ಬೆಂಗಳೂರು: ಬಾಲಿವುಡ್ ನಟಿಯರ ಜತೆ (Orry Reveals Getting Paid) ಓರಿ ಎನ್ನುವ ಯುವಕ ಆಗಾಗ ಕಾಣಿಸಿಕೊಳ್ಳುತ್ತಾರೆ. ಪಾರ್ಟಿಗಳಂತೂ ಓರಿ ಇಲ್ಲದೆ ಅಪೂರ್ಣ ಎಂದೇ ಹೇಳಬೇಕು. ಜಾನ್ವಿ ಕಪೂರ್, ನೀಸಾ ದೇವಗನ್, ಸಾರಾ ಅಲಿ ಖಾನ್ ಮತ್ತು ಅನನ್ಯಾ ಪಾಂಡೆ (bollywood celebrities) ಅವರೊಂದಿಗೆ ಉತ್ತಮ ಸ್ನೇಹಿತರಾಗಿದ್ದಾರೆ ಈ ಓರಿ. ಇತ್ತೀಚೆಗೆ ಜಾಮ್‌ನಗರದಲ್ಲಿ ಅನಂತ್ ಅಂಬಾನಿ ವಿವಾಹ ಪೂರ್ವ ಸಮಾರಂಭದಲ್ಲಿ ಓರಿ ಭಾಗಿಯಾಗಿದ್ದರು. ಮಾರ್ಚ್ 3ರ ರಾಧಿಕಾ ಮರ್ಚಂಟ್‌ ಜತೆ ಪೋಸ್‌ ಕೊಟ್ಟ ಓರಿ ಫೋಟೊ ವೈರಲ್‌ ಆಗಿದೆ.
ಓರಿ ಬಿಳಿ, ಗುಲಾಬಿ ಮಿಶ್ರಿತ ಉಡುಪನ್ನು ಧರಿಸಿದ್ದರು. ಇವೆಂಟ್‌ನಲ್ಲಿ ಮಹಾ ಆರತಿ ಕೂಡ ನಡೆದಿತ್ತು. ಮೇಣದಬತ್ತಿಗಳು ಮತ್ತು ಹೂವುಗಳಿಂದ ಸುಂದರವಾಗಿ ಅಲಂಕರಿಸಲ್ಪಟ್ಟ ಸ್ಥಳದ ಮಧ್ಯೆ ರಾಧಿಕಾ ಕುಳಿತ್ತಿದ್ದಾರೆ. ಅವರ ಜತೆ ಓರಿ ಕೂಡ ಕೂತು ಪೋಸ್‌ ಕೊಟ್ಟಿದ್ದಾರೆ. ಫೋಟೊಗಳನ್ನು ಹಂಚಿಕೊಂಡ, ಓರಿ ತನ್ನ ಹೂವಿನ ಇಮೋಜಿ ಕ್ಯಾಪ್ಷನ್‌ ಕೊಟ್ಟಿದ್ದಾರೆ. ಜಾಮ್‌ನಗರದಲ್ಲಿ ನಡೆದ ಈ ಸಮಾರಂಭದಲ್ಲಿ ತರುಣ್ ತಹಿಲಿಯಾನಿ ವಿನ್ಯಾಸಗೊಳಿಸಿದ ಕಸ್ಟಮ್ ಲೆಹೆಂಗಾವನ್ನು ರಾಧಿಕಾ ಧರಿಸಿದ್ದರು. ವಜ್ರದ ನೆಕ್ಲೇಸ್ ಕೂಡ ಧರಿಸಿದ್ದರು.
ಓರಿಯನ್ನು ಬಾಲಿವುಡ್ ʻಬೆಸ್ಫ್ರೆಂಡ್ ಫಾರೆವರ್ʼ ಎಂದೇ ಹೇಳುತ್ತಾರೆ. ಓರಿ ತನ್ನ ಫ್ಯಾಷನ್ನಿಂದಾಗಿಯೂ ಸುದ್ದಿಯಾಗುತ್ತಾರೆ. ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ ಚೇರ್ ಪರ್ಸನ್ ಆಫೀಸ್ನಲ್ಲಿ ಸ್ಪೆಷಲ್ ಪ್ರಾಜೆಕ್ಟ್ ಮ್ಯಾನೇಜರ್ ಆಗಿದ್ದಾರೆ.
ಇದನ್ನೂ ಓದಿ: Orry Reveals Getting Paid: ಸೆಲೆಬ್ರಿಟಿಗಳ ಸಮಾರಂಭದಲ್ಲಿ ಓರಿ ಪಡೆಯುವ ಸಂಭಾವನೆ ಇಷ್ಟೊಂದು!
ಸೆಲೆಬ್ರಿಟಿಗಳ ಸಮಾರಂಭದಲ್ಲಿ ಓರಿ ಪಡೆಯುವ ಸಂಭಾವನೆ ಇಷ್ಟೊಂದು!
ಮಾಧ್ಯಮವೊಂದರ ಸಂದರ್ಶನದಲ್ಲಿ ಹಲವು ಸಮಾರಂಭಗಳಲ್ಲಿ ಹಾಜಾರಾಗಲು ಪಡೆಯುವ ಸಂಭಾವನೆ ಕುರಿತು ಮಾತನಾಡಿದ್ದರು ಓರಿ. ʻʻಕಾರ್ಯಕ್ರಮಗಳಿಗೆ ಹಾಜರಾಗಲು ಮುಖ್ಯ ಕಾರಣ ಎಲ್ಲಿರಿಗೂ ಸಂತೋಷ ನೀಡಬೇಕು ಎಂದು. ಸೆಲೆಬ್ರಿಟಿಗಳು ನನ್ನನ್ನು ಮದುವೆಗೆ ಕರೆಯುತ್ತಾರೆ. 15ರಿಂದ 30 ಲಕ್ಷದವರೆಗೆ ಸಂಭಾವನೆ ನೀಡಿ ಸಂತೋಷಪಡುತ್ತಾರೆ. ನಾನು ಅತಿಥಿಯಾಗಿ ಅಲ್ಲಿ ಭಾಗಿಯಾಗಲ್ಲ. ಒಳ್ಳೆಯ ಸ್ನೇಹಿತನಾಗಿ ಹೋಗುತ್ತೇನೆʼʼಎಂದಿದ್ದರು. ಓರಿ ಶಾರುಖ್ ಖಾನ್ ಮಗಳು ಸುಹಾನಾ ಖಾನ್ಗೂ ಬೆಸ್ಟ್ ಫ್ರೆಂಡ್. ಸುಹಾನಾ ಖಾನ್ ಜತೆ ಓರಿ ಹಲವಾರು ಸಲ ಪಾರ್ಟಿಗಳಲ್ಲಿ ಕಾಣಿಸಿಕೊಂಡಿದ್ದಾರೆ.