟನ್ ಪ್ಲಾನೆಟ್‌ನೊಂದಿಗೆ ಅಲ್ಲ ಎಂದು ನಾನು ನಿರ್ಮಾಪಕರಿಗೆ ಹೇಳಿದ್ದೇನೆ. ಶಕ್ತಿಮಾನ್ ಸೂಪರ್ ಹೀರೋ ಅಲ್ಲ, ಸೂಪರ್ ಟೀಚರ್ ಕೂಡ ಆಗಿದ್ದಾರೆ. ಆ ಪಾತ್ರವನ್ನು ಮಾಡುವ ನಟನಿಗೆ ಅಂಥ ಗುಣ ಇರಬೇಕು. ಅವನು ಹೇಳಿದರೆ ಜನರು ಕೇಳುವಂತಿರಬೇಕು ಎಂದು ಹೇಳಿರುವ ಮುಖೇಶ್ ಖನ್ನಾ, ರಣವೀರ್ ಸಿಂಗ್ ಹೊರತು ಪಡಿಸಿ ಶಕ್ತಿಮಾನ್ ಪಾತ್ರಕ್ಕೆ ಹೊಂದುವಂತ ಸ್ಟಾರ್ ನಟರು ಇದ್ದಾರೆ. ಆದರೆ ಅವರ ಇಮೇಜ್ ಅಡ್ಡ ಬರುತ್ತೆʼʼ ಎಂದಿದ್ದಾರೆ. ಮಲಯಾಳಂ ನಿರ್ದೇಶಕ ಬಾಸಿಲ್ ಜೋಸೆಫ್ ಶಕ್ತಿಮಾನ್ ಚಿತ್ರವನ್ನ ನಿರ್ದೇಶಿಸಲಿದ್ದಾರೆ ಎನ್ನಲಾಗಿದೆ.