ಬೆಂಗಳೂರು: ನಟ ಶಾರುಖ್ ಖಾನ್ (Shah Rukh Khan) ಸೇರಿದಂತೆ ಹಲವು ಸೆಲೆಬ್ರಿಟಿಗಳು, ಗುಜರಾತ್‌ನ ಜಾಮ್‌ನಗರದಲ್ಲಿ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್‌ರ ಮೂರು ದಿನಗಳ ವಿವಾಹ ಪೂರ್ವ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಎರಡನೇ ದಿನ ಶನಿವಾರ (ಮಾ.2) ಸಂಜೆ ನಡೆದ ಇವೆಂಟ್‌ನಲ್ಲಿ ಶಾರುಖ್, ಸಲ್ಮಾನ್ ಖಾನ್, ಆಮೀರ್ ಮೂವರು ಒಟ್ಟಿಗೆ ಡ್ಯಾನ್ಸ್‌ ಮಾಡಿದ್ದಾರೆ. ಶಾರುಖ್ ಅವರ ಹಲವಾರು ವೀಡಿಯೊಗಳು ಮತ್ತು ಫೋಟೊಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ವಿಡಿಯೊವೊಂದರಲ್ಲಿ ಶಾರುಖ್ ವೇದಿಕೆಗೆ ಬರುತ್ತಿದ್ದಂತೆ ʻಜೈ ಶ್ರೀ ರಾಮ್’. ದೇವರು ನಿಮ್ಮೆಲ್ಲರನ್ನು ಆಶೀರ್ವದಿಸಲಿʼಎಂದು ಹೇಳಿದ್ದಾರೆ. ಶಾರುಖ್ ನಿರೂಪಣೆ ಜತೆಗೆ ಡ್ಯಾನ್ಸ್‌ ಮಾಡಿ ನೆರೆದಿದ್ದವರನ್ನು ರಂಜಿಸಿದ್ದಾರೆ.
ಕಪ್ಪು ಕುರ್ತಾ, ಜಾಕೆಟ್ ಮತ್ತು ಪೈಜಾಮಾ ಧರಿಸಿ ಶಾರುಖ್ ವೇದಿಕೆಗೆ ಆಗಮಿಸಿದ್ದರು. ಹಿಂದಿ ಮತ್ತು ಇಂಗ್ಲಿಷ್‌ನಲ್ಲಿ ಮಾತನಾಡುತ್ತ, ‘ಜೈ ಶ್ರೀ ರಾಮ್’. ದೇವರು ನಿಮ್ಮೆಲ್ಲರನ್ನು ಆಶೀರ್ವದಿಸಲಿ. ನೀವು ನೃತ್ಯ ಪ್ರದರ್ಶನಗಳನ್ನು ನೋಡಿದ್ದೀರಿ. ಸಹೋದರರು, ಸಹೋದರಿಯರು ನೃತ್ಯ ಮಾಡಿದ್ದಾರೆ. ಇದೆಲ್ಲ ಒಗ್ಗಟ್ಟಿನಿಂದ ಮಾತ್ರ ಸಾಧ್ಯʼʼಎಂದು ಹೇಳಿರುವ ವಿಡಿಯೊ ವೈರಲ್‌ ಆಗಿದೆ.
ಮತ್ತೊಂದು ವಿಡಿಯೊದಲ್ಲಿ, ಶಾರುಖ್ ಅವರು 2023ರ ಹಿಟ್‌ ಚಿತ್ರ ʻಪಠಾಣ್‌ʼ ಸಿನಿಮಾದ ʻಜೂಮ್ ಜೋ ಪಠಾಣ್‌ʼ ಹಾಡಿಗೆ ನೃತ್ಯ ಮಾಡುತ್ತಿರುವುದು ಕಂಡುಬಂದಿದೆ. ಶಾರುಖ್ ಜತೆ ಅವರ ಪುತ್ರಿ ಸುಹಾನಾ ಖಾನ್, ಅಮಿತಾಭ್‌ ಬಚ್ಚನ್ ಅವರ ಮೊಮ್ಮಗಳು ನವ್ಯಾ ನವೇಲಿ ನಂದಾ, ಅನನ್ಯಾ ಪಾಂಡೆ ಮತ್ತು ಶನಯಾ ಕಪೂರ್ ಕೂಡ ಕುಣಿದು ಕುಪ್ಪಳಿಸಿದರು.
ಇದನ್ನೂ ಓದಿ: Shah Rukh Khan : ಶಾರುಖ್, ರಣವೀರ್‌ ಜತೆ ಪೋಸ್‌ ಕೊಟ್ಟ ಕ್ರಿಕೆಟಿಗ ಡ್ವೇನ್ ಬ್ರಾವೋ!
ಜೈ ಶ್ರೀರಾಮ್‌ ಎಂದ ಶಾರುಖ್
ಅನಂತ್ ಅವರು ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಅವರ ಕಿರಿಯ ಮಗ. ಜುಲೈನಲ್ಲಿ ನಡೆಯಲಿರುವ ಮದುವೆಗೆ ನಾಲ್ಕು ತಿಂಗಳ ಮುಂಚಿತವಾಗಿ ಮೂರು ದಿನಗಳ ಪೂರ್ವ ವಿವಾಹ ಕಾರ್ಯಕ್ರಮ ನಡೆಯುತ್ತಿದೆ. ಬಾಲಿವುಡ್ ಸೆಲೆಬ್ರಿಟಿಗಳಾದ ಸಲ್ಮಾನ್ ಖಾನ್, ಆಮೀರ್ ಖಾನ್, ಸೈಫ್ ಅಲಿ ಖಾನ್, ಕರೀನಾ ಕಪೂರ್, ದೀಪಿಕಾ ಪಡುಕೋಣೆ, ವಿಕ್ಕಿ ಕೌಶಲ್, ಕತ್ರಿನಾ ಕೈಫ್, ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಸೇರಿದಂತೆ ಹಲವರು ಗಣ್ಯರು ಭಾಗಿಯಾಗಿದ್ದರು.