ಬೆಂಗಳೂರು: ನಟ ಶಾರುಖ್ ಖಾನ್ ಭಾನುವಾರ ಸಂಜೆ (ಮಾ.3) (Shah Rukh Khan) ಗುಜರಾತ್‌ನ ಜಾಮ್‌ನಗರದಲ್ಲಿ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹಪೂರ್ವ ಸಂಭ್ರಮದಲ್ಲಿ ಭಾಗವಹಿಸಿದ್ದರು. ಶಾರುಖ್ ಜತೆ ಗೌರಿ ಖಾನ್ ಮತ್ತು ಮಗ ಅಬ್ರಾಮ್ ಖಾನ್ ಜತೆಗಿದ್ದರು. ಸಮಾರಂಭದಲ್ಲಿ ದಂಪತಿ ಒಟ್ಟಿಗೆ ನೃತ್ಯ ಮಾಡಿದ್ದಾರೆ. ಶಾರುಖ್ ಮತ್ತು ಗೌರಿ ʻವೀರ್-ಜಾರಾʼ ಸಿನಿಮಾದ ʻಮೈ ಯಹಾನ್ ಹೂನ್ʼ ಹಾಡಿಗೆ ಸ್ಟೆಪ್‌ ಹಾಕಿದ್ದಾರೆ.
ವೈರಲ್‌ ಆದ ಕ್ಲಿಪ್‌ನಲ್ಲಿ ಶಾರುಖ್ ಅವರು ಗೌರಿ ಮತ್ತು ಅಬ್ರಾಮ್ ಅವರೊಂದಿಗೆ ಪಾರ್ಟಿಗೆ ಆಗಮಿಸುತ್ತಿರುವುದು ಕಂಡುಬಂದಿದೆ. ಮಗನ ಕೈ ಹಿಡಿದ ಶಾರುಖ್ ಅವರನ್ನು ಆದಿತ್ಯ ರಾಯ್ ಕಪೂರ್ ಮತ್ತು ಅನನ್ಯಾ ಪಾಂಡೆ ಸ್ವಾಗತಿಸಿದರು. ಅವರ ಮ್ಯಾನೇಜರ್ ಪೂಜಾ ದದ್ಲಾನಿ ಕೂಡ ಗೌರಿಗೆ ಶುಭಾಶಯ ಕೋರಿದ್ದಾರೆ. ಈವೆಂಟ್‌ಗಾಗಿ ಶಾರುಖ್ ಕ್ರೀಮ್ ಕುರ್ತಾ, ಪೈಜಾಮ ಧರಿಸಿದ್ದರು. ಗೌರಿ ಕಡು ನೀಲಿ ಬಣ್ಣದ ಉಡುಪನ್ನು ಧರಿಸಿದ್ದರು. ಅಬ್ರಾಮ್ ಖಾನ್ ಕಪ್ಪು ಕುರ್ತಾ ಮತ್ತು ಪೈಜಾಮಾದಲ್ಲಿ ಮುದ್ದಾಗಿ ಕಾಣುತ್ತಿದ್ದರು.
ಇದನ್ನೂ ಓದಿ: Shah Rukh Khan: ಅಂಬಾನಿ ಮಗನ ಮದುವೆ: ʻಜೈ ಶ್ರೀ ರಾಮ್’ ಎಂದ ಶಾರುಖ್ ಖಾನ್!
ಪತ್ನಿ ಜತೆ ಶಾರುಖ್ ಡ್ಯಾನ್ಸ್‌
ಈವೆಂಟ್‌ನಲ್ಲಿ ಶಾರುಖ್ ಮತ್ತು ಗೌರಿ ʻವೀರ್-ಜಾರಾʼ ಸಿನಿಮಾದ ʻಮೈ ಯಹಾನ್ ಹೂನ್ʼ ಹಾಡಿಗೆ ನೃತ್ಯ ಮಾಡಿದರು. ಕ್ಲಿಪ್‌ನಲ್ಲಿ, ದಂಪತಿ ನೃತ್ಯ ಮಾಡುವಾಗ ಉದಿತ್ ನಾರಾಯಣ್ ಹಾಡನ್ನು ಹಾಡುವುದು ಕೇಳಿಸಿತು. ಜೋಡಿ ಡ್ಯಾನ್ಸ್‌ ಮಾಡುವಾಗ ನೆರದಿದ್ದವರು ಚಪ್ಪಾಳೆ ಕೂಡ ತಟ್ಟಿದ್ದಾರೆ.
ಉದ್ಯಮಿ ಮುಖೇಶ್ ಅಂಬಾನಿ ಅವರ ಕಿರಿಯ ಪುತ್ರನ ವಿಶೇಷ ದಿನದಂದು ಬಿಲ್ ಗೇಟ್ಸ್, ಮಾರ್ಕ್ ಜುಕರ್‌ಬರ್ಗ್, ರಿಹಾನ್ನಾ ಮತ್ತು ಇವಾಂಕಾ ಟ್ರಂಪ್ ಕೂಡ ಭಾಗಿಯಾಗಿದ್ದರು. ರಜನಿಕಾಂತ್, ಅಮಿತಾಭ್ ಬಚ್ಚನ್, ರಣಬೀರ್ ಕಪೂರ್, ಕರೀನಾ ಕಪೂರ್, ಕರಿಷ್ಮಾ ಕಪೂರ್, ಆಲಿಯಾ ಭಟ್, ದೀಪಿಕಾ ಪಡುಕೋಣೆ, ರಣವೀರ್ ಸಿಂಗ್, ಎಂಎಸ್ ಧೋನಿ ಮತ್ತು ಸಾನಿಯಾ ನೆಹ್ವಾಲ್ ಸೇರಿದಂತೆ ಸೆಲೆಬ್ರಿಟಿಗಳು ಕೂಡ ಭಾಗಿಯಾಗಿದ್ದರು. ಮೂರು ದಿನಗಳ ವಿವಾಹ ಪೂರ್ವ ಸಂಭ್ರಮ ಶುಕ್ರವಾರ (ಮಾ.1) ಆರಂಭವಾಗಿ ಭಾನುವಾರ (ಮಾ.3) ಮುಕ್ತಾಯವಾಯಿತು.