ಮುಂಬೈ: ಪ್ರಿಯಾಂಕಾ ಚೋಪ್ರಾ (Priyanka Chopra) ಮತ್ತು ಅವರ ಮಗಳು ಮಾಲತಿ ಮೇರಿ ಚೋಪ್ರಾ ಜೋನಾಸ್ ಈಗಾಗಲೇ ಭಾರತಕ್ಕೆ ಬಂದಿರುವುದು ಗೊತ್ತೇ ಇದೆ. ಇದೀಗ ಪಿಗ್ಗಿ ಪತಿ ಗಾಯಕ ನಿಕ್ ಜೋನಾಸ್ ಇಂದು (ಮಾ.18) ಮುಂಬೈಗೆ ತಲುಪಿದ್ದಾರೆ. ವಿಮಾನ ನಿಲ್ದಾಣದಲ್ಲಿ ಇರುವ ನಿಕ್ ಜೋನಾಸ್ ಅವರ ಹಲವಾರು ವಿಡಿಯೊಗಳು ಮತ್ತು ಫೋಟೊಗಳು ವೈರಲ್‌ ಆಗಿವೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಅಭಿಮಾನಿಗಳ ಖಾತೆಯಿಂದ ಹಂಚಿಕೊಂಡ ಕ್ಲಿಪ್‌ನಲ್ಲಿ, ನಿಕ್ ಮುಂಬೈ ವಿಮಾನ ನಿಲ್ದಾಣದಿಂದ ಬಿಳಿ ಶರ್ಟ್, ಮ್ಯಾಚಿಂಗ್ ಪ್ಯಾಂಟ್ ಧರಿಸಿ ನಿರ್ಗಮಿಸುತ್ತಿರುವುದು ಕಂಡುಬಂದಿದೆ. ಗಾಯಕ ಮುಗುಳ್ನಕ್ಕು ಪಾಪರಾಜಿಗಳತ್ತ ಕೈ ಬೀಸಿದರು. ನಿಕ್ ಕಂಡೊಡನೆ ಅಭಿಮಾನಿಗಳು ವಿಮಾನ ನಿಲ್ದಾಣದ ಹೊರಗೆ ಜಮಾಯಿಸಿದರು. ಇದು ಈ ವರ್ಷ ಭಾರತಕ್ಕೆ ನಿಕ್ ಅವರ ಎರಡನೇ ಭೇಟಿಯಾಗಿದೆ. ಇದೀಗ ಫ್ಯಾನ್ಸ್‌ ʻಜೋಡಿ ಭಾರತದಲ್ಲಿ ಹೋಳಿ ಆಚರಿಸಿಲು ಬಂದಿಳಿದಿದೆʼ ಎಂದು ಕಮೆಂಟ್‌ ಮಾಡುತ್ತಿದ್ದಾರೆ. ʻಇದು ಮಾಲತಿಯ ಮೊದಲ ಹೋಳಿʼ ಎಂದು ಇನ್ನೊಬ್ಬರು ಕಮೆಂಟ್‌ ಮಾಡಿದ್ದಾರೆ.
ಪ್ರಿಯಾಂಕಾ ಮತ್ತು ಮಾಲತಿ ಮೇರಿ ಚೋಪ್ರಾ ಜೋನಾಸ್ ಕಳೆದ ವಾರ ಮುಂಬೈಗೆ ಆಗಮಿಸಿದ್ದರು. ಕೆಲವು ದಿನಗಳ ನಂತರ, ನಟಿ ಅಂಬಾನಿ ನಿವಾಸದಲ್ಲಿ ಇಶಾ ಅಂಬಾನಿ ಮತ್ತು ಬಲ್ಗೇರಿಯ ಸಿಇಒ ಜೀನ್ ಕ್ರಿಸ್ಟೋಫ್ ಬಾಬಿನ್ ಆಯೋಜಿಸಿದ್ದ ರೋಮನ್ ಹೋಳಿ ಪಾರ್ಟಿಯಲ್ಲಿ ಭಾಗವಹಿಸಿದರು. ಪ್ರಿಯಾಂಕಾ ಅವರು ಗುಲಾಬಿ ಬಣ್ಣದ ಸ್ಟೈಲಿಶ್ ಸ್ಲಿಟ್ ಸ್ಕರ್ಟ್ ಶೈಲಿಯ ಶೀರ್ ಪ್ರಿ-ಡ್ರೇಪ್ಡ್ ಸೀರೆಯನ್ನು ಧರಿಸಿದ್ದರು.
ಇದನ್ನೂ ಓದಿ: Priyanka Chopra: ‘ಆಸ್ಕರ್ʼ ನಾಮಿನೇಟ್‌ ಆದ ಭಾರತೀಯ ಡಾಕ್ಯುಮೆಂಟರಿಗೆ ಪ್ರಿಯಾಂಕಾ ಚೋಪ್ರಾ ಸಾಥ್‌!
ಸಿನಿಮಾ ವಿಚಾರಕ್ಕೆ ಬಂದರೆ ಪ್ರಿಯಾಂಕಾ ಫ್ರಾಂಕ್ ಇ ಫ್ಲವರ್ಸ್ ನಿರ್ದೇಶಿಸಲಿರುವ ʻದಿ ಬ್ಲಫ್ʼ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದಲ್ಲಿ ಕಾರ್ಲ್ ಅರ್ಬನ್ ಕೂಡ ನಟಿಸಲಿದ್ದಾರೆ.