ಕೈಗಾರಿಕೋದ್ಯಮಿ ವೀರೇನ್ ಮರ್ಚೆಂಟ್ ಅವರ ಪುತ್ರಿ ರಾಧಿಕಾ ಮರ್ಚೆಂಟ್ (Anant-Radhika Pre-wedding) ಮತ್ತು ರಿಲಯನ್ಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಅವರ ವಿವಾಹ ಪೂರ್ವ ಸಮಾರಂಭ ಅದ್ಧೂರಿಯಾಗಿ ಮೂರು ದಿನಗಳ ಕಾಲ ನೆರವೇರಿತು.
ಅದ್ಧೂರಿ ವಿವಾಹ ಪೂರ್ವ ಆಚರಣೆಗಳು ಮಾರ್ಚ್ 1ರಂದು ಪ್ರಾರಂಭವಾಗಿ ಮಾರ್ಚ್ 3 ರಂದು ಮುಕ್ತಾಯಗೊಂಡಿದೆ. ಮೂರನೇ ದಿನ ತಾರೆಯರು, ನವಜೋಡಿಗಳು ಸೇರಿದಂತೆ ಅನೇಕ ಗಣ್ಯರು ಟ್ರೆಡಿಷನಲ್‌ ಆಗಿ ಸಖತ್‌ ಆಗಿ ಕಂಡರು.
ಈ ಸಂಭ್ರಮದಲ್ಲಿ ಪ್ರಮುಖ ಅತಿಥಿಗಳು ಗುಜರಾತ್‌ನ ಜಾಮ್‌ನಗರಕ್ಕೆ ಆಗಮಿಸಿದ್ದರು. ಉದ್ಯಮಿಗಳು, ರಾಜಕಾರಣಿಗಳು, ಹಾಲಿವುಡ್ ಮತ್ತು ಬಾಲಿವುಡ್ ತಾರೆಗಳು ಮತ್ತು ಕ್ರಿಕೆಟಿಗರು ಭಾಗಿಯಾಗಿದ್ದರು.
ಕೊನೆಯ ದಿನ ಆಲಿಯಾ ಭಟ್ ಗೋಲ್ಡನ್ ಲೆಹೆಂಗಾದಲ್ಲಿ ಸುಂದರವಾಗಿ ಕಾಣುತ್ತಿದ್ದರು. ರಣಬೀರ್ ಬಿಳಿ ಶೆರ್ವಾನಿಯಲ್ಲಿ ಕಂದು ಬಣ್ಣದ ಬೂಟುಗಳನ್ನು ಧರಿಸಿದ್ದರು.
ಇದನ್ನೂ ಓದಿ: FSL Report : FSL ವರದಿ ಬಿಡುಗಡೆ ಮಾಡಿದ ಬಿಜೆಪಿ; ಪಾಕಿಸ್ತಾನ್‌ ಜಿಂದಾಬಾದ್‌ ಘೋಷಣೆಗೆ ಸಾಕ್ಷಿ
ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಅವರು ತಮ್ಮ ಹಿರಿಯ ಮಗ ತೈಮೂರ್ ಜತೆಗೆ ಫೋಟೋಗೆ ಪೋಸ್ ನೀಡಿದರು.
ಸುಹಾನಾ ಖಾನ್ ಕಸೂತಿ ಮಾಡಿದ ಸೀರೆಯನ್ನು ಆಫ್ ಶೋಲ್ಡರ್ ಬ್ಲೌಸ್‌ನೊಂದಿಗೆ ಧರಿಸಿದ್ದರು.
ಟ್ರೆಡಿಷನಲ್‌ ಡ್ರೆಸ್‌ನಲ್ಲಿ ಪೋಸ್ ಕೊಟ್ಟ ಬಿಲ್ ಗೇಟ್ಸ್ ದಂಪತಿ.
ಪತ್ನಿಯೊಂದಿಗೆ ಸಖತ್‌ ಲುಕ್‌ನಲ್ಲಿ ಸಚಿನ್ ತೆಂಡೂಲ್ಕರ್.
ಶಾರುಖ್ ಕ್ರೀಮ್ ಕುರ್ತಾ, ಪೈಜಾಮ ಧರಿಸಿದ್ದರು. ಗೌರಿ ಕಡು ನೀಲಿ ಬಣ್ಣದ ಉಡುಪನ್ನು ಧರಿಸಿದ್ದರು. ಅಬ್ರಾಮ್ ಖಾನ್ ಕಪ್ಪು ಕುರ್ತಾ ಮತ್ತು ಪೈಜಾಮಾದಲ್ಲಿ ಮುದ್ದಾಗಿ ಕಾಣುತ್ತಿದ್ದರು.
ಲೆಹೆಂಗಾದಲ್ಲಿ ಕಂಗೊಳಿಸಿದ ಅನನ್ಯಾ ಪಾಂಡೆ.
ಭಾರತದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಬಿಳಿ ಬಣ್ಣದ ಕುರ್ತಾ-ಪೈಜಾಮಾ ಧರಿಸಿದ್ದರು. ಪತ್ನಿ ಸಾಕ್ಷಿ ಹಳದಿ ಮತ್ತು ಕೆಂಪು ಬಣ್ಣದ ಮುದ್ರಿತ ಸಲ್ವಾರ್ ಸೂಟ್‌ ಧರಿಸಿದ್ದರು.
ಸೂಪರ್‌ಸ್ಟಾರ್ ರಜನಿಕಾಂತ್ ಅವರು ಬಿಳಿ ಶರ್ಟ್ ಜತೆಗೆ ಪಂಚೆ ಧರಿಸಿ ಫ್ಯಾಮಿಲಿ ಜತೆ ಪೋಸ್ ಕೊಟ್ಟರು.
ಅಮೆರಿಕದ ಮಾಜಿ ಅಧ್ಯಕ್ಷ, ಡೊನಾಲ್ಡ್ ಟ್ರಂಪ್ ಅವರ ಪುತ್ರಿ, ಇವಾಂಕಾ ಟ್ರಂಪ್ ಹಳದಿ ಬಣ್ಣದ ಲೆಹೆಂಗಾ ಚೋಲಿ ಸೆಟ್‌ನಲ್ಲಿ ಮುದ್ದಾಗಿ ಕಾಣಿಸಿಕೊಂಡರು. ಅವರ ಮಗಳು ಅರಬೆಲ್ಲಾ ಹಳದಿ ಲೆಹೆಂಗಾದಲ್ಲಿ ಕಾಣಿಸಿಕೊಂಡರು. ಇವಾಂಕಾ ಅವರ ಪತಿ, ಜೇರೆಡ್ ಕುಶ್ನರ್ ಅವರು ನೀಲಿ ಬಣ್ಣದ ಶರ್ಟ್ ಧರಿಸಿ, ಬಿಳಿ ಕೋಟ್‌ನೊಂದಿಗೆ ಸುಂದರವಾಗಿ ಕಾಣುತ್ತಿದ್ದರು.