ಬೆಂಗಳೂರು: ಮಾರ್ಚ್ 6 ಜಾನ್ವಿ ಕಪೂರ್ (Janhvi Kapoor) ಅವರ ಜನ್ಮದಿನ. ಅಭಿಮಾನಿಗಳು ಸೇರಿದಂತೆ ನಟಿಗೆ ಇಡೀ ಬಾಲಿವುಡ್‌ ಶುಭ ಹಾರೈಸಿದೆ. ಜಾನ್ವಿ ಕಪೂರ್ ಬಾಯ್‌ಫ್ರೆಂಡ್‌ ಎನಿಸಿಕೊಂಡಿರುವ ಶಿಖರ್ ಪಹಾರಿಯಾ (Shikhar Pahariya) ಕೂಡ ಕ್ಯೂಟ್‌ ಆಗಿ ವಿಶ್‌ ಮಾಡಿದ್ದಾರೆ. ಪ್ಯಾರಿಸ್‌ ಐಫೆಲ್ ಟವರ್ ಜೋಡಿ ಒಟ್ಟಿಗೆ ನಿಂತು ನೋಡುವ ಫೋಟೊ ಕೂಡ ನಟಿ ಹಂಚಿಕೊಂಡಿದ್ದಾರೆ.
ಶಿಖರ್ ಅವರು ಜಾನ್ವಿಯ ಹುಟ್ಟುಹಬ್ಬದಂದು, ಎರಡು ಫೋಟೊಗಳನ್ನು ಪೋಸ್ಟ್ ಮಾಡಿದ್ದಾರೆ. ಮೊದಲ ಫೋಟೊದಲ್ಲಿ ಜೋಡಿ ಒಟ್ಟಿಗೆ ಪ್ಯಾರಿಸ್‌ ಐಫೆಲ್ ಟವರ್ ಒಟ್ಟಿಗೆ ನೋಡುತ್ತಿರುವುದು. ಇನ್ನೊಂದು ಜಾನ್ವಿ ಅವರ ಅಚ್ಚು ಮೆಚ್ಚಿನ ನಾಯಿಗಳೊಂದಿಗೆ ಪೋಸ್‌ ಕೊಟ್ಟಿರುವುದು. ಈ ಎರಡು ಫೋಟೊ ಹಂಚಿಕೊಂಡು “ಜನ್ಮದಿನದ ಶುಭಾಶಯಗಳು” ಎಂದು ಬರೆದಿದ್ದಾರೆ. ಜಾನ್ವಿ ತನ್ನ ಹುಟ್ಟುಹಬ್ಬದಂದು ಶಿಖರ್ ಜತೆ ತಿರುಪತಿಯ ತಿರುಮಲ ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು.
ನಟಿಯ ಕೈಯಲ್ಲಿ ಹಲವಾರು ಸಿನಿಮಾಗಳಿವೆ. ಮೂರು ಸಿನಿಮಾಗಳು ಬಿಡುಗಡೆಗೆ ಸಜ್ಜಾಗಿವೆ. ‘ದೇವರ’ ನಂತರ ಮತ್ತೊಂದು ತೆಲುಗು ಚಿತ್ರದಲ್ಲಿ ನಟಿ ಜಾನ್ವಿ ಕಪೂರ್ ನಟಿಸಲು ಸಿದ್ಧರಾಗಿದ್ದಾರೆ. ಬುಚ್ಚಿ ಬಾಬು ಸನಾ ನಿರ್ದೇಶಿಸುತ್ತಿರುವ 16ನೇ ಚಿತ್ರದಲ್ಲಿ ರಾಮ್ ಚರಣ್ ಜತೆ ತೆರೆ ಹಂಚಿಕೊಳ್ಳಲಿದ್ದಾರೆ. ಜಾನ್ವಿ ಕಪೂರ್ ಕೊನೆಯದಾಗಿ ವರುಣ್ ಧವನ್ ಜತೆ ‘ಬವಾಲ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ: Janhvi Kapoor: ಜನುಮದಿನದಂದೇ ಗುಡ್‌ನ್ಯೂಸ್‌ ಕೊಟ್ಟ ಜಾನ್ವಿ ಕಪೂರ್: ರಾಮ್‌ಚರಣ್‌ ಜತೆ ರೊಮ್ಯಾನ್ಸ್‌!
‘ಆರ್‌ಸಿ 16’ ಮತ್ತು ‘ದೇವರ’ ಹೊರತುಪಡಿಸಿ, ಜಾನ್ವಿ ಅವರು ರಾಜ್‌ಕುಮಾರ್ ರಾವ್ ಎದುರು ‘ಮಿಸ್ಟರ್ ಆ್ಯಂಡ್ ಮಿಸಸ್ ಮಹಿ’, ಸುಧಾಂಶು ಸರಿಯಾ ಅವರ ‘ಉಲಾಜ್’ ಮತ್ತು ವರುಣ್ ಧವನ್ ಎದುರು ‘ಸನ್ನಿ ಸಂಸ್ಕರಿ ಕಿ ತುಳಸಿ ಕುಮಾರಿ’ ಸಿನಿಮಾಗಳನ್ನು ಹೊಂದಿದ್ದಾರೆ.