ಬೆಂಗಳೂರು: ಬಿಗ್ ಬಿಲಿಯನ್ ಡೇಸ್ ಮಾರಾಟದಲ್ಲಿ ಜನರ ಹಾದಿ ತಪ್ಪಿಸುವ ಜಾಹೀರಾತು ವಿಚಾರಕ್ಕೆ ಸಂಬಂಧಿಸಿದಂತೆ ಬಾಲಿವುಡ್ ಸ್ಟಾರ್ ಅಮಿತಾಭ್ ಬಚ್ಚನ್ (Amitabh Bachchan) ಹಾಗೂ ಆನ್‌ಲೈನ್‌ ಮಾರಾಟ ದಿಗ್ಗಜ ಫ್ಲಿಪ್ಕಾರ್ಟ್ ವಿರುದ್ಧ ಅಖಿಲ ಭಾರತೀಯ ವ್ಯಾಪಾರಿಗಳ ಒಕ್ಕೂಟವು (CAIT) ಗ್ರಾಹಕ ವ್ಯವಹಾರಗಳ ಸಚಿವಾಲಯಕ್ಕೆ ದೂರು ಸಲ್ಲಿಸಿದೆ. ದೇಶದ ಸಣ್ಣ ಚಿಲ್ಲರೆ ವ್ಯಾಪಾರಿಗಳ ವಿರುದ್ಧ ಜಾಹೀರಾತು ಇದೆ ಸಿಎಐಟಿಯು ಕೇಂದ್ರ ಗ್ರಾಹಕ ಸಂರಕ್ಷಣಾ ಪ್ರಾಧಿಕಾರಕ್ಕೆ (ಸಿಸಿಪಿಎ) ನೀಡಿದ ದೂರಿನಲ್ಲಿ ಉಲ್ಲೇಖಿಸಿದ್ದು, ಕೂಡಲೇ ಜಾಹೀರಾತು ಹಿಂಪಡೆಯುವಂತೆ ನಿರ್ದೇಶಿಸಬೇಕು ಎಂದು ಕೋರಲಾಗಿದೆ ಎಂದು ತಿಳಿದುಬಂದಿದೆ.
ಗ್ರಾಹಕ ಸಂರಕ್ಷಣಾ ಕಾಯ್ದೆಯ ಸಂಬಂಧಿತ ನಿಬಂಧನೆಗಳ ಪ್ರಕಾರ ಫ್ಲಿಪ್ಕಾರ್ಟ್ ಈ ರೀತಿ ಸುಳ್ಳು ಜಾಹೀರಾತಿನ ಮೂಲಕ ಜನರ ಹಾದಿ ತಪ್ಪಿಸುವ ಕೆಲಸ ಮಾಡುತ್ತಿದ್ದು, ಇದಕ್ಕೆ ಸಾಥ್‌ ನೀಡಿದ ಅಮಿತಾಭ್ ಬಚ್ಚನ್ ಅವರಿಗೆ 10 ಲಕ್ಷ ರೂಪಾಯಿ ದಂಡ ವಿಧಿಸಬೇಕು ಎಂದು ಕೂಡ CAIT ಒತ್ತಾಯಿಸಿದೆ. ಫ್ಲಿಪ್‌ಕಾರ್ಟ್‌ಗೆ ಈಗಾಗಲೇ ಇ-ಮೇಲ್ ಕಳುಹಿಸಿದ್ದರೂ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಬಚ್ಚನ್ ಅವರನ್ನು ಸಂಪರ್ಕಿಸಲಾಗಲಿಲ್ಲ ಎಂದು ಹೇಳಿಕೆ ನೀಡಿದೆ. ಕಳೆದ ವಾರ, ಫ್ಲಿಪ್‌ಕಾರ್ಟ್‌ನ ಮುಂಬರುವ ಬಿಗ್ ಬಿಲಿಯನ್ ಡೇ ಆಫರ್ ಪ್ರಚಾರ ಮಾಡಲು ಬಚ್ಚನ್ ಅವರನ್ನು ಕರೆದಿತ್ತು. ಕಳೆದ ವಾರ ಜಾಹೀರಾತು ಹಿನ್ನೆಲೆಯಲ್ಲಿ CAIT ನೋಟಿಸ್ ನೀಡಿತ್ತು. ಅಮಿತಾಭ್ ಅವರು ಫ್ಲಿಪ್ಕಾರ್ಟ್ ಅವರ ಬಿಗ್ ಬಿಲಿಯನ್ ಡೇಸ್ ಪ್ರಮೋಟ್‌ ಮಾಡಬೇಕಿತ್ತು. ಬಿಗ್ ಬಿಲಿಯನ್ ಡೇಸ್ ಸೇಲ್ ಅಕ್ಟೋಬರ್ 8 ರಿಂದ 15 ರವರೆಗೆ ನಡೆಯಲಿದೆ.
ಇದನ್ನೂ ಓದಿ: Amitabh Bachchan: ಭಾರತ್ ಮಾತಾ ಕಿ ಜೈ ಎಂದು ಅಮಿತಾಭ್ ಬಚ್ಚನ್ ಪೋಸ್ಟ್ ಮಾಡಿದ್ದೇಕೆ?
ಸಿನಿಮಾದಲ್ಲಿ ಬಿಗ್ ಬಿ ಬ್ಯುಸಿ
ಅಮಿತಾಬ್‌ ಈಗಾಗಲೇ ಸೌತ್‌ ಸಿನಿಮಾಗೆ ಎಂಟ್ರಿ ಕೊಟ್ಟಿದ್ದಾರೆ. ಸೂಪರ್‌ಸ್ಟಾರ್‌ಗಳಾದ ಶಾರುಖ್ ಖಾನ್ ಮತ್ತು ಅಮಿತಾಭ್ ಬಚ್ಚನ್ 17 ವರ್ಷಗಳ ಬಳಿಕ ಶೀಘ್ರದಲ್ಲೇ ಒಂದು ಪ್ರಾಜೆಕ್ಟ್‌ಗಾಗಿ ಒಟ್ಟಿಗೆ ತೆರೆಗೆ ಬರುತ್ತಿದ್ದಾರೆ. 2006ರಲ್ಲಿ ಬಿಡುಗಡೆಯಾದ ‘ಕಭಿ ಅಲ್ವಿದಾ ನಾ ಕೆಹನಾ’ದಲ್ಲಿ (Kabhi Alvida Naa Kehna) ಕೊನೆಯ ಬಾರಿಗೆ ಈ ಜೋಡಿ ಒಟ್ಟಿಗೆ ತೆರೆ ಹಂಚಿಕೊಂಡಿತ್ತು. ಈ ಸುದ್ದಿ ವೈರಲ್‌ ಆಗುತ್ತಿದ್ದಂತೆ ಸೋಷಿಯಲ್‌ ಮೀಡಿಯಾದಲ್ಲಿ ಇವರಿಬ್ಬರ ಫ್ಯಾನ್ಸ್‌ ಖುಷಿ ಹಂಚಿಕೊಳ್ಳುತ್ತಿದ್ದಾರೆ.
ಮೂಲಗಳ ಪ್ರಕಾರ ಅಮಿತಾಭ್ ಬಚ್ಚನ್ ಮತ್ತು ಶಾರುಖ್ ಖಾನ್ ಕೈಯಲ್ಲಿ ಒಂದು ಪ್ರಾಜೆಕ್ಟ್‌ ಇದೆ. ಆದರೆ ಹೆಚ್ಚಿನ ಸುದ್ದಿಗಳು ಇನ್ನೂ ಹೊರಬಂದಿಲ್ಲ. ಆಗಸ್ಟ್ 26ರಂದು ಟ್ವಿಟರ್‌ನಲ್ಲಿ ಶಾರುಖ್ ಖಾನ್ ಆಸ್ಕ್ ಎಸ್‌ಆರ್‌ಕೆ ಸೆಷನ್ ನಡೆಸಿದರು. ಅಲ್ಲಿ ಅಭಿಮಾನಿಯೊಬ್ಬರು ಅಮಿತಾಭ್ ಬಚ್ಚನ್ ಬಗ್ಗೆ ಏನಾದರೂ ಹೇಳುವಂತೆ ಕೇಳಿದರು. ಆಗ ಶಾರುಖ್ ಇಬ್ಬರೂ (ಅಮಿತಾಭ್-ಶಾರುಖ್) ಒಟ್ಟಿಗೆ ಇರುವ ಪೋಸ್ಟರ್ ಕೂಡ ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲದೇ ಸ್ವತಃ ಶಾರುಖ್ ಅವರೇ ಈ ಬಗ್ಗೆ ಉತ್ತರಿಸಿದರು.ಶಾರುಖ್ ಖಾನ್ ಮತ್ತು ಅಮಿತಾಭ್ ಬಚ್ಚನ್ ಈ ಹಿಂದೆ ‘ಮೊಹಬ್ಬತೇನ್ (Mohabbatein)’, ‘ಕಭಿ ಖುಷಿ ಕಭಿ ಗಮ್ (Kabhi Khushi Kabhi Gham)’ ಮತ್ತು ‘ವೀರ್ ಝಾರಾ’ (Veer Zaara) ನಂತಹ ಐಕಾನಿಕ್ ಚಲನಚಿತ್ರಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು.